逸逸係一個好聰明(理解力高)、好明白事理(懂事)、好生性(唔駛父母操心)、好乖巧(聽話、順服)、好鬼馬(人細鬼大)的一個孩子!
爸爸媽媽都好錫逸逸, 因為佢真係好抵錫, 大部份時間/情況, 佢都唔會令你難做, 唔會令你失望, 唔會令你生氣...
不過, 逸逸有一個好偏心的阿嫲, 自從孖寶出世出院返屋企, 阿嫲就好偏心哥哥, 錫晒哥哥, 餵奶, 抱抱, "暗"瞓覺, 阿嫲都係爭住要負責照顧哥哥, 因為哥哥真係好靚仔, 一出世已經好多頭髮, 五官又生得標緻, 加上肥嘟嘟(後來), 正常人都會好like哥哥。至於細佬, 可能因為出世無乜頭髮, 皮膚比較黑, 又瘦弱, 加上經常喊 (百日哭BB, 喊超過100日, 喊到6個月大先至有好轉), 正常人都唔會揀鍾意細佬, 惟有母愛係無私而偉大, 所以當時只有媽媽肯每晚由8點抱住佢, 抱到11點, 期間不停唱歌仔俾佢聽, 又搖呀搖呀! (註: 哥哥生得靚仔因為似我, 細佬就似爸爸, 阿嫲你竟然唔鍾意似自己個仔樣果個, 你有冇搞錯咗?!)
原本阿嫲偏心係可以理解(膚淺的人通常只係睇外表, 明o既!), 爸爸媽媽亦覺得冇所謂, 因為只要我地錫逸逸就夠喇! 不過, 隨住佢地慢慢長大, 兩兄弟間多咗好多互動, 當然包括埋鬧交, 打交, 爭玩具......等等! 係咁既情況下, 極需要一個公平, 公正, 理性的大人, 維持秩序, 主持公道! 可惜, 阿嫲完全唔按常理去處理。
兄弟之間打交, 大家都有出手, 但逸逸永遠都係被要求先向對方道歉, 至於哥哥, 永遠唔肯講對唔住, 而且只要即場爆喊, 就可以得到阿嫲的擁抱同安慰, 至於已經講咗對唔住的細佬, 只能呆呆的企係度, 得不到絲毫半點的安慰...
逸逸好鍾意做手作仔, 砌Lego, 玩泥膠, 哥哥見到細佬整得咁靚, 就好想玩埋一份, 但逸逸的性格唔太鍾意同人分享 (3歲的小朋友未識分享, 我認為可以理解), 逸逸會叫哥哥: 你自己整啦! 我好俾心機整架! 哥哥又黎果招, 即場爆喊, 阿嫲聽到哥哥喊, 衝出黎, 唔理前因後果, 就會怪責逸逸, 可憐的逸逸, 明明自己玩緊, 自己好俾心機整得好靚, 竟然又要被屈同哥哥講對唔住!
哥哥曳先, 做咗D衰野, 細佬又跟住做, 結果只有細佬捱鬧, 哥哥冇事!
阿嫲的偏心程度, 就連家中的工人姐姐都睇唔過眼, 要同我呢個Mum報寸, 我話我乜都睇到晒! 係呀! 阿嫲係好偏心, 麻煩你幫我睇住細佬, 安慰佢, 照顧佢啦!
唉! 其實我呢個作為媽媽的, 真係好無奈! 小朋友6歲之前係各方面發展的黃金時間, 偏偏有一個咁偏心, 唔按常理的維思去教孩子的嫲嫲, 媽媽實在好擔心孖寶再長大一點, 已經開始唔識分對錯, 被人打果個, 竟然要先同對方講對唔住, 打人的, 不單唔駛講對唔住, 只要爆喊, 仲可以得到大人的安慰, 見到別人玩緊玩具, 自己好想玩, 唔係問對方, 而係先爆喊, 等大人幫你從別人手上將玩具馬上搶過來, 自己好地地玩緊玩具, 原來唔肯分享就係錯的, 會被怪責搞到對方喊... 呢個係咩世界? 諗起都好恐佈, 逸逸竟然每日都受住咁既對待, 真係好可憐! 媽媽真係好驚逸逸弱少的心靈承受唔住, 會留低童年陰影!
亦因為屋企入面有個咁既怪人, 用異於常理的維思去教孖寶, 搞到爸爸媽媽係教孖寶方面, 亦面對好大的困難同阻力。明明教咗佢, 喊係解決唔到問題, 點解仍然成日郁D就喊? 明明教咗要等待, 等人玩完先至玩, 點解仲係一玩唔到就爆喊? 我終於明白點解......
可憐的逸逸, 媽媽只能眼白白係個cam度睇住你無啦啦俾人怪責, 無啦啦被屈要講對唔住, 諗到呢度, 媽媽已經眼濕濕......
2016年6月18日 星期六
2016年6月16日 星期四
沖繩親子之旅2016 - Day 4
8.6.2016 (星期三)
四日的沖繩之旅已經去到尾聲, 雖然話四日, 但實際上只得三日, 因為最尾呢日的行程係: 起床 --> 酒店Check out --> 機場還車 --> 搭飛機 --> 香港
今朝要7點起身, 由於媽媽成日俾爸爸話搞咁耐都未出門口, 自己知自己事, 所以未到7點已經起身, 刷牙洗面, 換衫, 裝身...
7點鬧鐘響, 爸爸都起身, 刷牙洗面之後就叫醒孖寶, 由於尋晚12點瞓, 今朝要7點起身, 哥哥發脾氣爆喊: 好眼瞓呀! 仲好想瞓覺! 爸爸好衰! 嘈醒咗我! 媽媽! 我要你呀! 至於細佬, 佢一向脾氣好, 情緒穏定, 當然冇事啦! 起身仲笑咪咪添!
8:45食完早餐, 返上房執埋行李, 媽媽拖住細佬去check out, 找數, 3晚酒店盛惠57,100円, 原來仲有D迎賓禮物未攞, 同埋免費影民族服裝coupon未用, 算吧啦! 爸爸同哥哥去攞車, 行李搬晒上車, 出發喇! 今日天氣係四日中最好的, 只可惜我地今日就要走喇! 不過, 媽媽同爸爸講, 知道今日可以返香港, 媽媽今朝忍唔住偷笑, 有一種解脫的感覺, hoho...
可能因為係平日, 加上9點仲係返工時間, 好塞車, 原來酒店去機場要成50分鐘, 我地架機係12:10起飛, 即係要10:30去到機場check in啦! 仲要去咗還車先喎, 然後搭佢部龜速旅遊巴去機場, 都幾趕!
總算10:45去到機場, 櫃位大排長龍, 排咗超過30分鐘先至可以check in, 我地今次醒目, 冇做網上check in, 所以可以安排返原先買飛時揀的坐位, 窗口位, 前後排。
11:20 媽媽提意入閘先, 因為媽媽仲有好多手信未買, 包括孖寶學校老師、公公、婆婆、工人姐姐... 入閘後, 爸爸負責睇住孖寶, 媽媽作最後努力買買買, 終於叫做對大家有D交代。
爸爸低頭篤手機, 孖寶就玩到成身汗, 媽媽邀請細佬一齊去買雪糕食, 細佬好開心, 因為佢最鍾意食野! 食完雪糕, 幫佢地同飛機合照, 爸爸帶佢地去廁所, 已經係final call喇! 快D啦! 飛機飛走了喇!
上到飛機, 又係爸爸同細佬坐, 媽媽同哥哥坐 (爸爸, 下次可唔可以調轉呀?) 機長廣播, 機場實施唔知咩管制, 要delay唔知幾耐, 最後遲咗一個鐘先至起飛, 細佬等唔到起飛已經瞓咗! 哥哥頑強D, 又話要睇youtube, 又話要睇熊貓, 搞咗媽媽一大輪先至肯瞓。兩個今朝實在太早起身, 所以瞓到架機降落都唔知!
臨落機, 兩個都突然話好急, 要去vee vee, 搞到所有人落晒機, 我地都未落...
落機, 搭無人駕駛, 過關, 攞行李, 已經差不多4點, 媽媽勁肚餓, 提意係機場食Tea, 食完Tea已經5點, 爸爸去攞車, 哥哥突然又話要去poo poo, 搞到媽媽要一拖二由停車場搭返lift上T2商場去廁所, 好在哥哥都忍得住。
返到屋企6點, 仲要幫佢地沖涼同執返喼入面D野出黎, 好攰!
Day 4 - 旅程完結
四日的沖繩之旅已經去到尾聲, 雖然話四日, 但實際上只得三日, 因為最尾呢日的行程係: 起床 --> 酒店Check out --> 機場還車 --> 搭飛機 --> 香港
今朝要7點起身, 由於媽媽成日俾爸爸話搞咁耐都未出門口, 自己知自己事, 所以未到7點已經起身, 刷牙洗面, 換衫, 裝身...
7點鬧鐘響, 爸爸都起身, 刷牙洗面之後就叫醒孖寶, 由於尋晚12點瞓, 今朝要7點起身, 哥哥發脾氣爆喊: 好眼瞓呀! 仲好想瞓覺! 爸爸好衰! 嘈醒咗我! 媽媽! 我要你呀! 至於細佬, 佢一向脾氣好, 情緒穏定, 當然冇事啦! 起身仲笑咪咪添!
8:45食完早餐, 返上房執埋行李, 媽媽拖住細佬去check out, 找數, 3晚酒店盛惠57,100円, 原來仲有D迎賓禮物未攞, 同埋免費影民族服裝coupon未用, 算吧啦! 爸爸同哥哥去攞車, 行李搬晒上車, 出發喇! 今日天氣係四日中最好的, 只可惜我地今日就要走喇! 不過, 媽媽同爸爸講, 知道今日可以返香港, 媽媽今朝忍唔住偷笑, 有一種解脫的感覺, hoho...
可能因為係平日, 加上9點仲係返工時間, 好塞車, 原來酒店去機場要成50分鐘, 我地架機係12:10起飛, 即係要10:30去到機場check in啦! 仲要去咗還車先喎, 然後搭佢部龜速旅遊巴去機場, 都幾趕!
總算10:45去到機場, 櫃位大排長龍, 排咗超過30分鐘先至可以check in, 我地今次醒目, 冇做網上check in, 所以可以安排返原先買飛時揀的坐位, 窗口位, 前後排。
11:20 媽媽提意入閘先, 因為媽媽仲有好多手信未買, 包括孖寶學校老師、公公、婆婆、工人姐姐... 入閘後, 爸爸負責睇住孖寶, 媽媽作最後努力買買買, 終於叫做對大家有D交代。
爸爸低頭篤手機, 孖寶就玩到成身汗, 媽媽邀請細佬一齊去買雪糕食, 細佬好開心, 因為佢最鍾意食野! 食完雪糕, 幫佢地同飛機合照, 爸爸帶佢地去廁所, 已經係final call喇! 快D啦! 飛機飛走了喇!
上到飛機, 又係爸爸同細佬坐, 媽媽同哥哥坐 (爸爸, 下次可唔可以調轉呀?) 機長廣播, 機場實施唔知咩管制, 要delay唔知幾耐, 最後遲咗一個鐘先至起飛, 細佬等唔到起飛已經瞓咗! 哥哥頑強D, 又話要睇youtube, 又話要睇熊貓, 搞咗媽媽一大輪先至肯瞓。兩個今朝實在太早起身, 所以瞓到架機降落都唔知!
臨落機, 兩個都突然話好急, 要去vee vee, 搞到所有人落晒機, 我地都未落...
落機, 搭無人駕駛, 過關, 攞行李, 已經差不多4點, 媽媽勁肚餓, 提意係機場食Tea, 食完Tea已經5點, 爸爸去攞車, 哥哥突然又話要去poo poo, 搞到媽媽要一拖二由停車場搭返lift上T2商場去廁所, 好在哥哥都忍得住。
返到屋企6點, 仲要幫佢地沖涼同執返喼入面D野出黎, 好攰!
今次旅程的戰利品, 成績幾滿意!
2016年6月14日 星期二
沖繩親子之旅2016 - Day 3
7.6.2016 (星期二)
尋日成個下晝都落雨, 今朝一起身望吓窗外面, yeah! 無雨喇! 同埋冇咁多雲, 有返D陽光, 希望今日唔好再落雨啦! 因為今日要去餵海豚同埋去海邊玩沙啊!
又係8點起身, 然後叫醒佢2個, 都OK, 唔係搏鬥咗好耐, 可能尋晚早咗D瞓, 今朝都精神! 仍然係落去食西式早餐, 好豐富, 爸爸一開始就幫孖寶拎咗炒碎蛋, 腸仔, 格仔餅, 牛奶, 哥哥唔肯飲奶, 爸爸惟有加D糖, 話係鈣C寶, 哥哥都只係肯飲幾啖...
食完早餐返上房去埋poo poo, 出發喇! 首先去水果樂園, 車程要1.5個鐘, 孖寶上車後冇幾耐就瞓咗, 可能因為早起身。
水果樂園隔離就係菠蘿園, 經過見到有成5-6架旅遊巴士, 嘩! 千期唔好去住呀! 咁多人! 所以去咗水果樂園先, 成人每位盛惠1000円, 環境都算唔錯, 但水果呢? 係冇既! 6月都冇水果收成? 係! 真係乜水果都見唔到! 只係見到D葉囉... 同埋, 好多蚊蚊, 好驚細佬俾蚊針, 都係行快兩步走人, 同埋, 今日天氣好好, 陽光普照, 所以好很熱呀!
臨走見到有3隻羊係個羊欄入面, 用咗100円買咗一扎樹枝連葉, 俾孖寶試吓餵羊仔, 細佬好驚, 要爸爸一齊, 哥哥唔驚, 但D羊太大力, 一野已經扯走咗成條樹枝, 好在冇扯走埋哥哥啫!
老公一路走一路呻俾人搵笨 (上網睇人地D Blog推介要去水果樂園), 之後見到菠蘿園入面D旅行團散晒, 就去埋菠蘿園, 成人每位盛惠870円, 平過隔離喎! 仲有菠蘿車坐添! 本來佢安排我地一家四口坐一架車, 哥哥第一時間衝上車, 搶住揸軚盤, 可憐的細佬, 只可以坐係哥哥隔離, 同埋強顏歡笑影咗張合照, 媽媽見細佬咁乖, 又咁可憐, 緊係要幫佢爭取啦! 於是問職員可唔可以兩個人一架車, 由於之前D旅行團已經散去, 冇晒人, 當然可以啦! 細佬即時開心返! 於是媽媽同哥哥一架車, 爸爸同細佬一架。其實係自動電車, 地下有感應線, 跟本唔駛自己揸, 唔駛踩制都會自己郁!
車程大概10分鐘就巡咗個菠蘿園一圈, 落車之後仲可以行多一次, 但係由於太曬太熱, 加上趕時間去食Lunch, 所以決定走人! 今日去一間叫做大家 (唔係大家樂) 食午餐, 揸車10分鐘到, 1:30左右去到停車場, 嘩! 泊滿晒車, 已經心知不妙, 行到入去個庭園, 全部都係國語人同廣東話人, 我以為真係去咗香港的大家樂, 又係要寫低個名排隊等位, 要等成10個, 仲好似未開始入得去咁! 都唔知等幾耐, 仲要趕住3點去餵海豚喎 (係今個旅程的重點節目, 不容有失!) 最後決定走人! 揸車去咗海洋博公園先, 沿途搵野食。
仲有5分鐘就去到海洋博公園, 老公話其實之前上網搵咗附近有幾間餐廳, 網友推介, 去咗其中一間, 海邊小屋, 玻璃窗外面個view可以用無敵黎形容, 加上天氣好, 藍天, 白雲, 大海, 食個view都夠, 老公點咗冷麵、蛋包飯同凍Cream Coffee, 我話4個人叫2樣野, 會唔會好衰呀? 於是叫多一碗五花腩麵, 個蛋包飯OK, 但2個麵D麵質就真係麻麻。Anyway, 間餐廳擺明係食view的! 食野期間, 聽到隔離枱有人講廣東話, 一對年輕夫婦同一大班姨媽姑姐講: 唔食住喇! 趕時間! 佢要2:45去攞飛, 3:15再去過, 擔心阿B驚, 頭先已經睇咗一次! 媽媽的偵探頭腦即時估佢應該係講緊餵海豚, 就同爸爸講, 而家餵海豚要攞飛喎! (明明上年10月黎都唔駛架!) 然後就見到對夫婦飯到唔食, 掉低個B俾親戚, 雞咁腳開車走, 我同爸爸咁醒目, 緊係拿拿林食埋D野跟住走人啦!
去到海洋博公園泊低架車, 已經2:35, 其實都幾趕, 哥哥見返個門口個繩網又話想玩, 爸爸好辛苦先至勸到佢唔好玩住, 一陣出黎臨走先玩, 然後急急腳直衝去餵海豚的場地 (第三次黎, 已經熟識晒公園的地形), 原來頭先對夫婦飯都唔食真係黎咗呢度排隊, 但佢地只係排我地前面囉, hoho... 2:45真係開始派飛喇, 好似派20張, 我地孖寶係No.15-16, 好在啫! 攞到飛, 個心都定D喇! 等咗一陣就有海豚訓練表演, 孖寶照舊呆晒, 訓練表演完, 就開始賣魚糧餵海豚, 憑票一人一個膠桶, 每桶盛惠500円, 之前冇攞飛的, 真係冇得買魚糧架!
餵完海豚就帶孖寶行落去下面個沙灘, 好很曬 (應該要感恩!), 行咗好耐 (應該有20分鐘), 但孖寶冇扭計, 可能因為知道有得玩沙, 落到沙灘, 哥哥已經急不及待除鞋, 走落水, 爸爸就不停叫: 唔好踎低! 條褲濕晒喇! (x N次), 媽媽心諗: 算啦! 爸爸, 細路仔係咁架喎, 點樣可以玩水但又唔整濕條褲呀?! 我惟有安慰爸爸: 我帶咗佢地D底褲同面褲黎換呀! 放心啦!
玩咗一陣, 爸爸話走喇! 沖完對腳, 臨走時, 爸爸主動去買咗2杯雪糕, 不過, 天氣實在太熱, 拎到黎已經開始融, 惟有拿拿林吞咗佢, 之後又係路邊見到隻寄居蟹 (媽媽都係第一次見), 哥哥一D都唔驚, 仲徒手拎起佢黎睇, bye bye寄居蟹之後, 又要行返條長命斜上去, 媽媽曬到就黎暈喇!
臨走經過繩網, 又要玩一輪先至走得, 已經5點幾lu!
上到車, 孖寶即瞓, 下一站去美國村, 車程要1小時, 6:30去到美國村的AEON, 爸爸泊好車, 媽媽諗住抱哥哥落BB車瞓, 爸爸就抱住細佬, 點知哥哥扭計唔肯離開架車, 後尾連細佬都扭埋計, 對住爆喊中的孖寶, 爸爸都爆埋 + 燶面, 媽媽除咗要安慰孖寶, 仲要硬食爸爸的燶麵, 雖然爸爸話唔係嬲媽媽, 但乜mood都冇晒! 唉...
爸爸睇唔開自我懲罰變化石睇住2個仔玩, 媽媽就趁機去行吓, Shiseido粉底液好平喎 (3500円免稅 = HKD245, 香港賣緊320喎!), 可惜問售貨員, 我隻色冇晒, Sorry! 買唔到自己野, 惟有買佢地D野, 想買拖鞋, 底衫, 底褲仔, 卡通襪, 冇咩選擇, 又冇佢地size, 最後只係買到2 pack底衫。
晚上8:30, 爸爸終於下咗啖氣, 媽媽好肚餓, 爸爸嬲到唔知時間過, 於是揸車出去周圍兜吓, 睇吓有咩食, 細佬話要食豬軟骨米線同炒飯, 吓? 呢度唔係香港喎! 兜咗美國村一圈, 最後搵到間日本野, 就去食喇! 睇吓個餐牌, 真係有豬軟骨拉麵同炒飯, 細佬好開心Yeah!
食完飯, 細佬話冇得玩摩天輪好唔開心, 哥哥都嚷著想玩摩天輪, 吓? 咁夜, 唔知收咗檔未喎, 即管去睇吓啦! 摩天輪一回500円(小童免費), 15分鐘, 好抵喎! 平過中環果個, 於是去自動售賣機買飛, 一家四口齊齊搭摩天輪, 細佬話: 有摩天輪搭, 我又充滿力量喇! hoho... 唔知佢係邊度學返黎, 笑死人, 一家四口仲係摩天輪上面食菠蘿, 落到黎, 見到門口個牌寫住 Closed! 好在早咗一步咋, D工作人員仲開始熄燈。
美國村返酒店10分鐘, 呢間酒店個location真係唔錯, 返到去, 又係沖涼, 食乳酪, 水果, 孖寶又係張床度玩到癲晒! 但係聽朝要7點起身, 惟有恐嚇佢地, 而家唔瞓, 聽朝起唔到身, 打pat pat!
媽媽繼續努力執行李...
Day 3 完
尋日成個下晝都落雨, 今朝一起身望吓窗外面, yeah! 無雨喇! 同埋冇咁多雲, 有返D陽光, 希望今日唔好再落雨啦! 因為今日要去餵海豚同埋去海邊玩沙啊!
又係8點起身, 然後叫醒佢2個, 都OK, 唔係搏鬥咗好耐, 可能尋晚早咗D瞓, 今朝都精神! 仍然係落去食西式早餐, 好豐富, 爸爸一開始就幫孖寶拎咗炒碎蛋, 腸仔, 格仔餅, 牛奶, 哥哥唔肯飲奶, 爸爸惟有加D糖, 話係鈣C寶, 哥哥都只係肯飲幾啖...
食完早餐返上房去埋poo poo, 出發喇! 首先去水果樂園, 車程要1.5個鐘, 孖寶上車後冇幾耐就瞓咗, 可能因為早起身。
今日天氣好好, 爸爸揸車越揸越兇狠!
水果樂園隔離就係菠蘿園, 經過見到有成5-6架旅遊巴士, 嘩! 千期唔好去住呀! 咁多人! 所以去咗水果樂園先, 成人每位盛惠1000円, 環境都算唔錯, 但水果呢? 係冇既! 6月都冇水果收成? 係! 真係乜水果都見唔到! 只係見到D葉囉... 同埋, 好多蚊蚊, 好驚細佬俾蚊針, 都係行快兩步走人, 同埋, 今日天氣好好, 陽光普照, 所以好很熱呀!
臨走見到有3隻羊係個羊欄入面, 用咗100円買咗一扎樹枝連葉, 俾孖寶試吓餵羊仔, 細佬好驚, 要爸爸一齊, 哥哥唔驚, 但D羊太大力, 一野已經扯走咗成條樹枝, 好在冇扯走埋哥哥啫!
老公一路走一路呻俾人搵笨 (上網睇人地D Blog推介要去水果樂園), 之後見到菠蘿園入面D旅行團散晒, 就去埋菠蘿園, 成人每位盛惠870円, 平過隔離喎! 仲有菠蘿車坐添! 本來佢安排我地一家四口坐一架車, 哥哥第一時間衝上車, 搶住揸軚盤, 可憐的細佬, 只可以坐係哥哥隔離, 同埋強顏歡笑影咗張合照, 媽媽見細佬咁乖, 又咁可憐, 緊係要幫佢爭取啦! 於是問職員可唔可以兩個人一架車, 由於之前D旅行團已經散去, 冇晒人, 當然可以啦! 細佬即時開心返! 於是媽媽同哥哥一架車, 爸爸同細佬一架。其實係自動電車, 地下有感應線, 跟本唔駛自己揸, 唔駛踩制都會自己郁!
車程大概10分鐘就巡咗個菠蘿園一圈, 落車之後仲可以行多一次, 但係由於太曬太熱, 加上趕時間去食Lunch, 所以決定走人! 今日去一間叫做大家 (唔係大家樂) 食午餐, 揸車10分鐘到, 1:30左右去到停車場, 嘩! 泊滿晒車, 已經心知不妙, 行到入去個庭園, 全部都係國語人同廣東話人, 我以為真係去咗香港的大家樂, 又係要寫低個名排隊等位, 要等成10個, 仲好似未開始入得去咁! 都唔知等幾耐, 仲要趕住3點去餵海豚喎 (係今個旅程的重點節目, 不容有失!) 最後決定走人! 揸車去咗海洋博公園先, 沿途搵野食。
仲有5分鐘就去到海洋博公園, 老公話其實之前上網搵咗附近有幾間餐廳, 網友推介, 去咗其中一間, 海邊小屋, 玻璃窗外面個view可以用無敵黎形容, 加上天氣好, 藍天, 白雲, 大海, 食個view都夠, 老公點咗冷麵、蛋包飯同凍Cream Coffee, 我話4個人叫2樣野, 會唔會好衰呀? 於是叫多一碗五花腩麵, 個蛋包飯OK, 但2個麵D麵質就真係麻麻。Anyway, 間餐廳擺明係食view的! 食野期間, 聽到隔離枱有人講廣東話, 一對年輕夫婦同一大班姨媽姑姐講: 唔食住喇! 趕時間! 佢要2:45去攞飛, 3:15再去過, 擔心阿B驚, 頭先已經睇咗一次! 媽媽的偵探頭腦即時估佢應該係講緊餵海豚, 就同爸爸講, 而家餵海豚要攞飛喎! (明明上年10月黎都唔駛架!) 然後就見到對夫婦飯到唔食, 掉低個B俾親戚, 雞咁腳開車走, 我同爸爸咁醒目, 緊係拿拿林食埋D野跟住走人啦!
去到海洋博公園泊低架車, 已經2:35, 其實都幾趕, 哥哥見返個門口個繩網又話想玩, 爸爸好辛苦先至勸到佢唔好玩住, 一陣出黎臨走先玩, 然後急急腳直衝去餵海豚的場地 (第三次黎, 已經熟識晒公園的地形), 原來頭先對夫婦飯都唔食真係黎咗呢度排隊, 但佢地只係排我地前面囉, hoho... 2:45真係開始派飛喇, 好似派20張, 我地孖寶係No.15-16, 好在啫! 攞到飛, 個心都定D喇! 等咗一陣就有海豚訓練表演, 孖寶照舊呆晒, 訓練表演完, 就開始賣魚糧餵海豚, 憑票一人一個膠桶, 每桶盛惠500円, 之前冇攞飛的, 真係冇得買魚糧架!
餵完海豚就帶孖寶行落去下面個沙灘, 好很曬 (應該要感恩!), 行咗好耐 (應該有20分鐘), 但孖寶冇扭計, 可能因為知道有得玩沙, 落到沙灘, 哥哥已經急不及待除鞋, 走落水, 爸爸就不停叫: 唔好踎低! 條褲濕晒喇! (x N次), 媽媽心諗: 算啦! 爸爸, 細路仔係咁架喎, 點樣可以玩水但又唔整濕條褲呀?! 我惟有安慰爸爸: 我帶咗佢地D底褲同面褲黎換呀! 放心啦!
玩咗一陣, 爸爸話走喇! 沖完對腳, 臨走時, 爸爸主動去買咗2杯雪糕, 不過, 天氣實在太熱, 拎到黎已經開始融, 惟有拿拿林吞咗佢, 之後又係路邊見到隻寄居蟹 (媽媽都係第一次見), 哥哥一D都唔驚, 仲徒手拎起佢黎睇, bye bye寄居蟹之後, 又要行返條長命斜上去, 媽媽曬到就黎暈喇!
臨走經過繩網, 又要玩一輪先至走得, 已經5點幾lu!
上到車, 孖寶即瞓, 下一站去美國村, 車程要1小時, 6:30去到美國村的AEON, 爸爸泊好車, 媽媽諗住抱哥哥落BB車瞓, 爸爸就抱住細佬, 點知哥哥扭計唔肯離開架車, 後尾連細佬都扭埋計, 對住爆喊中的孖寶, 爸爸都爆埋 + 燶面, 媽媽除咗要安慰孖寶, 仲要硬食爸爸的燶麵, 雖然爸爸話唔係嬲媽媽, 但乜mood都冇晒! 唉...
爸爸睇唔開自我懲罰變化石睇住2個仔玩, 媽媽就趁機去行吓, Shiseido粉底液好平喎 (3500円免稅 = HKD245, 香港賣緊320喎!), 可惜問售貨員, 我隻色冇晒, Sorry! 買唔到自己野, 惟有買佢地D野, 想買拖鞋, 底衫, 底褲仔, 卡通襪, 冇咩選擇, 又冇佢地size, 最後只係買到2 pack底衫。
晚上8:30, 爸爸終於下咗啖氣, 媽媽好肚餓, 爸爸嬲到唔知時間過, 於是揸車出去周圍兜吓, 睇吓有咩食, 細佬話要食豬軟骨米線同炒飯, 吓? 呢度唔係香港喎! 兜咗美國村一圈, 最後搵到間日本野, 就去食喇! 睇吓個餐牌, 真係有豬軟骨拉麵同炒飯, 細佬好開心Yeah!
食完飯, 細佬話冇得玩摩天輪好唔開心, 哥哥都嚷著想玩摩天輪, 吓? 咁夜, 唔知收咗檔未喎, 即管去睇吓啦! 摩天輪一回500円(小童免費), 15分鐘, 好抵喎! 平過中環果個, 於是去自動售賣機買飛, 一家四口齊齊搭摩天輪, 細佬話: 有摩天輪搭, 我又充滿力量喇! hoho... 唔知佢係邊度學返黎, 笑死人, 一家四口仲係摩天輪上面食菠蘿, 落到黎, 見到門口個牌寫住 Closed! 好在早咗一步咋, D工作人員仲開始熄燈。
美國村返酒店10分鐘, 呢間酒店個location真係唔錯, 返到去, 又係沖涼, 食乳酪, 水果, 孖寶又係張床度玩到癲晒! 但係聽朝要7點起身, 惟有恐嚇佢地, 而家唔瞓, 聽朝起唔到身, 打pat pat!
媽媽繼續努力執行李...
Day 3 完
2016年6月13日 星期一
沖繩親子之旅2016 - Day 2
6.6.2016 (星期一)
尋日落機上網睇日本氣象廳, 話今日同聽日都係多雲有雨, 個心已經一沉, 今朝一起身望吓窗外面景色, 多雲, 但有少少陽光, 冇落雨, yeah!
兩公婆8點起身, 刷牙洗面, 8:15老公去叫醒兩隻豬仔 (通常都冇好下場!), 用咗10分鐘, 奇蹟地醒咗, 冇爆喊, 孖寶兄弟聽到起身落去食早餐就yeah! 仲笑笑口添! 幫佢地換底褲, 刷牙, 洗面, 換衫, 9點落去食早餐, 好多野食, 好多包選擇, 仲有專人煎蛋, 叫咗隻反蛋俾孖寶, 哥哥見到有cereal食, 就乜都唔食喇! 細佬就好肯食野, good boy!
10:15出發去埔添大公園, 上車時有少少雨粉, 希望唔好落出啦! 10:40去到公園, 好多國語人, 都唔知係台灣抑或支那人, 不過, 咁冇禮貌同冇公德心, 應該都係支那人! 呢個公園出名玩瀡滑梯, 我地冇帶紙皮又冇買專用滑板, 第一次玩, 由爸爸同哥哥, 媽媽同細佬, 真係好長好斜, 好刺激, 不過, 個pat pat好似著火咁, 媽媽忍唔住叫救命, 但細佬就玩得好開心, 笑到卡卡聲! 媽媽第二次同哥哥瀡, Oh! No! Cannot! 媽媽個pat pat... 頂唔順, 宣佈投降! 但爸爸繼續頂上, 一拖二走上山頂, 再瀡多2次, 仲玩埋自拍, 爸爸為咗對仔, 原來可以咁奮不顧身, 實在要向你致敬!
公園入面仲有一條for BB的入門版長滑梯, 哥哥自己玩咗N次, 細佬就話唔玩, 好驚, 但係長果條滑梯又夠膽玩?!
玩咗一個鐘, 係時候走lu..., 雖然天陰陰, 但冇風, 好熱, 要補充大量水份, 之後就開車去漁市場, 哥哥因為太早起身, 加上玩得太瘋狂, 上車冇幾耐就體力不支......瞓咗! 去到漁市場, 比我想像中細, 同埋冇咩刺身賣, 三文魚? 都唔係沖繩產, 冇理由買黎食, 加上日本人話三文魚有蟲, 佢地自己都唔食! 燒龍蝦? 我想食刺身喎! 又唔係自己燒, 仲要淋D芝士醬上去一齊燒, 隻龍蝦有幾新鮮? 心照啦! 老公最想食的北寄貝? 冇! 海膽? 有! 3500円一板? 上次去白濱都唔駛呢個價錢! 當我傻的嗎? 冇野睇又冇野食, 同細佬影咗張相就走人!
12:30 係時候要搵吓野食, 由於大家都未肚餓, 所以決定揸車去兒童王國先, 沿途搵野食, 揸車其間, 開始落雨, Oh! No! D雨越落越大, 加上沿途原來係冇野食, 揸揸吓見到上次間AEON MALL, 不如入去食咗野先, 等D雨細D再去, 重遊舊地, 媽媽第一時間係停車場搵咗2架車仔手推車俾佢地, 佢地自動波坐上車, 仲自己閂門, 入lift即上4樓搵野食先! 媽媽話唔想再食food court, 爸爸搵咗間坐得幾舒服的日本料理 (我地見到惟一一間食日本野, 其他都係食意粉, 日本人好崇洋, 但我黎日本就係想食日本野嘛!)
係門口寫名留位, 我覺得呢個制度好過撳飛等叫number, 等咗都幾耐 (可能因為媽媽肚餓, 感覺時間過得特別慢), 終於輪到我地, 孖寶好驚2架車仔會俾人偷咗, 唔想行入去食, 媽媽開始黑面, 唔理佢地, 你地唔入去, 媽媽入去先! 最後要爸爸保証幫佢地睇實2架車, 佢地先至肯行入去間餐廳。媽媽黎到沖繩咁耐都未食過餐好既, 爸爸為咗氹媽媽開心, 叫咗2個set, 銀雪魚set, 刺身set, 又等咗好耐, D野食終於黎喇! 饑腸轆轆的媽媽終於有野食, 但都要照顧咗孖寶先, 佢2個勁鍾意食豉油撈食飯同條魚 (原來唔係銀雪魚, 唔知咩魚, 但煮得幾好味), 搞到媽媽都唔敢食咁多飯, 惟有飲住湯同食刺身先, 一家四口叫咗2個set, 好似有D唔夠, 不過算啦! 都就黎3點, 食咁飽今晚又食唔到飯。
食完飯落停車場, 原來D雨仲大過頭先, 爸爸話不如都去兒童王國睇睇咩環境先啦! (媽媽心入面已經打定輸數!) 去到門口, 嘩! 大雨到差D睇唔到個招牌喎! 爸爸落車望咗一陣, 上返車, 算啦! 走人!
落咁大雨, 去得邊呢? 媽媽即時諗起三個字 -- 西松屋! 上網搵吓, 原來酒店附近有一間, yeah! 出發! 駛咗入酒店附近個商場, 不如落去行吓, 因為爸爸之前話想去行, 媽媽要氹吓自己開心 (去唔到兒童王國), 請咗孖寶去食雪糕! 佢地好開心! 細佬仲自己用個兜慢慢畢黎食!
食完雪糕, 哥哥話要去poo poo, 吓? 又黎? 好在商場有兒童廁所, 係廁所, 唔係廁格, 係專for兒童的廁所, 好欣賞日本的兒童friendly設施, 真係要俾10萬個like佢! 可惜, 哥哥已經等唔切, 賴咗粒屎落底褲, 媽媽惟有幫佢盡量清潔咗先, 冇褲換呀! 要一陣返酒店換!
再駕車去後面的西松屋, 嘩! 好大間呀! 爸爸自動波睇住2隻百厭豬, 媽媽都自動波, 係有限時間入面買買買, 不過, 可能靚款已經俾強國人掃晒, 冇乜佢地的size, 臨走前竟然見到2條反斗車王毛巾被 (100cm x 140cm), yeah! 媽媽想買咗好耐, 係香港搵咗好耐, 都搵唔到, 呢度啱啱有2條, 仲要做緊特價, 2000円唔駛, 出去俾錢, 盛惠15000円! (媽媽變咗購物狂) 西松屋隔離有超市, 爸爸媽媽又去買D野食, 爸爸繼續買咗大量的Maxim即沖咖啡粉, 然後揸車返酒店! (停雨了, 但已經冇得去兒童王國, 因為佢聽日休息)。
6:30返到酒店, 酒店送一餐晚餐, 媽媽打去Book咗7:30食日本野, 媽媽提意爸爸去大浴場浸吓熱水 (因為爸爸呢兩日仲係有D唔舒服), 爸爸浸到7點返黎, 孖寶終於瞓咗, 輪到媽媽去浸, 媽媽拿拿林浸咗20分鐘, 7:20返房, 叫醒孖寶落去食晚飯。
酒店送的晚餐係for我地兩個大人, 一人一個set, 有飯, 有湯, 有刺身, 有煎魚, 有蒸蛋, 有前菜, 有漬物, 仲有甜品, 好滿意!
一家四口食2個set好似有D唔夠, 老公仲話唔夠可以之後揸車出去國際通再食過! Anyway, 食完飯邊度都唔想去, 只係想返房休息, 返到房幫孖寶沖完涼, 又食過, 水果, 薯片, 乳酪, 食食埋埋其實都飽, 孖寶係張床度玩到癲咗! 爸爸無意間發現張床多咗粒野, 仲以為係佢地D玩具甩咗粒parts出黎, 佢拎上手一聞, 妖! 係屎黎架! 原來係哥哥賴咗粒屎, 佢仲要唔知道, 又唔認係佢自己既! 我地一家笑到卡卡聲!
今晚11點上床瞓, 哥哥要媽媽R背脊, 媽媽實在太眼瞓, R咗一陣體力不支......瞓咗! 唔知哥哥瞓咗未... hoho...
Day 2 完
尋日落機上網睇日本氣象廳, 話今日同聽日都係多雲有雨, 個心已經一沉, 今朝一起身望吓窗外面景色, 多雲, 但有少少陽光, 冇落雨, yeah!
兩公婆8點起身, 刷牙洗面, 8:15老公去叫醒兩隻豬仔 (通常都冇好下場!), 用咗10分鐘, 奇蹟地醒咗, 冇爆喊, 孖寶兄弟聽到起身落去食早餐就yeah! 仲笑笑口添! 幫佢地換底褲, 刷牙, 洗面, 換衫, 9點落去食早餐, 好多野食, 好多包選擇, 仲有專人煎蛋, 叫咗隻反蛋俾孖寶, 哥哥見到有cereal食, 就乜都唔食喇! 細佬就好肯食野, good boy!
10:15出發去埔添大公園, 上車時有少少雨粉, 希望唔好落出啦! 10:40去到公園, 好多國語人, 都唔知係台灣抑或支那人, 不過, 咁冇禮貌同冇公德心, 應該都係支那人! 呢個公園出名玩瀡滑梯, 我地冇帶紙皮又冇買專用滑板, 第一次玩, 由爸爸同哥哥, 媽媽同細佬, 真係好長好斜, 好刺激, 不過, 個pat pat好似著火咁, 媽媽忍唔住叫救命, 但細佬就玩得好開心, 笑到卡卡聲! 媽媽第二次同哥哥瀡, Oh! No! Cannot! 媽媽個pat pat... 頂唔順, 宣佈投降! 但爸爸繼續頂上, 一拖二走上山頂, 再瀡多2次, 仲玩埋自拍, 爸爸為咗對仔, 原來可以咁奮不顧身, 實在要向你致敬!
公園入面仲有一條for BB的入門版長滑梯, 哥哥自己玩咗N次, 細佬就話唔玩, 好驚, 但係長果條滑梯又夠膽玩?!
玩咗一個鐘, 係時候走lu..., 雖然天陰陰, 但冇風, 好熱, 要補充大量水份, 之後就開車去漁市場, 哥哥因為太早起身, 加上玩得太瘋狂, 上車冇幾耐就體力不支......瞓咗! 去到漁市場, 比我想像中細, 同埋冇咩刺身賣, 三文魚? 都唔係沖繩產, 冇理由買黎食, 加上日本人話三文魚有蟲, 佢地自己都唔食! 燒龍蝦? 我想食刺身喎! 又唔係自己燒, 仲要淋D芝士醬上去一齊燒, 隻龍蝦有幾新鮮? 心照啦! 老公最想食的北寄貝? 冇! 海膽? 有! 3500円一板? 上次去白濱都唔駛呢個價錢! 當我傻的嗎? 冇野睇又冇野食, 同細佬影咗張相就走人!
12:30 係時候要搵吓野食, 由於大家都未肚餓, 所以決定揸車去兒童王國先, 沿途搵野食, 揸車其間, 開始落雨, Oh! No! D雨越落越大, 加上沿途原來係冇野食, 揸揸吓見到上次間AEON MALL, 不如入去食咗野先, 等D雨細D再去, 重遊舊地, 媽媽第一時間係停車場搵咗2架車仔手推車俾佢地, 佢地自動波坐上車, 仲自己閂門, 入lift即上4樓搵野食先! 媽媽話唔想再食food court, 爸爸搵咗間坐得幾舒服的日本料理 (我地見到惟一一間食日本野, 其他都係食意粉, 日本人好崇洋, 但我黎日本就係想食日本野嘛!)
係門口寫名留位, 我覺得呢個制度好過撳飛等叫number, 等咗都幾耐 (可能因為媽媽肚餓, 感覺時間過得特別慢), 終於輪到我地, 孖寶好驚2架車仔會俾人偷咗, 唔想行入去食, 媽媽開始黑面, 唔理佢地, 你地唔入去, 媽媽入去先! 最後要爸爸保証幫佢地睇實2架車, 佢地先至肯行入去間餐廳。媽媽黎到沖繩咁耐都未食過餐好既, 爸爸為咗氹媽媽開心, 叫咗2個set, 銀雪魚set, 刺身set, 又等咗好耐, D野食終於黎喇! 饑腸轆轆的媽媽終於有野食, 但都要照顧咗孖寶先, 佢2個勁鍾意食豉油撈食飯同條魚 (原來唔係銀雪魚, 唔知咩魚, 但煮得幾好味), 搞到媽媽都唔敢食咁多飯, 惟有飲住湯同食刺身先, 一家四口叫咗2個set, 好似有D唔夠, 不過算啦! 都就黎3點, 食咁飽今晚又食唔到飯。
食完飯落停車場, 原來D雨仲大過頭先, 爸爸話不如都去兒童王國睇睇咩環境先啦! (媽媽心入面已經打定輸數!) 去到門口, 嘩! 大雨到差D睇唔到個招牌喎! 爸爸落車望咗一陣, 上返車, 算啦! 走人!
落咁大雨, 去得邊呢? 媽媽即時諗起三個字 -- 西松屋! 上網搵吓, 原來酒店附近有一間, yeah! 出發! 駛咗入酒店附近個商場, 不如落去行吓, 因為爸爸之前話想去行, 媽媽要氹吓自己開心 (去唔到兒童王國), 請咗孖寶去食雪糕! 佢地好開心! 細佬仲自己用個兜慢慢畢黎食!
食完雪糕, 哥哥話要去poo poo, 吓? 又黎? 好在商場有兒童廁所, 係廁所, 唔係廁格, 係專for兒童的廁所, 好欣賞日本的兒童friendly設施, 真係要俾10萬個like佢! 可惜, 哥哥已經等唔切, 賴咗粒屎落底褲, 媽媽惟有幫佢盡量清潔咗先, 冇褲換呀! 要一陣返酒店換!
再駕車去後面的西松屋, 嘩! 好大間呀! 爸爸自動波睇住2隻百厭豬, 媽媽都自動波, 係有限時間入面買買買, 不過, 可能靚款已經俾強國人掃晒, 冇乜佢地的size, 臨走前竟然見到2條反斗車王毛巾被 (100cm x 140cm), yeah! 媽媽想買咗好耐, 係香港搵咗好耐, 都搵唔到, 呢度啱啱有2條, 仲要做緊特價, 2000円唔駛, 出去俾錢, 盛惠15000円! (媽媽變咗購物狂) 西松屋隔離有超市, 爸爸媽媽又去買D野食, 爸爸繼續買咗大量的Maxim即沖咖啡粉, 然後揸車返酒店! (停雨了, 但已經冇得去兒童王國, 因為佢聽日休息)。
6:30返到酒店, 酒店送一餐晚餐, 媽媽打去Book咗7:30食日本野, 媽媽提意爸爸去大浴場浸吓熱水 (因為爸爸呢兩日仲係有D唔舒服), 爸爸浸到7點返黎, 孖寶終於瞓咗, 輪到媽媽去浸, 媽媽拿拿林浸咗20分鐘, 7:20返房, 叫醒孖寶落去食晚飯。
酒店送的晚餐係for我地兩個大人, 一人一個set, 有飯, 有湯, 有刺身, 有煎魚, 有蒸蛋, 有前菜, 有漬物, 仲有甜品, 好滿意!
一家四口食2個set好似有D唔夠, 老公仲話唔夠可以之後揸車出去國際通再食過! Anyway, 食完飯邊度都唔想去, 只係想返房休息, 返到房幫孖寶沖完涼, 又食過, 水果, 薯片, 乳酪, 食食埋埋其實都飽, 孖寶係張床度玩到癲咗! 爸爸無意間發現張床多咗粒野, 仲以為係佢地D玩具甩咗粒parts出黎, 佢拎上手一聞, 妖! 係屎黎架! 原來係哥哥賴咗粒屎, 佢仲要唔知道, 又唔認係佢自己既! 我地一家笑到卡卡聲!
是日戰利品
今晚11點上床瞓, 哥哥要媽媽R背脊, 媽媽實在太眼瞓, R咗一陣體力不支......瞓咗! 唔知哥哥瞓咗未... hoho...
Day 2 完
2016年6月12日 星期日
沖繩親子之旅2016 - Day 1
5.6.2016 (星期日)
由於心情興奮, 我7點已經起咗身, 孖寶都好早, 未夠8點已經起身, good!
一家四口輕輕鬆鬆係屋企食早餐, 然後再一次檢查行李, 確保冇執漏野, 老公叫我唔駛咁緊張喎! 最緊要帶passport同身份証, 其他野帶漏咗, 咪去到買囉!
9:20出發喇! 由於今次係一家四口去, 唔駛接埋其他人, 加上星期日冇塞車, 好順利, 10點左右就去到機場, 泊好架車, 拎埋行李, 由T2行去T1的K區, 正想排隊check in 之際, 地勤話有小朋友可以用專用櫃位排快線, yeah! 但原來上次on居咗囉! Check in 期間傳來噩耗, 原來我買機票時已劃位, 但老公今朝上網check in時又劃過位, 加上小朋友做唔到網上check in, 結果......我地一家四口要分開坐, 仲要係一頭(31行)一尾(62行), 係咁鬧個地勤都冇用, 佢叫我地到時上機搵空姐幫忙... 唉!
上到飛機, 我同哥哥先安頓咗係31行, 爸爸同細佬繼續行去62行睇吓咩情況, 然後保持通話, 老公搵到空姐幫手, 61行的兩個乘客肯同我地調位, 於是我抱哥哥行去後面 (佢初頭唔肯, 話好鍾意個位, 媽媽氹佢爸爸有機打, 佢先至制), 一家四口終於可以坐返埋一齊 (前後坐), yeah! 不過, 架機就delay咗超過半粒鐘......
兩個搭飛機都好乖, 冇扭計, 但爸爸唔係好舒服 (成個病樣咁), 媽媽叫細佬坐埋上黎前面, 睇住佢2個, 等爸爸休息一吓, 哥哥無啦啦話要poo poo, 嚇死媽媽, 大佬呀! 飛機個廁所通常好多人排隊, 好在咁啱唔駛排啫, 平時湊小朋友去廁所屙poo poo已經好有難度 (因為大人廁所, 驚佢跌落去, 又唔可以整污糟條褲同個pat pat, 要搵廁紙墊住), 今次仲要係幾萬呎的高空上面, 加上有氣流, 又要扶住佢, 自己又要企穏, 好在都順利完成!
今次飛機降落, 細佬冇喊喇! 叻叻! 媽媽驚佢耳仔痛, 係咁俾零食佢食! 機長廣播, 原來機程只係2個鐘多少少, very good喎!
落機過海關排長龍, 好在去得都算快, 拎埋行李, 坐旅遊巴去租車, 5:30先至離開機場出發去市中心。
6點左右去到新都心, 細佬瞓咗覺 (因為佢係飛機度冇瞓過), 至於哥哥, 媽媽第一時間搵返架車仔手推車俾佢, 等佢坐入去玩, 唔好煩, 然後就衝入反斗城買玩具, Tomica車仔399円, 即係HKD28有交易, 香港最平都40蚊, 又幾抵喎, 於是爸爸買咗大量的車仔俾自己, 媽媽都唔執輸, 買咗少量森林家族, 香港一set要賣HKD225, 呢度2000円, 即HKD140有交易, yeah! 其實佢D屋都平, 香港買HKD900, 呢度係9000円, 即係HKD630, 平好多喎, 真係好心動, 不過, 諗起屋企冇位擺, 同埋個喼唔夠大, forget it!
由於大家都太興奮 (細佬都瞓醒一齊揀玩具), 結果買到8:30, 媽媽不行了, 好肚餓, 爸爸好驚, 即刻話去俾錢lu... 盛惠10000円 (爸爸媽媽去旅行之前仲話自己唔係購物狂!)
係反斗城樓上巡咗一個圈都諗唔到食乜, 爸爸話要揸車出去附近兜吓, 睇吓有咩食, 媽媽太肚餓, 已經冇咩反應, 孖寶練仙, 完全冇肚餓感覺! 兜黎兜去都搵唔到咩食, 媽媽問爸爸你究竟想食咩? 爸爸竟然搭唔知! 媽媽內心已經無名火起, 最後去返反斗城隔離個商場, 爸爸見到個food court, 幾好喎, 係度食啦! 媽媽已經餓到冇聲出, 除咗屎之外, 乜都食! 當時已經9點, 一家四口搵咗張枱, 爸爸出去買野, 媽媽睇住孖寶, 最後, 爸爸買咗1碗冷麵, 1碗熱麵, 1碟肉醬意粉, 孖寶勁like個冷麵, 因為D汁好好味, 媽媽就狂吞碗熱麵, 有返D野食, 媽媽回復正常喇!
飯後, 行過隔離買D水果, 飲品, 乳酪返酒店食, 好在老公今次book間酒店近市中心, 車程只係10分鐘啫! Yeah! 間酒店望落唔錯, 老公去泊車, 我去check in, 上到房, 2張床冇上次咁大, 但間房都算大, OK啦! 兩個見到張大床, 即刻除鞋跳上去玩, hoho...
今次沖涼已經可以用花灑 (我同爸爸早2個月已經係屋企訓練佢地用花灑), 所以好快沖完涼, 兩個仲係好興奮, 急不及待要拆D火車出黎玩!
媽媽沖完涼已經11點, 仲要執晒全家D衫出黎, 掛起佢, 洗埋今晚食飯的口水肩, 爸爸就不停咁煲水, 攤凍, 入水樽, 仲要不停叫兩隻興奮豬瞓覺喇! 兩公婆最後搞到零晨12:30先至可以瞓!
不過, 瞓咗落床唔代表有得瞓, 張床好硬, 個枕頭好腍, 最攞命係兩隻豬仔, 成晚踢被, 我同老公全晚不停幫佢地蓋被, 佢地瞓瞓吓會坐起身, 然後瞓咗係床尾, 為免佢地踢到對方或者俾爸爸媽媽一腳申死佢地, 爸爸媽媽要抱返佢地返黎, 全晚就係不停咁執佢地返黎, 蓋被, 踢被, 執返黎, 蓋被, 踢被 (N次)
Day 1 完
由於心情興奮, 我7點已經起咗身, 孖寶都好早, 未夠8點已經起身, good!
一家四口輕輕鬆鬆係屋企食早餐, 然後再一次檢查行李, 確保冇執漏野, 老公叫我唔駛咁緊張喎! 最緊要帶passport同身份証, 其他野帶漏咗, 咪去到買囉!
9:20出發喇! 由於今次係一家四口去, 唔駛接埋其他人, 加上星期日冇塞車, 好順利, 10點左右就去到機場, 泊好架車, 拎埋行李, 由T2行去T1的K區, 正想排隊check in 之際, 地勤話有小朋友可以用專用櫃位排快線, yeah! 但原來上次on居咗囉! Check in 期間傳來噩耗, 原來我買機票時已劃位, 但老公今朝上網check in時又劃過位, 加上小朋友做唔到網上check in, 結果......我地一家四口要分開坐, 仲要係一頭(31行)一尾(62行), 係咁鬧個地勤都冇用, 佢叫我地到時上機搵空姐幫忙... 唉!
上到飛機, 我同哥哥先安頓咗係31行, 爸爸同細佬繼續行去62行睇吓咩情況, 然後保持通話, 老公搵到空姐幫手, 61行的兩個乘客肯同我地調位, 於是我抱哥哥行去後面 (佢初頭唔肯, 話好鍾意個位, 媽媽氹佢爸爸有機打, 佢先至制), 一家四口終於可以坐返埋一齊 (前後坐), yeah! 不過, 架機就delay咗超過半粒鐘......
兩個搭飛機都好乖, 冇扭計, 但爸爸唔係好舒服 (成個病樣咁), 媽媽叫細佬坐埋上黎前面, 睇住佢2個, 等爸爸休息一吓, 哥哥無啦啦話要poo poo, 嚇死媽媽, 大佬呀! 飛機個廁所通常好多人排隊, 好在咁啱唔駛排啫, 平時湊小朋友去廁所屙poo poo已經好有難度 (因為大人廁所, 驚佢跌落去, 又唔可以整污糟條褲同個pat pat, 要搵廁紙墊住), 今次仲要係幾萬呎的高空上面, 加上有氣流, 又要扶住佢, 自己又要企穏, 好在都順利完成!
今次飛機降落, 細佬冇喊喇! 叻叻! 媽媽驚佢耳仔痛, 係咁俾零食佢食! 機長廣播, 原來機程只係2個鐘多少少, very good喎!
落機過海關排長龍, 好在去得都算快, 拎埋行李, 坐旅遊巴去租車, 5:30先至離開機場出發去市中心。
6點左右去到新都心, 細佬瞓咗覺 (因為佢係飛機度冇瞓過), 至於哥哥, 媽媽第一時間搵返架車仔手推車俾佢, 等佢坐入去玩, 唔好煩, 然後就衝入反斗城買玩具, Tomica車仔399円, 即係HKD28有交易, 香港最平都40蚊, 又幾抵喎, 於是爸爸買咗大量的車仔俾自己, 媽媽都唔執輸, 買咗少量森林家族, 香港一set要賣HKD225, 呢度2000円, 即HKD140有交易, yeah! 其實佢D屋都平, 香港買HKD900, 呢度係9000円, 即係HKD630, 平好多喎, 真係好心動, 不過, 諗起屋企冇位擺, 同埋個喼唔夠大, forget it!
由於大家都太興奮 (細佬都瞓醒一齊揀玩具), 結果買到8:30, 媽媽不行了, 好肚餓, 爸爸好驚, 即刻話去俾錢lu... 盛惠10000円 (爸爸媽媽去旅行之前仲話自己唔係購物狂!)
係反斗城樓上巡咗一個圈都諗唔到食乜, 爸爸話要揸車出去附近兜吓, 睇吓有咩食, 媽媽太肚餓, 已經冇咩反應, 孖寶練仙, 完全冇肚餓感覺! 兜黎兜去都搵唔到咩食, 媽媽問爸爸你究竟想食咩? 爸爸竟然搭唔知! 媽媽內心已經無名火起, 最後去返反斗城隔離個商場, 爸爸見到個food court, 幾好喎, 係度食啦! 媽媽已經餓到冇聲出, 除咗屎之外, 乜都食! 當時已經9點, 一家四口搵咗張枱, 爸爸出去買野, 媽媽睇住孖寶, 最後, 爸爸買咗1碗冷麵, 1碗熱麵, 1碟肉醬意粉, 孖寶勁like個冷麵, 因為D汁好好味, 媽媽就狂吞碗熱麵, 有返D野食, 媽媽回復正常喇!
飯後, 行過隔離買D水果, 飲品, 乳酪返酒店食, 好在老公今次book間酒店近市中心, 車程只係10分鐘啫! Yeah! 間酒店望落唔錯, 老公去泊車, 我去check in, 上到房, 2張床冇上次咁大, 但間房都算大, OK啦! 兩個見到張大床, 即刻除鞋跳上去玩, hoho...
今次沖涼已經可以用花灑 (我同爸爸早2個月已經係屋企訓練佢地用花灑), 所以好快沖完涼, 兩個仲係好興奮, 急不及待要拆D火車出黎玩!
是日戰利品
媽媽沖完涼已經11點, 仲要執晒全家D衫出黎, 掛起佢, 洗埋今晚食飯的口水肩, 爸爸就不停咁煲水, 攤凍, 入水樽, 仲要不停叫兩隻興奮豬瞓覺喇! 兩公婆最後搞到零晨12:30先至可以瞓!
不過, 瞓咗落床唔代表有得瞓, 張床好硬, 個枕頭好腍, 最攞命係兩隻豬仔, 成晚踢被, 我同老公全晚不停幫佢地蓋被, 佢地瞓瞓吓會坐起身, 然後瞓咗係床尾, 為免佢地踢到對方或者俾爸爸媽媽一腳申死佢地, 爸爸媽媽要抱返佢地返黎, 全晚就係不停咁執佢地返黎, 蓋被, 踢被, 執返黎, 蓋被, 踢被 (N次)
Day 1 完
2016年6月3日 星期五
孖寶兄弟語錄(2)
細佬: 媽媽, 我要同你結婚!
媽媽: 吓? 唔得喎! 我同左爸爸結婚喇喎!
細佬: 媽媽, 我要同你結婚, 我想同你一齊瞓
媽媽: hoho...
一家人食飯的時候
細佬: 媽媽, 我大個買架粉紅色法拉利俾你揸!
媽媽: 嘩! 好啊! 係唔係真車黎架? 唔係玩具?
細佬: 真車, 唔係玩具, 你可以坐入去
媽媽: 細佬好錫媽媽啊! 媽媽好開心!
哥哥: (面向爸爸) 爸爸, 我大個, 你買架法拉利俾我!
爸爸: (心諗: 衰仔!)
臨瞓前一家四口坐係床度禱告
哥哥: 我要帶禱告! 我先呀!
細佬: 我先!
爸爸: 哥哥話禱告先, 哥哥先!
哥哥: 感謝天父, 賜我飲食...
媽媽: 喂喂! 而家唔係食飯喎...
媽媽同哥哥沖完涼抺身時
媽媽: 你今日點解唔駛返學既?
哥哥: 因為... 卡住咗 (做埋手勢)
媽媽: 吓? 卡住咗? 俾咩卡住咗?
哥哥: um... 會所...俾個會所卡住咗 (好認真)... 所以返唔到學 (攤大雙手)
媽媽: (O咀)
媽媽: 吓? 唔得喎! 我同左爸爸結婚喇喎!
細佬: 媽媽, 我要同你結婚, 我想同你一齊瞓
媽媽: hoho...
一家人食飯的時候
細佬: 媽媽, 我大個買架粉紅色法拉利俾你揸!
媽媽: 嘩! 好啊! 係唔係真車黎架? 唔係玩具?
細佬: 真車, 唔係玩具, 你可以坐入去
媽媽: 細佬好錫媽媽啊! 媽媽好開心!
哥哥: (面向爸爸) 爸爸, 我大個, 你買架法拉利俾我!
爸爸: (心諗: 衰仔!)
臨瞓前一家四口坐係床度禱告
哥哥: 我要帶禱告! 我先呀!
細佬: 我先!
爸爸: 哥哥話禱告先, 哥哥先!
哥哥: 感謝天父, 賜我飲食...
媽媽: 喂喂! 而家唔係食飯喎...
媽媽同哥哥沖完涼抺身時
媽媽: 你今日點解唔駛返學既?
哥哥: 因為... 卡住咗 (做埋手勢)
媽媽: 吓? 卡住咗? 俾咩卡住咗?
哥哥: um... 會所...俾個會所卡住咗 (好認真)... 所以返唔到學 (攤大雙手)
媽媽: (O咀)
2016年6月2日 星期四
贏在起跑線上?
不知從何時開始, 人生突然變成一場賽跑?
一句「讓你的子女贏在起跑線上」, 成為現代父母的金科玉律，父母萬一做了某件事或沒有做某件事, 令子女輸在起跑線上, 就成了千古罪人, 作為新手媽媽, 我也曾經有過「讓你的子女贏在起跑線上」的迷思。
我曾經寫過「贏在起跑, 輸在終點」, 但今日, 我有更進一步的想法, 人生為何會變成一場賽跑? 人生跟賽跑根本就是兩碼子的事!
賽跑的目標只有終點, 但人生的目標應該不是終點(死亡)吧!
賽跑只有一個目的 -- 跟別人鬥快跑到終點, 但人生, 我想你不會希望跟別人鬥快, 看看誰先早死吧?
賽跑不可停下腳步, 要不顧一切的跑, 但人生很多時需要放慢, 甚至停下腳步, 或是等待成長, 或是欣賞身邊美好的風光事物, 或是從新定立人生方向
賽跑只有一條路, 但人生總是有很多出路
賽跑是跟別人比賽, 但人生不需要跟別人比賽, 而是各自各精
所以將人生比喻為一場賽跑, 實在看小了生命的價值, 如果父母將自己孩子的人生, 看成是一場賽跑, 更是一種悲衰! 那些父母心中終日默唸著「要讓自己的子女贏在起跑線上」, 我為他們的孩子感到悲衰, 因為這場賽跑, 不是孩子自己選擇去跑的, 是父母迫著去跑的, 贏在起跑線如又何呢?
一句「讓你的子女贏在起跑線上」, 成為現代父母的金科玉律，父母萬一做了某件事或沒有做某件事, 令子女輸在起跑線上, 就成了千古罪人, 作為新手媽媽, 我也曾經有過「讓你的子女贏在起跑線上」的迷思。
我曾經寫過「贏在起跑, 輸在終點」, 但今日, 我有更進一步的想法, 人生為何會變成一場賽跑? 人生跟賽跑根本就是兩碼子的事!
賽跑的目標只有終點, 但人生的目標應該不是終點(死亡)吧!
賽跑只有一個目的 -- 跟別人鬥快跑到終點, 但人生, 我想你不會希望跟別人鬥快, 看看誰先早死吧?
賽跑不可停下腳步, 要不顧一切的跑, 但人生很多時需要放慢, 甚至停下腳步, 或是等待成長, 或是欣賞身邊美好的風光事物, 或是從新定立人生方向
賽跑只有一條路, 但人生總是有很多出路
賽跑是跟別人比賽, 但人生不需要跟別人比賽, 而是各自各精
所以將人生比喻為一場賽跑, 實在看小了生命的價值, 如果父母將自己孩子的人生, 看成是一場賽跑, 更是一種悲衰! 那些父母心中終日默唸著「要讓自己的子女贏在起跑線上」, 我為他們的孩子感到悲衰, 因為這場賽跑, 不是孩子自己選擇去跑的, 是父母迫著去跑的, 贏在起跑線如又何呢?
2016年6月1日 星期三
帶住孖寶去旅行@2016
終於踏入6月, 距離出發去旅行仲有4日, 自從3月買完飛, 用咗兩日寫咗個行程表, 就一直掉低咗件事, 早幾日仲同老公講笑, 驚住唔記得要上飛機, 由於事隔太耐, 真係唔記得班機幾點起飛...hoho...
呢兩日print返D機票, itinerary, 行程表, 旅行用品清單, 油顏色圖畫, 呢個好緊要, 爸爸話係防止孖寶係飛機上扭計, 我就話最緊要係帶多D零食上飛機食, 仲記得上次搭同一班飛機去沖繩, 媽媽真係充滿心理陰影, 話說本來諗住去到機場check in後食返個豐富早餐 (因為飛機餐得個包, 但佢唔係廉航, 老公話佢唔係!) 點知去到機場check in完已經last call, 乜都冇食飛跑去閘口, 唉! 結果等飛機起飛, 再等成個鐘先至得個包食, 好在空姐肯私人醒多一個包俾我啫!
自從舊年10月帶過孖寶去沖繩, 當時邀請埋奶奶同姑媽去(幫手), 孖寶兄弟就成日問幾時再去旅行, 其實媽媽都好想快D再去旅行, 無奈假期(包括聖誕, 新年, 復活節)機票好貴, 加上俾個衰老闆搶晒D可以放假的日子, 最快都要6月先至可以請到假去旅行 (仲要俾個衰老闆話我買機票前冇問過佢, 大佬呀! 我買機票係日日上網睇, 好似睇住D股票每日上落咁, 價位啱就即買, 我點樣問過你先呀? 唔通話俾你聽我而家撳制買喇?!)
細佬由3月問到4月, 4月問到5月, 隔一排就問我同爸爸幾時去旅行, 仲要我地拎住個月曆同佢講解, 踏入6月, 終於等到喇! 過多4日就去旅行喇! 要開始蘊釀一吓旅行mood先, 首先就係print晒D行程表、旅行用品清單出黎, 再諗吓去旅行要著咩衫, 唔夠衫就要趁呢幾日買埋佢 (其實上星期六已經買咗一條牛仔one piece俾自己, 孖寶一人一件T裇, hoho...) 孖寶兄弟知道過幾日就去旅行都好興奮, 見到佢地咁開心, 咁想去旅行, 爸爸媽媽就算辛苦, 都好想帶佢地去!
媽媽仲已經同細佬仔商量好要帶咩零食上飛機食 (因為上次飛機臨降落時, 細佬爆喊要抱, 應該係因為佢耳仔痛) 所以今次諗住食食食, 食住咁降落, 希望好D啦! 孖寶仲商量好邊個拎行李, 由哥哥推藍色細喼, 細佬推紫色大喼, 媽媽同佢地講, 你地要幫手執行李呀! 話俾媽媽聽, 你地想帶咩衫去著! 細佬即時大叫: McQueen! (佢地最近愛上咗反斗車王, 但其實佢地跟本都未睇過套卡通片)
不過, 細佬上星期六開始流鼻水, 鼻塞, 咳(好驚佢會傳染埋俾哥哥), 而哥哥就由尋晚開始起周身痕, 半夜要起身R, 慘慘豬! 今朝睇咗醫生, 兩個都冇大礙, 希望兩隻豬仔都可以係去旅行之前好返, 健健康康咁上飛機!
進入倒數階段, 仲有4, 3, 2, 1日, 沖繩, we are coming!
呢兩日print返D機票, itinerary, 行程表, 旅行用品清單, 油顏色圖畫, 呢個好緊要, 爸爸話係防止孖寶係飛機上扭計, 我就話最緊要係帶多D零食上飛機食, 仲記得上次搭同一班飛機去沖繩, 媽媽真係充滿心理陰影, 話說本來諗住去到機場check in後食返個豐富早餐 (因為飛機餐得個包, 但佢唔係廉航, 老公話佢唔係!) 點知去到機場check in完已經last call, 乜都冇食飛跑去閘口, 唉! 結果等飛機起飛, 再等成個鐘先至得個包食, 好在空姐肯私人醒多一個包俾我啫!
自從舊年10月帶過孖寶去沖繩, 當時邀請埋奶奶同姑媽去(幫手), 孖寶兄弟就成日問幾時再去旅行, 其實媽媽都好想快D再去旅行, 無奈假期(包括聖誕, 新年, 復活節)機票好貴, 加上俾個衰老闆搶晒D可以放假的日子, 最快都要6月先至可以請到假去旅行 (仲要俾個衰老闆話我買機票前冇問過佢, 大佬呀! 我買機票係日日上網睇, 好似睇住D股票每日上落咁, 價位啱就即買, 我點樣問過你先呀? 唔通話俾你聽我而家撳制買喇?!)
細佬由3月問到4月, 4月問到5月, 隔一排就問我同爸爸幾時去旅行, 仲要我地拎住個月曆同佢講解, 踏入6月, 終於等到喇! 過多4日就去旅行喇! 要開始蘊釀一吓旅行mood先, 首先就係print晒D行程表、旅行用品清單出黎, 再諗吓去旅行要著咩衫, 唔夠衫就要趁呢幾日買埋佢 (其實上星期六已經買咗一條牛仔one piece俾自己, 孖寶一人一件T裇, hoho...) 孖寶兄弟知道過幾日就去旅行都好興奮, 見到佢地咁開心, 咁想去旅行, 爸爸媽媽就算辛苦, 都好想帶佢地去!
媽媽仲已經同細佬仔商量好要帶咩零食上飛機食 (因為上次飛機臨降落時, 細佬爆喊要抱, 應該係因為佢耳仔痛) 所以今次諗住食食食, 食住咁降落, 希望好D啦! 孖寶仲商量好邊個拎行李, 由哥哥推藍色細喼, 細佬推紫色大喼, 媽媽同佢地講, 你地要幫手執行李呀! 話俾媽媽聽, 你地想帶咩衫去著! 細佬即時大叫: McQueen! (佢地最近愛上咗反斗車王, 但其實佢地跟本都未睇過套卡通片)
不過, 細佬上星期六開始流鼻水, 鼻塞, 咳(好驚佢會傳染埋俾哥哥), 而哥哥就由尋晚開始起周身痕, 半夜要起身R, 慘慘豬! 今朝睇咗醫生, 兩個都冇大礙, 希望兩隻豬仔都可以係去旅行之前好返, 健健康康咁上飛機!
進入倒數階段, 仲有4, 3, 2, 1日, 沖繩, we are coming!
我們家一年一度的盛事
汲取咗上年的教訓, 上年係我同老公結婚十周年, 身邊好多朋友都係十周年影一輯婚紗家庭相, 媽媽再披嫁衣, 爸爸踢死免, 小朋友都著埋禮服, 場面好温馨! (我講D相), 但事實上, 由於媽媽的新娘化妝需要最少1小時, 出事喇! 孖寶由開頭仲好開心, 肯同攝影師玩, 笑得好天真無邪, 但笑咗半個鐘就... 開始唔耐煩, 雖然已經出動ipad, 咩兒歌, 咩peppa pig, 都開始頂唔順, 到媽媽搞掂晒可以埋位影相的時候...... 細佬爆喊, 媽媽惟有同哥哥影住相先, 爸爸安慰(鬧爆)細佬, 結果最後:
1) 爸爸媽媽只係影咗一張合照, 仲要係笑容繃緊的, 因為啱啱鬧完人 (爸爸應承媽媽遲D再搵過間專業婚紗攝影, 影過一輯靚既, 當然最後冇咗件事啦!)
2) 影到的相都係哥哥揸住包鈣思寶, 記住, 係婚紗相揸住包鈣思寶, 賣緊廣告嗎?
3) 影到佢兩個著短褲, 記住, 佢地上身係著禮服, 禮服加短褲, 潮服嗎?
4) 影到幾張全家福, 但細佬眼紅紅, 唔望鏡頭, 同埋免強擠出個笑容, 好明顯係啱啱喊完
睇到堆相, 攝影師都好無奈, 佢有2個選擇:
1) 搵過一日再影過 (吓? 唔好喇掛? 案件重演? 傷心多一次?)
2) $1000俾晒所有相我地, 包埋揀20張相整相簿 (唉! 是但啦! 佢地著便服影D相都OK, 仍然係天真無邪的笑容!)
汲取咗上年的教訓, 今年決定唔好搞咁多野, 一去到就埋位影喇! 同埋搵間企理D既, 所以就去返第一年影果間, 環境唔錯, 有落地大玻璃, 做到天然光效果, 仲有唔少道具, 攝影師問我地想影咩相多, 我二話不說, 緊係想影多D一家四口啦! 如果只係得孖寶兩個的相, 老公同佢地影都得啦! 可能因為孖寶又大咗一歲, 冇以前咁扭計, 同埋明白攝影師想佢地做咩動作同表情, 佢地都好乖, 好合作, 攝影師都識氹吓小朋友, 佢地笑得好開心, 好自然, 雖然細佬尾段出現疲態, 但已經好叻仔喇! 影咗差不多1.5小時, 兩個都冇扭計, 仲話好好玩! 今年影全家福係最順利, 最開心的! 希望下年再好D啦!
約咗今個星期六去揀相, 希望影出黎的效果OK啦! 期待中......
後記@9.6.2016
有相睇喇! 都算唔錯, 爸爸仲好大方咁用3800大元買晒成輯相底, 多謝爸爸!
訂閱：
文章 (Atom)