去大拗門睇日落
去大尾督划艇仔
租單車踩
去沙灘
搭叮叮
坐渡海小輪
係公園草地上食麥當當
去公園玩遙控車
去公園打千秋
幸福可以好簡單、好平淡, 其實, 能夠一家人係埋一齊 -- 這就是幸福!
2017年11月30日 星期四
小一註冊日
真係估唔到, 孖寶竟然係教育局第一階段的自行收生已經被心儀的小學取錄, 雖然孖寶各人有20分, 但其實好多人都係20分, 所以係要抽籤, 而且學位數目唔多, 真係解釋唔到點解部電腦會抽中孖寶。昨日, 爸爸媽媽特登請咗一日假, 去小學幫孖寶註冊, 同埋慶祝一下。
媽媽送孖寶返學, 係學校門口見到校長, 校長見到我, 即刻過黎捉住我雙手, 恭喜我, 佢話老師同佢講返, 孖仔入咗, 佢好開心呀! 佢話從來未試過, 孖生的可以係第一階段就收咗, 佢話可能因為孖(抽中其中一個就一定要收埋另一個), 所以我地有兩個機會被抽中, 多過人地! hoho...... 識得孖寶其中一個同班同學的媽媽, 佢個小朋友都係20分, 但抽唔中!
早上11點到達小學, 行去小禮堂註冊, 唔多人, 登記的時候, 無意中見到佢個list入面有一、兩個熟識的名, 都係孖寶的同校同學。填寫學生資料其間, 見到之前負責小一選校講座的媽媽(佢個大女上年入咗呢間小學, 今年細女憑世襲制自動取錄), 佢見到我都好驚訝, 主動走過黎, 原來你有3個呀? 你對孖仔有哥哥姐姐係度讀? 我話唔係呀! 係抽到架咋! 佢話好勁! 好犀利呀! 好難抽到架! 我話: 係啦! 係神的安排! 感恩!
註册完, 校務職員俾咗孖寶的入學証我, 上面印咗孖寶的姓名同個人資料。拎住兩張証, 我終於好肯定 -- 孖寶被正式取錄了! (因為孖寶被抽中就好似發夢咁!) 下年6月就會收到學校寄黎的資料, 包括分班試安排, 買書、買服校、訂飯等等! 分班試? 要考試? 睇怕哥哥&細佬可能要唔同班了! 不過, 呢間學校不設精英班, 唔駛擔心被標籤, 呢個亦係媽媽心儀呢間小學的原因。
回想起由今年4月就開始幫孖寶報小學, 我地的原則係一定要係基督教! 報咗一間私校, 一間直資, 都係暫釘切鐵的 -- 不被取錄! (連second interview, 後補資格都冇!) 原來神另有安排, 今次, 神的心意好清晰, 好明顯, 因為第一階段就取錄咗! 我同老公都唔駛煩, 因為冇其他選擇, 冇後備, 就係呢間, 惟一一間!
原本已經打定輸數, 仲係心慌意亂的情況之下, 報咗一間唔係基督教的直資小學, 實在要求主原諒! (前日亦收到通知 -- 孖寶不被取錄, GOOD! 感謝主!)
註冊完, 就去學校接孖寶放學, 然後換上便服, 向住廸廸尼...... 隔離......個湖進發, 我地先去廸廸尼酒店的華特餐廳食Lunch。
下午1點到達酒店, 泊車(免費), 由於有小朋友同行, 所以被安排坐係餐廳的一個暗角, 冇得坐Window Seat, 算啦! Semi-buffet Lunch $288一位, 唔貴喎! 餐廳冇minimum charge, 亦歡迎小朋友Share大人的食物, Semi-buffet喎! 可以出去拎頭盤同甜品喎, 都可以Share俾小朋友食, 廸廸尼好大方啊! 值得一讚!
我同老公一向都好細食, 其實食完頭盤已經飽咗, 孖寶就瘋狂咁食熟蝦(尤其哥哥), 一塊麵包, 一粒水牛芝士, 之後就飽咗。老公叫咗個日式銀雪魚配白飯俾我, 佢自己叫咗個羊肩, 但個羊肩比較硬, 加上老公食頭盤已經食飽咗, 佢食咗半件羊肩已經宣報投降。我個銀雪魚都算大件, D汁好好味, 孖寶好鍾意食, 一家四口Share咗我件銀雪魚, 所以我唔算太飽, 留返少少戰鬥力食甜品同生果!
甜品種類唔算多, 但精緻, 我拎咗一杯咖啡奶凍、一件芝士蛋糕、三片菠蘿, 孖寶超級鍾意食個芝士蛋糕, 佢兩個好快KO咗, 我冇食過, 唔知咩味, 但佢地話: 太好味喇!!! 我食咗個奶凍+三片菠蘿已經頂到上心口, 試唔到個芝士蛋糕喇!
個餐跟Tea or Coffee, 我太飽喇! 要飲熱檸茶, 老公叫咗杯凍朱古力同孖寶Share, 我飲咗一啖, 正! 至於杯熱檸茶, 冇特別, 就係普通一杯熱茶+三片檸檬。
食飽飽, 同孖寶係酒店入面&出面個花園行吓(佢兩個一早已經坐唔定, 周圍走), 佢兩個好鍾意酒店花園入面個迷宮, 玩咗2次, 玩到唔捨得走! 之後去咗酒店入面間Souvenir Shop行, 又係玩咗好耐, 媽媽睇中咗件好有型的Thor男童棉質外套, 哥哥著咗上身, 好...好有型呀, 但太貴, 冇買到!
玩到下午3:30, 真係要走喇! 因為仲未去廸欣湖踩平衡車(山長水遠入黎的目的), 揸車過去, 停車場收費$25/小時, 要去7-Eleven買飛, 但出入都冇閘, 又冇記錄!
係公園玩咗一陣千秋同瀡滑梯, 踩咗一陣平衡車, 搵到個冇人的草地, 可以玩爸爸的瘋狂遙控車, 孖寶笑得好開心! 媽媽見到孖寶咁開心, 媽媽自己都好開心! 原來開心可以好簡單, 唔駛去廸廸尼, 唔係一定要俾錢入場先至開心!
下年孖寶升咗小一之後, 就唔可以咁樣, 平日下午出黎玩喇! 可能連星期六日放假, 都要留係屋企做功課同溫習, 實在要好好珍惜利用今年最後一年的幼稚園生活啊! hoho...
媽媽送孖寶返學, 係學校門口見到校長, 校長見到我, 即刻過黎捉住我雙手, 恭喜我, 佢話老師同佢講返, 孖仔入咗, 佢好開心呀! 佢話從來未試過, 孖生的可以係第一階段就收咗, 佢話可能因為孖(抽中其中一個就一定要收埋另一個), 所以我地有兩個機會被抽中, 多過人地! hoho...... 識得孖寶其中一個同班同學的媽媽, 佢個小朋友都係20分, 但抽唔中!
早上11點到達小學, 行去小禮堂註冊, 唔多人, 登記的時候, 無意中見到佢個list入面有一、兩個熟識的名, 都係孖寶的同校同學。填寫學生資料其間, 見到之前負責小一選校講座的媽媽(佢個大女上年入咗呢間小學, 今年細女憑世襲制自動取錄), 佢見到我都好驚訝, 主動走過黎, 原來你有3個呀? 你對孖仔有哥哥姐姐係度讀? 我話唔係呀! 係抽到架咋! 佢話好勁! 好犀利呀! 好難抽到架! 我話: 係啦! 係神的安排! 感恩!
註册完, 校務職員俾咗孖寶的入學証我, 上面印咗孖寶的姓名同個人資料。拎住兩張証, 我終於好肯定 -- 孖寶被正式取錄了! (因為孖寶被抽中就好似發夢咁!) 下年6月就會收到學校寄黎的資料, 包括分班試安排, 買書、買服校、訂飯等等! 分班試? 要考試? 睇怕哥哥&細佬可能要唔同班了! 不過, 呢間學校不設精英班, 唔駛擔心被標籤, 呢個亦係媽媽心儀呢間小學的原因。
回想起由今年4月就開始幫孖寶報小學, 我地的原則係一定要係基督教! 報咗一間私校, 一間直資, 都係暫釘切鐵的 -- 不被取錄! (連second interview, 後補資格都冇!) 原來神另有安排, 今次, 神的心意好清晰, 好明顯, 因為第一階段就取錄咗! 我同老公都唔駛煩, 因為冇其他選擇, 冇後備, 就係呢間, 惟一一間!
原本已經打定輸數, 仲係心慌意亂的情況之下, 報咗一間唔係基督教的直資小學, 實在要求主原諒! (前日亦收到通知 -- 孖寶不被取錄, GOOD! 感謝主!)
註冊完, 就去學校接孖寶放學, 然後換上便服, 向住廸廸尼...... 隔離......個湖進發, 我地先去廸廸尼酒店的華特餐廳食Lunch。
下午1點到達酒店, 泊車(免費), 由於有小朋友同行, 所以被安排坐係餐廳的一個暗角, 冇得坐Window Seat, 算啦! Semi-buffet Lunch $288一位, 唔貴喎! 餐廳冇minimum charge, 亦歡迎小朋友Share大人的食物, Semi-buffet喎! 可以出去拎頭盤同甜品喎, 都可以Share俾小朋友食, 廸廸尼好大方啊! 值得一讚!
我同老公一向都好細食, 其實食完頭盤已經飽咗, 孖寶就瘋狂咁食熟蝦(尤其哥哥), 一塊麵包, 一粒水牛芝士, 之後就飽咗。老公叫咗個日式銀雪魚配白飯俾我, 佢自己叫咗個羊肩, 但個羊肩比較硬, 加上老公食頭盤已經食飽咗, 佢食咗半件羊肩已經宣報投降。我個銀雪魚都算大件, D汁好好味, 孖寶好鍾意食, 一家四口Share咗我件銀雪魚, 所以我唔算太飽, 留返少少戰鬥力食甜品同生果!
哥哥瘋狂咁食熟蝦
個餐跟Tea or Coffee, 我太飽喇! 要飲熱檸茶, 老公叫咗杯凍朱古力同孖寶Share, 我飲咗一啖, 正! 至於杯熱檸茶, 冇特別, 就係普通一杯熱茶+三片檸檬。
食飽飽, 同孖寶係酒店入面&出面個花園行吓(佢兩個一早已經坐唔定, 周圍走), 佢兩個好鍾意酒店花園入面個迷宮, 玩咗2次, 玩到唔捨得走! 之後去咗酒店入面間Souvenir Shop行, 又係玩咗好耐, 媽媽睇中咗件好有型的Thor男童棉質外套, 哥哥著咗上身, 好...好有型呀, 但太貴, 冇買到!
相親相愛的孖寶兄弟
靚仔又有型!
係公園玩咗一陣千秋同瀡滑梯, 踩咗一陣平衡車, 搵到個冇人的草地, 可以玩爸爸的瘋狂遙控車, 孖寶笑得好開心! 媽媽見到孖寶咁開心, 媽媽自己都好開心! 原來開心可以好簡單, 唔駛去廸廸尼, 唔係一定要俾錢入場先至開心!
下年孖寶升咗小一之後, 就唔可以咁樣, 平日下午出黎玩喇! 可能連星期六日放假, 都要留係屋企做功課同溫習, 實在要好好
2017年11月28日 星期二
孖寶兄弟語錄(15)
話說我們家的性教育是咁的:
孖寶BB的時候, 爸媽已經教佢地認識自己的身體, 包括JJ, 之後, 孖寶就不停咁指住媽媽同嫲嫲的重要部位, 不停叫JJ... JJ...
爸爸話性教育要從小開始, 爸爸的理論係 -- 你唔俾佢睇, 佢第二時咪仲好奇?! 所以去日本的溫泉酒店, 我地都會揀"風呂付和室"或者"貸切風呂", 一家四口浸溫泉, 媽媽都係赤條條der... (不過, 阿爸爸, 無理由到孖寶8歲10歲, 我仲同佢地一齊赤條條浸溫泉喎! 到時要你自己同佢地浸!)
小朋友對性好奇係好正常, 所以孖寶(尤其係細佬仔)會 --
細佬: 媽媽, 點解你心口有兩舊野咁凸既?
媽媽: er... 係女孩子心口都凸架啦!
細佬: 咩黎架?
媽媽: 你話呢?
細佬: (思考咗一陣) ... 波波!
媽媽: wakakaka...(笑到收唔到聲, 然後好正經咁講) 係胸部!
細佬: 咁點解咁凸既?
媽媽: er......
孖寶又會經常趁媽媽沖涼的時候話急尿, 然後衝入黎浴室, 眼金金望住媽媽 --
媽媽: 唔准偷睇女孩子沖涼架! (媽媽沖完涼未著晒衫)
孖寶: (傻笑)...
哥哥: 點解你條底褲有塊野?
媽媽: 係咩? 有塊野咩? (佢見到塊護墊)
哥哥: 係唔係漏汁?
媽媽: 哈! 哈! 哈! ............. (惟有用大笑黎掩飾)
然後, 三母子係廁所入面大笑咗1分鐘!
後記@2018.5.3
早幾日食晚飯的時候，細佬突然望住媽媽個心口......（呢排天氣轉熱，媽媽係屋企多數著有pad背心，由於好貼，錯覺上，個胸好似好凸）
細佬: 媽媽，點解你上面......
媽媽: 上面？咩上面呀？（心諗：你想講我個胸大呀？）
細佬: 點解你上面咁大？
媽媽: hoho... 你講我個心口？
爸爸: 果度叫心口咩？果度叫乳房！
媽媽: （差d噴飯）叫胸部得唔得呀？好大咩？你都未見過人地d胸部仲大啦！
細佬: 我見過呀！
媽媽: 吓? 你見過邊個個胸好大呀?
細佬: 劉校長囉！
爸爸&媽媽:（笑到噴飯！）
孖寶BB的時候, 爸媽已經教佢地認識自己的身體, 包括JJ, 之後, 孖寶就不停咁指住媽媽同嫲嫲的重要部位, 不停叫JJ... JJ...
爸爸話性教育要從小開始, 爸爸的理論係 -- 你唔俾佢睇, 佢第二時咪仲好奇?! 所以去日本的溫泉酒店, 我地都會揀"風呂付和室"或者"貸切風呂", 一家四口浸溫泉, 媽媽都係赤條條der... (不過, 阿爸爸, 無理由到孖寶8歲10歲, 我仲同佢地一齊赤條條浸溫泉喎! 到時要你自己同佢地浸!)
小朋友對性好奇係好正常, 所以孖寶(尤其係細佬仔)會 --
細佬: 媽媽, 點解你心口有兩舊野咁凸既?
媽媽: er... 係女孩子心口都凸架啦!
細佬: 咩黎架?
媽媽: 你話呢?
細佬: (思考咗一陣) ... 波波!
媽媽: wakakaka...(笑到收唔到聲, 然後好正經咁講) 係胸部!
細佬: 咁點解咁凸既?
媽媽: er......
孖寶又會經常趁媽媽沖涼的時候話急尿, 然後衝入黎浴室, 眼金金望住媽媽 --
媽媽: 唔准偷睇女孩子沖涼架! (媽媽沖完涼未著晒衫)
孖寶: (傻笑)...
哥哥: 點解你條底褲有塊野?
媽媽: 係咩? 有塊野咩? (佢見到塊護墊)
哥哥: 係唔係漏汁?
媽媽: 哈! 哈! 哈! ............. (惟有用大笑黎掩飾)
然後, 三母子係廁所入面大笑咗1分鐘!
後記@2018.5.3
早幾日食晚飯的時候，細佬突然望住媽媽個心口......（呢排天氣轉熱，媽媽係屋企多數著有pad背心，由於好貼，錯覺上，個胸好似好凸）
細佬: 媽媽，點解你上面......
媽媽: 上面？咩上面呀？（心諗：你想講我個胸大呀？）
細佬: 點解你上面咁大？
媽媽: hoho... 你講我個心口？
爸爸: 果度叫心口咩？果度叫乳房！
媽媽: （差d噴飯）叫胸部得唔得呀？好大咩？你都未見過人地d胸部仲大啦！
細佬: 我見過呀！
媽媽: 吓? 你見過邊個個胸好大呀?
細佬: 劉校長囉！
爸爸&媽媽:（笑到噴飯！）
2017年11月27日 星期一
小一選校大抽奬 (下)
話說9月的時候, 係教育局第一階段的小一自行選校, 媽媽由孖寶K1的時候, 已經心儀區內的基督教宣道會宣基小學(宣小), 因為:
(1) 基督教
(2) 孖寶讀緊的幼稚園都係宣道會, 希望將來要叩門, 有多少同情分
(3) 宣小都算係區內口碑比較好的學校, 但當然會有人覺得我地區同天水圍區冇分別!
9月26日, 孖寶爸媽請咗下午假, 先去宣小附近的酒店食個semi-buffet lunch, 然後懷著沈重又戰驚的心情(孖寶媽only), 前往宣小交表。我地係第二日交表, 但當時已經有150幾人交咗, 即大概每日有100人交表, 教育局有5日的交表時間, 即係5日總共會有500人報宣小 (加上係龍年B, 實際數字可能更多, 競爭激烈)。 教育局規定計分制收生, 只可以收學位總數的25%, 即125 x 25% = 31人, 孖寶入到宣小的機會率 = 中六合彩!
交表第二晚, 孖寶媽就發惡夢(可能實在太緊張), 夢見孖寶係大抽奬階段獲派另一間(雖然都係基督教, 但口碑有D差, 又話收特殊學生, 又話收生不足之類), 孖寶媽係夢中喊咗出黎, 喊醒咗! 第二朝起身, 同孖寶爸講返: 我已經rehearsal咗一次, 所以到真係抽中果次, 我就唔會喊架喇!
不過, 自從果次之後, 孖寶媽就叫自己唔好再諗! 加上十月係我地的慶祝月 -- 孖寶爸&媽生日+結婚周年, 所以孖寶媽忙於諗一連串的慶祝活動, 已經忘記咗孖寶小一選校的事!
到咗11月中, 孖寶媽開始諗起, 係喎, 11月27號有小一自行選校結果, 就開始有少少不安! 冇期望, 就唔會有失望! 所以孖寶媽不停叫自己, 唔好有期望, 一定抽唔到!
終於到咗11月27日, 孖寶媽俾咗孖寶的申請編號爸爸, 叫爸爸自己上網睇啦! 唔駛同我講孖寶抽唔到! 有先至講啦! 點知, 爸爸冇出聲, 只係send咗個取錄表俾我! 咁抵死? 想整喊我呀?
結果, 媽媽真係喊咗! 因為媽媽發現...... 孖寶的申請編號...... 竟然......係個取錄名單上面呀!!!!!!!!!!!!!!!!!!!!!!!!!!!!!!!!
宣小收咗孖寶呀!!!!!!!!!!!!!!!!!!!!!!!!!!!!!!!
孖寶唔駛進入下一輪大抽奬喇! 可以今個星期三去宣小註册! 太好喇!
神蹟呀! 感謝主! 榮耀歸神!
(1) 基督教
(2) 孖寶讀緊的幼稚園都係宣道會, 希望將來要叩門, 有多少同情分
(3) 宣小都算係區內口碑比較好的學校, 但當然會有人覺得我地區同天水圍區冇分別!
9月26日, 孖寶爸媽請咗下午假, 先去宣小附近的酒店食個semi-buffet lunch, 然後懷著沈重又戰驚的心情(孖寶媽only), 前往宣小交表。我地係第二日交表, 但當時已經有150幾人交咗, 即大概每日有100人交表, 教育局有5日的交表時間, 即係5日總共會有500人報宣小 (加上係龍年B, 實際數字可能更多, 競爭激烈)。 教育局規定計分制收生, 只可以收學位總數的25%, 即125 x 25% = 31人, 孖寶入到宣小的機會率 = 中六合彩!
交表第二晚, 孖寶媽就發惡夢(可能實在太緊張), 夢見孖寶係大抽奬階段獲派另一間(雖然都係基督教, 但口碑有D差, 又話收特殊學生, 又話收生不足之類), 孖寶媽係夢中喊咗出黎, 喊醒咗! 第二朝起身, 同孖寶爸講返: 我已經rehearsal咗一次, 所以到真係抽中果次, 我就唔會喊架喇!
不過, 自從果次之後, 孖寶媽就叫自己唔好再諗! 加上十月係我地的慶祝月 -- 孖寶爸&媽生日+結婚周年, 所以孖寶媽忙於諗一連串的慶祝活動, 已經忘記咗孖寶小一選校的事!
到咗11月中, 孖寶媽開始諗起, 係喎, 11月27號有小一自行選校結果, 就開始有少少不安! 冇期望, 就唔會有失望! 所以孖寶媽不停叫自己, 唔好有期望, 一定抽唔到!
終於到咗11月27日, 孖寶媽俾咗孖寶的申請編號爸爸, 叫爸爸自己上網睇啦! 唔駛同我講孖寶抽唔到! 有先至講啦! 點知, 爸爸冇出聲, 只係send咗個取錄表俾我! 咁抵死? 想整喊我呀?
結果, 媽媽真係喊咗! 因為媽媽發現...... 孖寶的申請編號...... 竟然......係個取錄名單上面呀!!!!!!!!!!!!!!!!!!!!!!!!!!!!!!!!
宣小收咗孖寶呀!!!!!!!!!!!!!!!!!!!!!!!!!!!!!!!
孖寶唔駛進入下一輪大抽奬喇! 可以今個星期三去宣小註册! 太好喇!
神蹟呀! 感謝主! 榮耀歸神!
2017年11月20日 星期一
頒奬典禮
為咗鼓勵孖寶的好行為, 減少佢地的"曳"行為, 我們家較早前開始咗儲貼紙奬Lego的奬勵計劃。
爸爸會係星期六、日及公眾假期送出貼紙, 當然孖寶要乖先至會有貼紙啦! 仲要唔止乖一次半次, 係全日都乖, 哥哥雖然有時會爆喊, 不過, 如果佢肯好快收聲, 都唔計佢曳。不過, 由於細佬實在太乖(佢係一個好守規舉, 好刻制自己情緒的小朋友!), 而哥哥就好易喊, 同埋佢根本理解唔到送貼紙同唔喊的關係, 當爸媽話佢喊 --> 曳 --> 無貼紙, 佢只會喊得更加大聲, 所以哥哥長期都係少細佬2至3張貼紙, 而每次佢見到咁的情況, 又喊!
為咗平衡一吓哥哥的心理, 鼓勵哥哥, 媽媽諗咗其他方法幫哥哥"賺貼紙", 媽媽留意到, 雖然哥哥成日喊(爸爸一律當作佢係扭計同曳), 其實哥哥有其他優點 -- 就係佢好錫細佬, 所以媽媽幫佢向爸爸爭取 -- "相親相愛"貼紙, 以示鼓勵! 另外, 爸爸為咗幫媽媽脫身(孖寶每晚都要媽媽陪瞓覺, 陪好耐), 所以又用"大哥哥"貼紙利誘佢地, 星期一至五都唔需要媽媽陪好耐, 星期六就會有一個貼紙!
經過大半年的時間, 孖寶終於儲齊一版的貼紙喇! 今期的奬品係Lego的NINJAGO系列, 恭喜晒兩位得奬者! 以下係頒奬典禮當晚的盛況 :
爸爸會係星期六、日及公眾假期送出貼紙, 當然孖寶要乖先至會有貼紙啦! 仲要唔止乖一次半次, 係全日都乖, 哥哥雖然有時會爆喊, 不過, 如果佢肯好快收聲, 都唔計佢曳。不過, 由於細佬實在太乖(佢係一個好守規舉, 好刻制自己情緒的小朋友!), 而哥哥就好易喊, 同埋佢根本理解唔到送貼紙同唔喊的關係, 當爸媽話佢喊 --> 曳 --> 無貼紙, 佢只會喊得更加大聲, 所以哥哥長期都係少細佬2至3張貼紙, 而每次佢見到咁的情況, 又喊!
為咗平衡一吓哥哥的心理, 鼓勵哥哥, 媽媽諗咗其他方法幫哥哥"賺貼紙", 媽媽留意到, 雖然哥哥成日喊(爸爸一律當作佢係扭計同曳), 其實哥哥有其他優點 -- 就係佢好錫細佬, 所以媽媽幫佢向爸爸爭取 -- "相親相愛"貼紙, 以示鼓勵! 另外, 爸爸為咗幫媽媽脫身(孖寶每晚都要媽媽陪瞓覺, 陪好耐), 所以又用"大哥哥"貼紙利誘佢地, 星期一至五都唔需要媽媽陪好耐, 星期六就會有一個貼紙!
經過大半年的時間, 孖寶終於儲齊一版的貼紙喇! 今期的奬品係Lego的NINJAGO系列, 恭喜晒兩位得奬者! 以下係頒奬典禮當晚的盛況 :
恭喜兩位得奬者
一齊望鏡頭
希望頒奬嘉賓下次可以著得莊重少少
細佬仔笑到見牙唔見眼
2017年11月15日 星期三
轉會
話說孖寶媽好貪靚, 但估唔到, 孖寶媽的護膚品&程序唔多:
夏天
早上 - 洗面 --> 印乾 --> 搽防曬 --> 化妝
晚上 - 卸妝 --> 洗面 --> 印乾 --> 乜都唔搽
冬天
早上 - 洗面 --> 輕印 --> 趁未乾晒就搽Lotion --> 搽防曬 --> 化妝
晚上 - 卸妝 --> 洗面 --> 輕印 --> 趁未乾晒就搽Lotion (相對濕度低過80%時會間中敷保濕Mask)
每月
去診所打1064 (聲稱可以美白 + 去斑 + 收毛孔)
That's all!
不過, 由於發生咗D事, 詳情請參閱今年4月題為「憤怒鳥」的文章。
孖寶媽決定要對自己好D, 加上年紀大喇! 真係要開始保養一下 (其實已經遲咗人地10幾年先開始)。 既然要對自己好D, 咁緊係要揀最好啦! 根據孖寶媽接近10年的化妝經驗, 化妝品一定要揀日本牌子, 因為始終係亞洲牌子, 無論化妝品的質地同顏色, 都係設計for返亞洲人的膚質同膚色 (剛開始化妝返工時, 試過買歐洲牌子的粉底, 顏色太白, 質地好乾, 中伏!) 照以上邏輯, 護膚品都應該揀返日本牌子, 而係眾多日本牌子之中, SKII 可謂數一數二!
於是, 把心一橫, 入會SKII, 買咗人生第一套神仙水Trial Kit。
由4月中開始用, 用咗2星期, 唔覺得有咩奇蹟, 只係睇落塊面的膚色好似均勻咗, 白咗, 好似咋! 額頭出少咗粒粒(可能因為打咗1064或者年紀大咗啫!), 但塊面仍然好多紅印, 毛孔仍然咁粗, 唔可以素顏出街!
由於只係用咗2星期, 冇明顯變化係正常(應該係, 除非唔係!)。 由於細細個成日撈電視汁餸飯 -- SKII有豐富Pitera, 日本釀酒師傅對手之所以咁滑, 冇細紋, 都係因為Pitera, 所以對SKII的神仙水仍然充滿希望!
今年5月, SOGO Thankful Week, SKII 套裝做特價, 孖寶媽當然把握機會, 再入手SKII啦! 今次仍然係主攻神仙水 (因為SKII我只聽過神仙水!) 買咗以下呢套。
其實1支230ml的神仙水, 我係可以用到半年der~ (可能我慳住用, 但其實我都係抹濕全面, 抺完後塊棉都仲揸到D神仙水出黎), 所以今年11月又係時候要入貨喇! 剛好又係SOGO Thankful Week, 由於想用埋佢地主打果隻皇牌美白精華(之前試過sample, OK, 清爽唔笠, 冇起粒粒, 搽咗塊面變得有光澤, 不過網上D人話因為佢D精華入面有閃粉), 今次睇中下面呢套:
尋日趁Lunch Time去, 到咗SKII Counter已經自動波排隊, Sales俾咗份單張我睇, 我想買果套... 冇晒! 吓? 只係第四日咋喎, 咁快賣晒?! 我望住張單張, 呆咗10分鐘, 實在揀唔落手, 加上呢10分鐘內, 我見到個Sales對D客呼呼喝喝, 真係當D客係乞衣, 而家派飯咁!
最後, 我還返張單張俾個Sales, 二話不說走去咗Shiseido個Counter, 個Sales離遠已經見到我, 佢知我想拎佢份單張, 主動行過黎遞俾我, 仲問我: 你要唔要上15/F我地個Salon度睇, 果度少D人, 唔駛排隊, 同埋有晒所有套裝, 你可以慢慢揀! 我話都好喎! 於是佢帶咗我出咗SOGO, 過咗幾個舖位, 去咗SOGO果座商業大廈等lift, 我以為佢指咗我去邊度等lift就算, 點知佢陪我一齊搭lift上去。
去到15/F, 有幾個唔同牌子的化妝Counter, Shiseido門口個阿姐見到我, 充滿笑容! 相比起排SKII做乞衣, Shiseido呢D簡直係尊貴的VIP服務(不枉我幫襯咗佢買化妝品成10年呀!)。個Sales話15/F平時係做facial的, Thankful Week開放埋, 等D客買得舒服D! (好貼心啊! 咁先至係做生意嘛!)
入到去裏面, 有一個個booth(咁話明係Salon黎!), 我坐係其中一個booth 的bar chair度, 個Sales拎咗我話想睇果2套set俾我睇, 又幫我試上手, 我話之前試過佢地隻Ultimate Power Infusing Concentrate, 好快吸收又唔笠, 但我又想買另一條line的美白套裝, 不過, 原來另一套只限11月18日(星期六), 而家買要俾現金, 我話我冇咁多現金, 同埋我想用HSBC簽咭 (因為HSBC係SOGO簽滿$2000送$150 SOGO coupon)。個Sales態度好好, 完全冇hard sell, 由得我自己決定。結果, 我買咗以下呢套:
個Sales仲好細心咁問我登記咗HSBC張咭未, 又問我要唔要係D樽上面貼返中文, 成個購物過程, 我都冇郁過, 坐得舒舒服服, 唔駛排隊, 唔駛等, 唔駛迫! 最重要係 -- 我重拾作為消費者的尊嚴!
現在, 我正式宣布, 我轉會去Shiseido, bye bye SKII! 其實諗返, 以往去Shiseido買化妝品, 去過幾間分店, D Sales態度都好OK! 同埋買少少野 (唔過$1000), 都有試用裝送返!
用咗SKII神仙水半年, 講真, 見唔到有咩奇蹟(但電視廣告阿湯唯話有架喎!) 只係洗面時, 感覺塊面滑咗, 但D毛孔同千年瘡印, 係冇改善過! 用SKII惟一係冇起粒粒, 唔知算唔算係奇蹟? 同埋而家諗返, 唔知點解, SKII D Sales全部都係阿婆 (冇後生女Sales), 然後D態度都係慢條斯理, 做唔做你生意都冇所謂咁樣, 同埋講D說話, 好似暗寸緊你 -- 因為係你冇用晒成條line的產品, 所以冇效果囉! 加上去咗2次SOGO Thankful Week的經歷, 大家同樣係大減價(其實SKII只係7折, 半價都冇), 點解人地Shiseido待客係VIP, 而你SKII就當D客係乞衣?!
夏天
早上 - 洗面 --> 印乾 --> 搽防曬 --> 化妝
晚上 - 卸妝 --> 洗面 --> 印乾 --> 乜都唔搽
冬天
早上 - 洗面 --> 輕印 --> 趁未乾晒就搽Lotion --> 搽防曬 --> 化妝
晚上 - 卸妝 --> 洗面 --> 輕印 --> 趁未乾晒就搽Lotion (相對濕度低過80%時會間中敷保濕Mask)
每月
去診所打1064 (聲稱可以美白 + 去斑 + 收毛孔)
That's all!
不過, 由於發生咗D事, 詳情請參閱今年4月題為「憤怒鳥」的文章。
孖寶媽決定要對自己好D, 加上年紀大喇! 真係要開始保養一下 (其實已經遲咗人地10幾年先開始)。 既然要對自己好D, 咁緊係要揀最好啦! 根據孖寶媽接近10年的化妝經驗, 化妝品一定要揀日本牌子, 因為始終係亞洲牌子, 無論化妝品的質地同顏色, 都係設計for返亞洲人的膚質同膚色 (剛開始化妝返工時, 試過買歐洲牌子的粉底, 顏色太白, 質地好乾, 中伏!) 照以上邏輯, 護膚品都應該揀返日本牌子, 而係眾多日本牌子之中, SKII 可謂數一數二!
於是, 把心一橫, 入會SKII, 買咗人生第一套神仙水Trial Kit。
由4月中開始用, 用咗2星期, 唔覺得有咩奇蹟, 只係睇落塊面的膚色好似均勻咗, 白咗, 好似咋! 額頭出少咗粒粒(可能因為打咗1064或者年紀大咗啫!), 但塊面仍然好多紅印, 毛孔仍然咁粗, 唔可以素顏出街!
由於只係用咗2星期, 冇明顯變化係正常(應該係, 除非唔係!)。 由於細細個成日撈電視汁餸飯 -- SKII有豐富Pitera, 日本釀酒師傅對手之所以咁滑, 冇細紋, 都係因為Pitera, 所以對SKII的神仙水仍然充滿希望!
今年5月, SOGO Thankful Week, SKII 套裝做特價, 孖寶媽當然把握機會, 再入手SKII啦! 今次仍然係主攻神仙水 (因為SKII我只聽過神仙水!) 買咗以下呢套。
支神仙水用到而家, 支洗面膏好臭
(唔知點解就咁聞冇事, 捽落塊面就覺得好臭),
塊面膜好厚, 好硬, 敷的時候全完唔貼面!
但其實購買過程感覺好差! 由於係Thankful Week, 超多人, 尤其大劣人, 好迫, 要排隊, 加上SKII個Counter係正扶手電梯隔離, 排隊好阻人, 結果成日被人撞, 仲要未有貨, 先交低張信用咭, 排咗好耐隊先至碌到咭, 碌完咭繼續都係等, 然後Sales就係個紙皮箱入面執一包預先pack好的set裝俾你, 冇紙袋裝住, 要個客就咁拎住走, 仲要好似想你快D過主啦! 輪到後面個客! 真心感覺自己有D似 -- 乞衣, 去輪米 (不過, 鬼叫自己貪平, 趁大減價先至買, 呢d係代價!)
尋日趁Lunch Time去, 到咗SKII Counter已經自動波排隊, Sales俾咗份單張我睇, 我想買果套... 冇晒! 吓? 只係第四日咋喎, 咁快賣晒?! 我望住張單張, 呆咗10分鐘, 實在揀唔落手, 加上呢10分鐘內, 我見到個Sales對D客呼呼喝喝, 真係當D客係乞衣, 而家派飯咁!
最後, 我還返張單張俾個Sales, 二話不說走去咗Shiseido個Counter, 個Sales離遠已經見到我, 佢知我想拎佢份單張, 主動行過黎遞俾我, 仲問我: 你要唔要上15/F我地個Salon度睇, 果度少D人, 唔駛排隊, 同埋有晒所有套裝, 你可以慢慢揀! 我話都好喎! 於是佢帶咗我出咗SOGO, 過咗幾個舖位, 去咗SOGO果座商業大廈等lift, 我以為佢指咗我去邊度等lift就算, 點知佢陪我一齊搭lift上去。
去到15/F, 有幾個唔同牌子的化妝Counter, Shiseido門口個阿姐見到我, 充滿笑容! 相比起排SKII做乞衣, Shiseido呢D簡直係尊貴的VIP服務(不枉我幫襯咗佢買化妝品成10年呀!)。個Sales話15/F平時係做facial的, Thankful Week開放埋, 等D客買得舒服D! (好貼心啊! 咁先至係做生意嘛!)
入到去裏面, 有一個個booth(咁話明係Salon黎!), 我坐係其中一個booth 的bar chair度, 個Sales拎咗我話想睇果2套set俾我睇, 又幫我試上手, 我話之前試過佢地隻Ultimate Power Infusing Concentrate, 好快吸收又唔笠, 但我又想買另一條line的美白套裝, 不過, 原來另一套只限11月18日(星期六), 而家買要俾現金, 我話我冇咁多現金, 同埋我想用HSBC簽咭 (因為HSBC係SOGO簽滿$2000送$150 SOGO coupon)。個Sales態度好好, 完全冇hard sell, 由得我自己決定。結果, 我買咗以下呢套:
個Sales仲好細心咁問我登記咗HSBC張咭未, 又問我要唔要係D樽上面貼返中文, 成個購物過程, 我都冇郁過, 坐得舒舒服服, 唔駛排隊, 唔駛等, 唔駛迫! 最重要係 -- 我重拾作為消費者的尊嚴!
現在, 我正式宣布, 我轉會去Shiseido, bye bye SKII! 其實諗返, 以往去Shiseido買化妝品, 去過幾間分店, D Sales態度都好OK! 同埋買少少野 (唔過$1000), 都有試用裝送返!
用咗SKII神仙水半年, 講真, 見唔到有咩奇蹟(但電視廣告阿湯唯話有架喎!) 只係洗面時, 感覺塊面滑咗, 但D毛孔同千年瘡印, 係冇改善過! 用SKII惟一係冇起粒粒, 唔知算唔算係奇蹟? 同埋而家諗返, 唔知點解, SKII D Sales全部都係阿婆 (冇後生女Sales), 然後D態度都係慢條斯理, 做唔做你生意都冇所謂咁樣, 同埋講D說話, 好似暗寸緊你 -- 因為係你冇用晒成條line的產品, 所以冇效果囉! 加上去咗2次SOGO Thankful Week的經歷, 大家同樣係大減價(其實SKII只係7折, 半價都冇), 點解人地Shiseido待客係VIP, 而你SKII就當D客係乞衣?!
2017年11月14日 星期二
孖寶媽的新玩具
話說孖寶爸成日都買玩具...... 俾佢自己, 包括:
(1) LEGO, 由舊年開始, 不停咁瘋狂咁買, 每次都至少買2盒, 每盒過$1000, 目測屋企現時的LEGO總值超過$15000
(2) 迷你火車, 唔係孖寶玩果D Tomy 電動火車仔, 係俾麻甩佬玩+收藏+鑑賞, 仿真度極高, 1: 150的模型電動火車, 上個月去青馬大橋觀景台間火車模型舖頭睇完後, 當日下晝就即刻揸車去荃灣買, 然後痴咗條筋, 瘋狂咁係Amazon jp 買咗大量的火車+路軌+場景, 請問屋企那有位俾阿爸爸你搭個場景呢?
(3) 氣槍, 老公聲稱佢未識我時已開始玩, 當年屋企有2枝氣槍, 係咩? 同你拍拖3年+結婚12年=呢15年來, 從未見過你玩氣槍喎?! (我懷疑佢呢5年來照顧孖寶的壓力, 而家要一次過爆發晒出黎, 所以佢狂買玩具俾自己玩, 發洩!)
眼見孖寶爸買玩具已經去到極瘋狂的境界 (佢已經癲咗!)
孖寶媽冇理由咁刻薄自己? 所以點都要搵D野買吓, 仲要唔貴唔買! 不過, 孖寶媽D興趣好狹窄 (係我老豆遺傳同一手造成, 我的前半生好可憐!) 孖寶媽鍾意的, 不外乎係買吓衫, 化妝品, 護膚品, 同護膚有關的儀器, Little Twin Stars, 森林家族, that's all! (但以上種種都只係幾百, 甚少過千, 更加好難超過1萬, 所以, 諗諗吓應該要加入埋首飾(唔係豬耳繩喎!)
最近, 孖寶媽就買咗個玩具俾自己 -- Hitachi Hada CRie Hot & Cool 溫熱冰肌離子清潔及保濕器 (水貨$1400), 本來想買今年9月最新推出的型號 (行貨$2990), 但由於最新型號只係多咗個色斑感應功能(平時每月都去診所打1064, 雖然仍然有斑, 但唔算多/深色), 加上都唔知部機有冇料到, 又唔知自己有冇恆心每日用, 所以都係平平地買上一代個型號玩吓算喇!
(1) 首先要將化妝棉固定係導頭上, 倒D化妝水落塊棉上面(要塊棉濕透), 我用SKII的Clear Lotion (有AHA酸幫助軟化角質), 然後開始第一個程序 -- Hot Cleansing (需時3分鐘), 我順便清潔埋條頸, 3分鐘後會自動停機。
(2) 清潔程序完成, 拆返塊化妝棉出黎, 同埋望住塊棉, 黃黃地, 感覺(只係感覺)塊面乾淨晒。再摸吓塊面, 好乾爽, 唔似平時用塊棉就咁抺上面, 抹完都係痴痴笠笠 (咁又已經過咗2分鐘)。
(3) 抺下個導頭(驚頭先D污垢痴咗係導頭, 咁一陣做導入咪導入埋D污垢?!) 開始第二個程序 -- Hot Moisturize (需時3分鐘), 我用SKII神仙水, 說明書話水狀要用化妝棉, 凝膠狀可以直接搽係導頭上面, 由於用神仙水整濕成塊化妝棉=倒錢落海, 我冇咁做, 我只係用神仙水拍濕全面(用咗1分鐘), 然後做導入, 但不好推, 神仙水係半乾濕狀態下變得痴痴笠笠, 惟有用導頭按壓, 希望效果差不多, 我都有做埋頸, 3分鐘後又係會自動停機。
(4) 摸吓塊面, 仍然係痴痴笠笠, 究竟係導入咗, 塊面"索"飽水? 抑或係D神仙水俾個導頭的熱力蒸乾咗? 猶疑咗一陣, 繼唔繼續下一個程序 -- Hot Mask? 塊面咁痴, 仲要再搽D精華落去? 會唔會更加痴(線)? 但係頭先溫熱保濕, D熱力已經將D毛孔打開咗喎(說明書係咁寫), by common sense, 毛孔打開咗, 應該趁機搽精華, 等佢更加吸收喎! (咁又過咗2分鐘)
(5) 決定做埋加強滲透(需時3分鐘), 我用Shiseido Ultimate Power Infusing Concentrate, 係Shiseido 近年力推的皇牌保濕精華, 說明書話, 可以直接搽上面先, 我用平時的分量, 即搽上面迅速吸收後, 感覺潤滑但唔笠, 不過, 原來咁既份量, 個導頭好難推, 好"啜", 加上導頭的熱力明顯比之前兩個程序高, 塊面開始有少少紅同不適感覺, 於是那那林搽多一倍的精華上面, 推導頭就順滑咗好多, 但鼻位有骨, 根本唔貼面, 又推唔到, 似乎要放棄, 推咗3分鐘自動停機, 但因為未做條頸, 又開多次機, 做埋條頸 (約1分鐘後熄咗部機)。
(6) 由於感覺塊面非常非常的笠, 好唔舒服, 之後的程序係要用背面的金屬頭做冷卻, 咁咪會整"污糟"背面個金屬頭囉?! 又猶疑咗2分鐘, 真係頂唔順, 決定去洗咗塊面先(浪費晒D精華, 好在係之前買化妝品的贈品試用裝黎!) 洗完面, 用紙巾輕輕印乾, 感覺成塊面清爽晒! 正! (咁又過咗2分鐘)。
(7) 終於都黎到最後一個程序 -- Cool (需時2分鐘), 等D毛孔收縮返! 說明書話背面的金屬頭需要10秒先至進入冷卻程序, 我太心急, 即時就擺上塊面, 其實金屬本身都有少少冰涼的感覺, 我個人最鍾意呢個冷卻程序, 個金屬頭比我想像中凍, 好似冰敷咁(成日諗起如果孖寶跌/撞親, 可以借黎凍敷), 2分鐘實在唔夠喉。
(8) 由於冷卻前已經洗咗塊面, 所以冷卻後, 塊面凍凍地, 更加爽! 正! (不過, 水潤保濕的感覺就冇晒! 希望頭先D神仙水同精華已經導入咗啦!) 所有程序完成晒, 仲要用濕紙巾抺乾淨前面的導頭同背面的金屬頭(我唔敢用水沖呀!驚整壞部機), 再抺乾, 最後用跟機的膠蓋蓋住兩個導頭, Finished! (咁又用咗1分鐘)
整個「療程」完成, 我用咗足足22分鐘, 係說明書聲稱11分鐘的一倍時間!
效果:
(1) 用咗3日, 暫時未見到咩效果! 但每次導出完, 睇住塊棉就感覺良好!
(2) 塊面冇紅, 冇起粒粒 (但今朝右邊面起咗一粒紅點, 按落去唔痛, 唔算好凸起, 搽咗暗瘡膏, 希望撳得住, 唔好發出黎!)
(3)都算係冇傷害性! (上網睇D人話有空姐用到爛面!)
檢討:
似乎用神仙水造導入, 然後用精華加強滲透, 太過份 (因為今朝右邊面已經標咗粒瘡仔), 我決定今晚試吓用Clear Lotion清潔 --> Shiseido精華導入 --> Skip咗Step 3 --> 冷卻
後記:
11月28日, 右邊面谷咗一粒瘡, 搽咗5日Zindaclin 1% Gel, 停止咗生長, 但就硬咗, 同埋淤咗色! 大鑊!
12月14日, 3星期之前谷起粒瘡, 已經扁返(但仍然係淤色), 但附近又谷咗另一粒瘡出黎, 咩事呀而家? 唔通真係部導入機搞到爛面?
2018年2月14日, 由於之前每日用, 塊面開始生瘡, 好驚! 由1月起, 已經冇每日用, 只係一個星期用1至2次, 而且只係導出污垢, 或只係敷Mask時用加強滲透, 所以so far, 已經冇再因為用呢部機而生瘡喇!
(1) LEGO, 由舊年開始, 不停咁瘋狂咁買, 每次都至少買2盒, 每盒過$1000, 目測屋企現時的LEGO總值超過$15000
(2) 迷你火車, 唔係孖寶玩果D Tomy 電動火車仔, 係俾麻甩佬玩+收藏+鑑賞, 仿真度極高, 1: 150的模型電動火車, 上個月去青馬大橋觀景台間火車模型舖頭睇完後, 當日下晝就即刻揸車去荃灣買, 然後痴咗條筋, 瘋狂咁係Amazon jp 買咗大量的火車+路軌+場景, 請問屋企那有位俾阿爸爸你搭個場景呢?
(3) 氣槍, 老公聲稱佢未識我時已開始玩, 當年屋企有2枝氣槍, 係咩? 同你拍拖3年+結婚12年=呢15年來, 從未見過你玩氣槍喎?! (我懷疑佢呢5年來照顧孖寶的壓力, 而家要一次過爆發晒出黎, 所以佢狂買玩具俾自己玩, 發洩!)
眼見孖寶爸買玩具已經去到極瘋狂的境界 (佢已經癲咗!)
孖寶媽冇理由咁刻薄自己? 所以點都要搵D野買吓, 仲要唔貴唔買! 不過, 孖寶媽D興趣好狹窄 (係我老豆遺傳同一手造成, 我的前半生好可憐!) 孖寶媽鍾意的, 不外乎係買吓衫, 化妝品, 護膚品, 同護膚有關的儀器, Little Twin Stars, 森林家族, that's all! (但以上種種都只係幾百, 甚少過千, 更加好難超過1萬, 所以, 諗諗吓應該要加入埋首飾(唔係豬耳繩喎!)
最近, 孖寶媽就買咗個玩具俾自己 -- Hitachi Hada CRie Hot & Cool 溫熱冰肌離子清潔及保濕器 (水貨$1400), 本來想買今年9月最新推出的型號 (行貨$2990), 但由於最新型號只係多咗個色斑感應功能(平時每月都去診所打1064, 雖然仍然有斑, 但唔算多/深色), 加上都唔知部機有冇料到, 又唔知自己有冇恆心每日用, 所以都係平平地買上一代個型號玩吓算喇!
個紙盒雞雞地, 上面D字又濛濛地,
有D驚唔係買咗水貨, 係假貨囉~!
買咗即晚試用, 由於係水貨, 說明書係日文, 所以要上網睇返中文說明書, 根據說明書, 整個清潔+保濕導入+加強滲透+冷卻程序只需11分鐘。但實際上, 我搞咗差不多半粒鐘, 我搞咗D乜?
(1) 首先要將化妝棉固定係導頭上, 倒D化妝水落塊棉上面(要塊棉濕透), 我用SKII的Clear Lotion (有AHA酸幫助軟化角質), 然後開始第一個程序 -- Hot Cleansing (需時3分鐘), 我順便清潔埋條頸, 3分鐘後會自動停機。
塊棉圓圈入面的部份又好似真係黃黃地,
似乎真係導出咗D污垢, 感覺良好!
(2) 清潔程序完成, 拆返塊化妝棉出黎, 同埋望住塊棉, 黃黃地, 感覺(只係感覺)塊面乾淨晒。再摸吓塊面, 好乾爽, 唔似平時用塊棉就咁抺上面, 抹完都係痴痴笠笠 (咁又已經過咗2分鐘)。
(3) 抺下個導頭(驚頭先D污垢痴咗係導頭, 咁一陣做導入咪導入埋D污垢?!) 開始第二個程序 -- Hot Moisturize (需時3分鐘), 我用SKII神仙水, 說明書話水狀要用化妝棉, 凝膠狀可以直接搽係導頭上面, 由於用神仙水整濕成塊化妝棉=倒錢落海, 我冇咁做, 我只係用神仙水拍濕全面(用咗1分鐘), 然後做導入, 但不好推, 神仙水係半乾濕狀態下變得痴痴笠笠, 惟有用導頭按壓, 希望效果差不多, 我都有做埋頸, 3分鐘後又係會自動停機。
(4) 摸吓塊面, 仍然係痴痴笠笠, 究竟係導入咗, 塊面"索"飽水? 抑或係D神仙水俾個導頭的熱力蒸乾咗? 猶疑咗一陣, 繼唔繼續下一個程序 -- Hot Mask? 塊面咁痴, 仲要再搽D精華落去? 會唔會更加痴(線)? 但係頭先溫熱保濕, D熱力已經將D毛孔打開咗喎(說明書係咁寫), by common sense, 毛孔打開咗, 應該趁機搽精華, 等佢更加吸收喎! (咁又過咗2分鐘)
(5) 決定做埋加強滲透(需時3分鐘), 我用Shiseido Ultimate Power Infusing Concentrate, 係Shiseido 近年力推的皇牌保濕精華, 說明書話, 可以直接搽上面先, 我用平時的分量, 即搽上面迅速吸收後, 感覺潤滑但唔笠, 不過, 原來咁既份量, 個導頭好難推, 好"啜", 加上導頭的熱力明顯比之前兩個程序高, 塊面開始有少少紅同不適感覺, 於是那那林搽多一倍的精華上面, 推導頭就順滑咗好多, 但鼻位有骨, 根本唔貼面, 又推唔到, 似乎要放棄, 推咗3分鐘自動停機, 但因為未做條頸, 又開多次機, 做埋條頸 (約1分鐘後熄咗部機)。
(6) 由於感覺塊面非常非常的笠, 好唔舒服, 之後的程序係要用背面的金屬頭做冷卻, 咁咪會整"污糟"背面個金屬頭囉?! 又猶疑咗2分鐘, 真係頂唔順, 決定去洗咗塊面先(浪費晒D精華, 好在係之前買化妝品的贈品試用裝黎!) 洗完面, 用紙巾輕輕印乾, 感覺成塊面清爽晒! 正! (咁又過咗2分鐘)。
(7) 終於都黎到最後一個程序 -- Cool (需時2分鐘), 等D毛孔收縮返! 說明書話背面的金屬頭需要10秒先至進入冷卻程序, 我太心急, 即時就擺上塊面, 其實金屬本身都有少少冰涼的感覺, 我個人最鍾意呢個冷卻程序, 個金屬頭比我想像中凍, 好似冰敷咁(成日諗起如果孖寶跌/撞親, 可以借黎凍敷), 2分鐘實在唔夠喉。
(8) 由於冷卻前已經洗咗塊面, 所以冷卻後, 塊面凍凍地, 更加爽! 正! (不過, 水潤保濕的感覺就冇晒! 希望頭先D神仙水同精華已經導入咗啦!) 所有程序完成晒, 仲要用濕紙巾抺乾淨前面的導頭同背面的金屬頭(我唔敢用水沖呀!驚整壞部機), 再抺乾, 最後用跟機的膠蓋蓋住兩個導頭, Finished! (咁又用咗1分鐘)
整個「療程」完成, 我用咗足足22分鐘, 係說明書聲稱11分鐘的一倍時間!
效果:
(1) 用咗3日, 暫時未見到咩效果! 但每次導出完, 睇住塊棉就感覺良好!
(2) 塊面冇紅, 冇起粒粒 (但今朝右邊面起咗一粒紅點, 按落去唔痛, 唔算好凸起, 搽咗暗瘡膏, 希望撳得住, 唔好發出黎!)
(3)都算係冇傷害性! (上網睇D人話有空姐用到爛面!)
檢討:
似乎用神仙水造導入, 然後用精華加強滲透, 太過份 (因為今朝右邊面已經標咗粒瘡仔), 我決定今晚試吓用Clear Lotion清潔 --> Shiseido精華導入 --> Skip咗Step 3 --> 冷卻
後記:
11月28日, 右邊面谷咗一粒瘡, 搽咗5日Zindaclin 1% Gel, 停止咗生長, 但就硬咗, 同埋淤咗色! 大鑊!
12月14日, 3星期之前谷起粒瘡, 已經扁返(但仍然係淤色), 但附近又谷咗另一粒瘡出黎, 咩事呀而家? 唔通真係部導入機搞到爛面?
2018年2月14日, 由於之前每日用, 塊面開始生瘡, 好驚! 由1月起, 已經冇每日用, 只係一個星期用1至2次, 而且只係導出污垢, 或只係敷Mask時用加強滲透, 所以so far, 已經冇再因為用呢部機而生瘡喇!
2017年11月4日 星期六
一年一度的郊遊日 -- 濕地公園
孖寶兄弟第一次去濕地公園已經係一年前的事! 雖然只係去過一次, 但孖寶印象深刻 -- 個遊戲室 (因為遊戲室內面有棵樹屋, 身高100cm以上的小朋友可以爬上去玩, 孖寶一年前未夠100cm, 飲恨! 所以佢地經常嚷著等佢地夠100cm, 就要去多次濕地公園!)
今年11月4日, 我地可以再去一次濕地公園, 因為孖寶終於都夠100cm喇! (哥哥101cm, 細佬103cm)
由於係星期六早上, 唔算多人, 停車場有車位, GOOD! 泊好車, 幫細佬噴超多蚊怕水(因為細佬俾蚊針到會好大鑊!), 排隊買入場券, 入咗場, 即刻飛奔去遊戲室門口排隊, 下一節係20分鐘後, 排隊的人唔多, 太好喇!
入到遊戲室, 孖寶好興奮, 孖寶終於可以爬到最頂個層喇! 不過, 封咗既?! 原來個樹屋維修緊, 封咗! 再一次飲恨! 不過, 孖寶玩最高果條瀡滑梯仍然係好開心, 笑到卡卡聲!
由於想幫孖寶爭取玩多一節的機會, 媽媽走返出去門口排隊 (媽媽永遠都係排隊機器, 上次去名古屋Legoland又係咁囉!) 於是, 孖寶順利玩多一節, 玩咗兩節, 夠喇! 孖寶滿頭大汗!
遊戲室對面就係鱷魚貝貝之家, 影咗一幅相, 再去前行, 見到有導賞團, 一場黎到, 有人講解吓, 好過自己睇! 導賞團的講解員都係義工, 好欣賞佢地啊! 導賞團大概20分鐘完結, 之後, 每位小朋友獲贈一支筆作為紀念品。
我地繼續沿住個湖行, 坐係湖邊食吓零食, 又去觀鳥屋用望遠鏡睇雀仔 (上次冇黎到)。孖寶兄弟開始有D唔耐煩, 下午1:30, 好肚餓! 係時候要走喇!
去咗Yoho Mall食日本野, 環境同食物質素都唔錯! 好滿足!
今年11月4日, 我地可以再去一次濕地公園, 因為孖寶終於都夠100cm喇! (哥哥101cm, 細佬103cm)
由於係星期六早上, 唔算多人, 停車場有車位, GOOD! 泊好車, 幫細佬噴超多蚊怕水(因為細佬俾蚊針到會好大鑊!), 排隊買入場券, 入咗場, 即刻飛奔去遊戲室門口排隊, 下一節係20分鐘後, 排隊的人唔多, 太好喇!
入到遊戲室, 孖寶好興奮, 孖寶終於可以爬到最頂個層喇! 不過, 封咗既?! 原來個樹屋維修緊, 封咗! 再一次飲恨! 不過, 孖寶玩最高果條瀡滑梯仍然係好開心, 笑到卡卡聲!
由於想幫孖寶爭取玩多一節的機會, 媽媽走返出去門口排隊 (媽媽永遠都係排隊機器, 上次去名古屋Legoland又係咁囉!) 於是, 孖寶順利玩多一節, 玩咗兩節, 夠喇! 孖寶滿頭大汗!
遊戲室對面就係鱷魚貝貝之家, 影咗一幅相, 再去前行, 見到有導賞團, 一場黎到, 有人講解吓, 好過自己睇! 導賞團的講解員都係義工, 好欣賞佢地啊! 導賞團大概20分鐘完結, 之後, 每位小朋友獲贈一支筆作為紀念品。
我地繼續沿住個湖行, 坐係湖邊食吓零食, 又去觀鳥屋用望遠鏡睇雀仔 (上次冇黎到)。孖寶兄弟開始有D唔耐煩, 下午1:30, 好肚餓! 係時候要走喇!
去咗Yoho Mall食日本野, 環境同食物質素都唔錯! 好滿足!
訂閱：
文章 (Atom)