孖寶兄弟語錄(14)

話說孖寶好鍾意睇媽媽化妝, 尤其係哥哥, 佢會係我化妝的時候, 雙眼情深款款咁望住我...

哥哥: 媽媽, 點解你要化妝?
媽媽: 要扮靚囉!
哥哥: 點解要扮靚呀?
媽媽: 所有女孩子都鍾意扮靚, 冇得解!
哥哥: 媽媽, 我想你戴耳環! 我鍾意你戴耳環!
媽媽: 吓? 點解呀?
哥哥: 因為你戴耳環好靚!
媽媽: (個心sweet到忍唔住笑出黎! 然後雙手托住哥哥的頭仔, 四目交投) 你真係覺得媽媽戴耳環好靚呀?
哥哥: 係呀! 我覺得你好靚!
媽媽: hoho... 咁我今日戴耳環啦!
哥哥: 快D戴啦! 等你返到公司, 你D同事都睇到你咁靚!


其實細佬都成日讚媽媽靚, 因為爸爸成日教佢...

爸爸: 媽媽靚唔靚呀? (細細聲同細佬講: 快D讚佢靚啦! 佢會好開心o架!)
細佬: 媽媽你好靚女, 我其他同學D媽媽都冇你咁靚女, 你係全世界最靚女o既媽媽!
媽媽: (已經笑到收唔到聲)

細佬好勁, 爸爸教佢講一句, 佢送多兩句俾我... hoho!!!


哥哥今朝又登特讚媽媽靚女, 話說媽媽幫哥哥刷完牙後, 哥哥拎住支牙膏, 上面有Elsa公仔...

哥哥: 公主唔夠靚!
媽媽: 吓? 公主喎!
哥哥: 公主唔夠靚, 媽媽你先至最靚!
媽媽: hohohoho...... (心諗: 都估到你咁講) (即場好大力咁錫咗哥哥個面豬仔一啖)

後記:

話說爸爸又教佢兩個講: 媽媽! 你係香港小姐! (媽媽食緊飯, 差D噴飯!)

過咗幾日......

細佬: 媽媽, 我而家點名, 我叫你個名, 你就要答「香港小姐」
媽媽: 吓? 我講唔出口喎!
細佬: 點解講唔出口呀? 咁你真係香港小姐黎架嘛!
媽媽: (笑到講唔到野) ......