孖寶兄弟語錄(18)

自從孖寶9月升小一，爸媽每晚都會關心一下孖寶在校的情況，有冇特別或者開心的事情發生？大息做咗d乜？有冇落去玩？

話說上星期有一晚食飯的時候......

媽媽 : 細佬，你今日大息做咗d咩呀？
細佬 : 落操場睇人踢波。
媽媽 : 多唔多人睇呀？
細佬 : 好多人企晒係度，圍住睇，然後，有班人拎d藍色既, 好似西蘭花咁既野出黎，係咁揈!

媽媽同爸爸聽到，即刻忍唔住爆笑，差d噴飯！細佬的想像力好豐富, 形容亦相當有創意, 不過, 真係第一次聽人形容"啦啦球"好似西蘭花咁, 諗落又真係幾似!

細佬講既野, 成日都係咁出人意表, 笑到噴飯, 真係要俾10個like佢!