孖寶兄弟語錄 (6)

由於佢地儲埋好多垃圾, 最近佢地愛上咗剪紙碎, 仲鍾意儲埋成箱紙碎, 媽媽為咗減輕對屋企儲存空間的壓力, 提議細佬仔不如掉咗個扭蛋殼 (媽媽天真以為咁樣就可以減輕對屋企儲存空間的壓力?!)

媽媽: 不如掉咗呢個啦! 都冇用!
細佬: 唔得架! 有用架!
媽媽: 吓? 有咩用?
細佬: 要黎保護對眼! 同埋要黎睇野既!
媽媽: 唔係掛?! 咁你示範點用喇!

爸爸媽媽即場笑到收唔到聲!!!