終於可以一家人去旅行喇!

可能由細到大, 老豆每年都帶我地一家四口去旅行, 所以婚後倆口子都每年去兩次旅行, 我都好滿意呢個安排!

但係, 自從BBS出世以來(連埋陀BBS, 已經足足3年6個月冇去過旅行), 帶住2個B, 我地跟本去唔到旅行(人地兩公婆帶1個B就成日去邊度都得), 老公就成日send人地一家四口去旅行D Blog 俾我睇, 叫我"葡萄"吓人地有幾咁開心, 自己冇得去旅行幾咁可憐, 挑起我的怒火 (有次仲激到我同佢鬧交! 都去唔到旅行, 你又唔係帶我地3母子去, 咁你send俾我做乜? 係唔係抵鬧?)

之前我經常暗示人地可以帶埋BB去旅行好開心, 又話人地阿邊個邊個都係孖B, 都去咗旅行, 佢就次次兜頭冷水: 好辛苦! 盞搞! 人地唔去旅行會死嘛! 你唔得, 你會發顛! 你唔夠Strong! (乜都話係我的問題, 講到我火都黎埋!)

不過, 自從上次鬧交過後, 老公好似有所"頓悟", 終於肯同我地三母子去旅行 (不過要加埋奶奶同姑媽, 變成一家六口去旅行) Anyway, 全家最想去旅行果個就係我, 搵多2個人去幫手湊BBS, 我仲開心!

由於帶住BBS都唔可以搭太耐飛機, 所以只能搵最近的地方去, 台灣? No! 同大陸冇分別! 日本? Yeah! 最近係沖繩, 雖然10月去沖繩都唔知搞乜 (過咗夏天, 冇得游水, 又冇紅葉睇) 是但啦! 總之有得去日本就OK!

值得一讚係老公今次好積極! (佢應該係想氹我開心, 因為我成日話想自殺) 佢由8月已經開始幫BBS申請passport, 又上網搵景點, 酒店, 機票, 又主動遊說姑媽一齊去 (幫手湊B, 同嫲嫲share一間房)。9月1號同BBS去拎咗passport之後, 老公就即刻上網訂酒店, 買機票...

至於我, 為表誠意, 我都用咗兩日打咗個draft行程表, 都算叫做有做野, 唔係坐係度得個講字!

行程

Day 1
香港 --> 沖繩 --> 機場租車 --> 國際通 --> 晚飯 --> 酒店

Day 2
酒店 --> 海中塔(玻璃底船) --> 美麗海水族館 --> 晚飯 --> 酒店

Day 3
酒店 --> 殘波岬 --> 玉泉洞 --> 兒童王國 --> 美國村 --> AEON --> 晚飯 --> 酒店

Day 4
酒店 --> 西松屋 --> 漁市場 --> 拉麵 --> 機場還車 --> 香港