孖寶兄弟語錄 (2021)

話說經過爸爸多年嚟對孖寶的性教育, 孖寶大概已經知道BB係點嚟既! 

尋晚食飯, 爸爸見到個碟入面有D西蘭花碎, 佢覺得好似精子, 於是, 佢就同孖寶講......

爸爸: 嗱! 精子就係咁樣架喇! 不過, 緊係細好多啦! 要用顯微鏡先睇到!

媽媽: (夾咗2粒蓮子入去隻碟入面) 嗱! 呢2粒就係媽媽的卵子喇!

爸爸: 只有1粒精子可以成功游去同卵子結合! 

然後, 細佬突然好似有所頓悟咁......

細佬: 噢! 原來我地都係一粒精子!

媽媽: 唔! 冇錯! 細佬, 估唔到你只得8歲, 就已經參透人生喇!

再然後, 細佬突然大叫......

細佬: 吖! 好嘔心呀! 原來我地係阿爸條JJ出嚟架! 吖! 好嘔心! (N次)

我同爸爸已經笑到出唔到聲!

再再再然後, 哥哥突然好詭異的眼神, 壓低聲音嚟講......

哥哥: 正確嚟講, 係睪丸! 原來我地曾經住係阿爸個睪丸入面! 唉! (佢個樣簡直係懷疑人生!)

一家四口已經笑到停唔到!!!