孖寶兄弟的語言發展

其實係想講哥哥的語言能力並無我感覺上咁差, 其實佢都識講好多野, 只係平時細佬係度, 好多野都俾細佬搶住講咗! 哥哥其實識講:

1. 媽媽, 我想抱抱 (有次佢企係廚房門口同媽媽講, 媽媽即時掉低手上隻碟, 飛撲過去抱起佢, 錫晒佢!)
2. 媽媽, 我想睇相相
3. 煮豆燃豆萁...
4. 氹氹轉, 菊花園... (哥哥某次落公園玩氹氹轉時自己背, 只係太細聲, 無乜人聽到, 但媽媽聽到架, 哥哥, 叻叻!)
5. 細佬唔准講野

(不過, 哥哥更多時候仍然選擇用喊的方式黎表達自己, 所以係超級非常扭計! 簡直係人見人怕!)

至於細佬的語言發展, 已經可以當佢係成年人一樣咁樣同佢講野! 前日細佬玩煮飯仔俾咗塊pizza媽媽食, 媽媽扮食:

媽媽: um..um..um..
細佬: 媽媽食唔到
媽媽: 吓? 點解媽媽食唔到呀?
細佬: 媽媽帶咗口罩 (註: 媽媽呢幾日傷風)
媽媽: hoho...係喎! (媽媽除咗口罩扮食)

(細佬講野已經識運用邏輯思維, 勁!)