足足3年冇去旅行喇!
疫情偷走咗我地一家四口3年合共9次的旅行回憶呀!!!
今年10月, 日本宣布開關, 我就拿拿聲叫老公買機票去日本, 一家四口去大阪機票盛惠$32,xxx (原價$28,xxx, 老公拖咗2日先至買, 結果貴咗$4,000), 比疫情前貴咗一倍, 豁出去啦! 實在太耐冇得去旅行, 呢幾年我只係不斷工作, 個人好抑鬱!
買咗機票, 就要即刻Plan行程, 因為酒店要跟行程Book, 用咗幾日時間Plan行程, 唔想留係大阪, 因為大阪冇嘢啱孖寶玩, 要揸車去名古屋(有Legoland, 鈴鹿賽車場, etc.), 同老公一齊搵酒店, 搵咗幾晚, 聖誕節D酒店好快爆, 仲要好貴(平均$2000一晚, 仲要唔包早餐)
機票+8晚酒店, 盛惠$48,000!!! 又話而家日元低水, 去日本好抵??? 惟有不停安慰自己同老公, 3年冇去, 已經慳咗好多架喇!
孖寶知道聖誕節可以去日本旅行, 好開心! 尤其細佬仔(佢由細到大都好鍾意去旅行), 所以佢每次呻返學/考試好辛苦, 我就同佢講, 你諗吓聖誕可以去旅行, 就有動力去面對架喇!
搞掂晒機票+酒店, Plan好行程, 最後, 就只係爭一樣嘢...... 確診! 冇錯! 我唔想臨上飛機前或者係日本期間確診呀! 俾咗咁多錢, 我唔想冇得去, 或者去到都冇得玩!
結果, 連個天都幫埋我! 11月尾, 我無啦啦發燒, 確診! 然後...... 全家...... 天下無敵!
於是, 12月尾聖誕節, 我地就好順利出發去日本喇! YEAH!!!
沒有留言:
張貼留言