孖寶兄弟2歲4個月20日!

真係要update一下孖寶兄弟的發展情況, 因為佢地實在成長得太快!

1. 體格發展

哥哥:
體重25.5 lbs (四個月以來只係重咗0.5 lb, 唉! 佢厭食症, 一見到我地開飯就話要瞓覺, 俾佢激死!) 身高冇度過, 但好似同細佬一樣, 大概87cm, 比4個月前高咗2cm (公公話點解我2個仔好似冇高過, 都係咁細粒... 唉!)

細佬:
體重25.5 lbs (同哥哥一樣, 但係細佬都算肯食飯, 好明顯係唔吸收, 冇計!) 身高87cm (佢肯俾媽媽度高, 乖豬!)

2.  心智發展

哥哥:
哥哥雖然出街唔肯同人打召呼, 但佢去到教會兒童房或返playgroup (媽媽又幫佢地報咗playgroup, 今次係扮鬼婆教的全英語音樂互動playgroup), 佢又冇乜扭計/爆喊之類, 好多時都好冷靜咁自己玩, 仲會聞歌起舞, 笑到卡卡聲!  佢今個星期好似少咗無啦啦扭計, 仲成日咪咪咀笑, 好可愛! 希望真係好似爸爸咁講, 大個仔喇!  另外, 佢同細佬最近終於識得玩圖形配對玩具(唉! 如果佢地而家interview K1, 真係冇難度, 唔怪之得做大B真係羸晒!)

細佬:
心智發展遠超哥哥, 爸爸話佢係思考型, 成日都好似諗緊野咁! 細佬開始識玩煮飯仔, 其實煮飯仔係需要想像力, 細佬會想像自已炒緊飯, 煲緊湯, D湯倒瀉咗要斟返, 拎個蛋糕入去焗爐(琴底)叮, 吹蠟燭, 切蛋糕, 食pizza等等。 另外, 佢講說話亦都係經過邏輯思考, 有次婆婆問佢食唔食餅餅, 佢答: 逸逸著緊褲 (好明顯係佢諗過: 逸逸而家著緊褲, 食唔到餅餅喎!)  不過, 可能細佬心智發展實在太快, 上次第一次返新的playgroup, 可能係新環境, 佢去到門口已經唔肯入(哥哥仍然係懞盛盛咁鍾咗入去), 仲爆喊大叫要出返去, 唔返學(媽媽冇教過呢D叫做返學, 唔知佢點解會識講, 勁!)

3.  語言發展

哥哥:
原來佢都識諗詩, 另外, 哥哥上星期日突然轉性, 自己食飯, 仲要食晒D飯後講: 食晒飯飯, 可以瞓覺 (原來佢講野都有經過邏輯思考, hoho...)

細佬:
佢的語言能力早已經好接近我地, 所以冇咩需要update! 最近學多咗英文, 可能睇得多Peppa Pig, 最叻講: Ready, Steady, Go! (哥哥都識), 識多咗英文生字, e.g. teddy, elephant, biscuits, castle, sailing boat

4.  喜好

零食: 兩兄弟都鍾意食Nuts, 雪糕個甜筒, 乳酪, 朱古力, 午餐肉, 腸仔, 薯條, 桃哈多, 豬肉乾(哥哥成日話'豬乾肉')

正常食物: 哥哥基本上係厭食症患者, 有時都會肯食花生醬搽麵包, 雞翼, 蒸魚鼓油(成日話要撈汁汁); 細佬就好鍾意食白飯, 魚魚, 雞蛋, 豆腐

TV: 開始唔多鍾意睇Thomas, 勁鍾意睇Peppa Pig, 兩兄弟成日話要睇豬豬, 唔肯落街玩

人物: 兩兄弟都係最鍾意媽媽, 因為媽媽唔夠惡, 又唔夠狠心

活動: 睇馬騮