暑期家政班

話說孖寶好鍾意玩煮飯仔, 每次媽媽整曲奇, 佢兩個都會爭住過黎搗亂幫手, 所以今年暑假, 媽媽就幫孖寶報咗家政班, 等佢兩個可以盡情發揮佢地對煮野食的熱誠!

媽媽因為要返工, 所以陪唔到孖寶上家政班, 但根據孖寶同工人姐姐的描述, 上家政班的課室好大, 入面有洗手盤、爐具同埋好大張枱, 每個小朋友都會有一份材料, 由老師示範, 然後小朋友就跟住做, 做完就會俾老師拎去焗爐度焗 (暫時每次都係焗小食)。

孖寶似乎都好like上家政班, 每次帶住自己的製成品返屋企, 都沾沾自喜! 媽媽又會「請教」一吓佢地點整架, 佢地都講得出個步驟, 最緊要係整野食之前有冇洗手架? 佢地都話: 有!

第一堂 -- 芝士腸仔春卷

一世人都未食過咁un的春卷皮

第二堂 -- 香蕉年糕

孖寶哥個眼神咁誠懇, 就試半邊啦!

er...你肯定係香蕉年糕而唔係車tire年糕?

第三堂 -- 朱古力麻糬波

 哥哥, 你肯定呢兜唔係街邊執返黎D石春?

係唔係要成兜石春食晒佢架?

第四堂 -- 燕麥曲奇

哥哥, 見你個樣咁善良, 咁我食一塊啦!

細佬推介話好好食, 

咁點解你唔係食曲奇, 

係食緊芝士圈o既?

孖寶每次都好欣賞自己的製成品, 引以為傲咁拎出黎俾爸爸媽媽食, 每次食孖寶的製成品, 第一啖咬落都要好大勇氣, 然後媽媽同爸爸就會用眼神黎溝通: 咁硬既?! 咩黎架? 肯定係食物黎? 真係唔知點解, 無論用咩材料, 整咩小食, 每次都係好UN, 好似食緊車tire咁! 媽媽通常好快放棄, 但爸爸就堅持食晒佢! 爸爸, 你好偉大啊! (唔想傷害孖寶的弱小心靈)