帶住孖寶去旅行@2016 (進階篇)

由於媽媽太想去旅行, 加上爸爸太想氹媽媽開心, 於是今年4月已經買定10月的機票去大阪, 經過6月去咗4日沖繩以及8月去咗2日澳門, 爸爸媽媽對於帶孖寶兄弟去旅行已經有過實戰經驗, 當然每次去旅行的過程都係好痛苦, 媽媽通常第一晚係酒店就好後悔帶佢地去旅行, 然後到最後一日離開酒店時, 就會咀角微微上揚, 心想 -- 甩難喇! 雖然如此, 當睇返旅行時候影的相, 又會憧憬著一家四口去旅行的幸福假像當中, 如是者, 就是一個又一個的惡性循環!