行山

說話星期五晚食飯的時候, 細佬突然間話...

細佬: 媽媽, 我想去行山?
媽媽: 吓? 行山? 你知唔知咩叫做行山呀?
細佬: 我知!
媽媽: 要行上個山度喎!
細佬: 放心啦! 我唔會行行吓話好攰, 行唔到架!
媽媽: (心諗: 我正想問你!) 係唔係架? 嗱! 到時唔准話攰, 要抱呀! 媽媽抱唔到你!

由於小朋友講的說話, 真係信佢一成, 雙目失明! 爸爸媽媽當然唔會中伏啦! 所以媽媽提意...去山頂! 冇錯! 係揸車上山頂, 然後行一陣, 當然唔係由山腳行到上山頂啦!

星期六早上, 爸爸一早開車, 一家去咗山頂, 然後行咗一分鐘去咗個展望台, 孖寶見到地下有個方向指南, 玩咗20分鐘 (唔知有咩咁好玩)! 不過, 由於實在太曬, 媽媽提意走人!

孖寶第一次行山體驗! 佢地仲話下次再黎過! hoho...