曾經諗過唔生仔驚第二時會後悔，而家生咗仔反而日日都好後悔！
我家大少同二少絕對唔係易湊的BBs，人家寶寶食飽瞓，瞓飽食，我地從來冇“享受”過，人家媽咪分享BB就係佢既工作動力，工作點辛苦，放工返到屋企見到自己BB的笑臉，就咩都忘記晒! 至於我，我家兩個少爺係我返屋企的最大阻力，工作已經好辛苦，放工返到屋企見到佢地兩個哭哭啼啼，大吵大鬧，唔肯食飯，發眼瞓癲，爭玩具大打出手，狗咬狗骨，搞到屋企永無寧日，想靜靜地休息吓都唔得，就唔知點解要生仔，更加唔知做野咁辛苦為乜？
如果話生仔係為咗要經歷做父母，為自己的人生留低難忘的回憶，我可以話，早知係如此的經歷，真係唔要都罷，至於呢個所謂回憶，真係難忘到發惡夢！
可惜現實係唔可以返轉頭，我惟有為自己當日的魯莽決定負責！調轉頭諗，如果BBs有得揀的話，佢地都未必想黎呢個世界，生活係呢個咁荒謬的社會，都係我自私，帶咗佢地黎呢個世界，惟有自己承受返，不過就連累埋老公要陪我一齊面對, 辛苦佢喇! 前幾日連一向好脾氣的老公都發埋顛, 因為哥哥好扭計, 又同細佬爭玩具, 老公差D想摔死哥哥, 我驚到即刻抱住2個仔返入房, 閂埋度門!
好在至今我同老公都未試過同時爆發, 如果我地兩個都發顛, 睇怕會揸刀斬死佢兩個, 然後兩公婆跳樓, 而我地就會成為香港開埠以來第一對夫婦因為湊孖B壓力太大斬死孖仔後畏罪自殺, 必定上晒各大報章頭條!
沒有留言:
張貼留言