仲有一個星期, 孖寶就開始放暑假喇!
為咗唔想孖寶暑假期間日日留係屋企(做宅男)咁悶, 媽媽係今年4月又幫佢地報咗暑期班 (舊年都有報暑期班 -- English Smart Kids + 繪畫班)。 其實佢地今年2月至4月期間, 媽媽都幫佢地報咗繪畫班, 但個繪畫班似手工班多D, 佢地2個都唔係咁like, 所以媽媽報暑期班之前, 都有做意見調查, 繪畫班OUT! 最後揀咗兩兄弟都有興趣的 -- 小小魔術師 + 入廚自理家政班 + 好玩非洲鼓班, 三個班都冇學術成份, 真心想孖寶過一個開心的暑假, 玩佢地鍾意玩的野!
不過, 同學校輔導老師講開, 報咗呢三個暑期班, 老師同我分析:
1) 魔術班可以訓練佢地大腦思維, 同埋要係別人面前表演, 可以幫細佬練大膽D
2) 入廚家政班可以訓練佢地的耐性, 因為煮野食要一步一步咁跟住個部驟去做, 小朋友見到自己咁有心機整出黎的製成品, 亦會有滿足感, 同埋自我肯定
3) 非洲鼓班就啱晒好動同埋手多多的哥哥, 亦可以訓練佢地身體的協調, 對音樂、節奏、拍子的觸覺, 音樂又可以陶冶性情, 舒發情緒, 啱晒郁D就爆喊控制唔到自己情緒的哥哥
啊! 原來係咁, 媽媽報名果時都冇諗咁多野, 唔該晒老師的詳細分析。
其實媽媽都想佢地學吓樂器, 未必一定要學琴 (細佬成日都話想學琴, 每次企係個琴前面就同媽媽講: 媽媽, 呢個係C, 我搵晒個琴入面的C俾你睇, 佢只係今年年初試學咗一堂半個鐘, 但就記得點搵個C音, 媽媽覺得細佬理解力都幾高, 係學音樂的材料黎!) 但爸爸就成日話, 佢地仲咁細, 遲D先啦! 之前未夠4歲, 就話等到4歲先學, 夠4歲, 就話佢地冇興趣, 等佢地有興趣先學, 而家細佬話有興趣, 就話細佬可能係一時痴咗條筋啫! 阿爸爸, 唔明點解你千方百計要阻止佢地學樂器呢? 抑或你想慳返D錢咋?
2017年7月4日 星期二
孖寶兄弟語錄(13)
星期日帶孖寶返沙田同公公婆婆去酒樓食晚飯, 補祝母親+父親節 (搞到7月先至慶祝係因為6月時孖寶病咗3個星期, 到孖寶好返, 就輪到公公病咗)
泊咗車係停車場, 落車, 一家四口行去樓梯...
媽媽: 小心車車呀!
細佬: 媽媽, 你做乜講車車呀?
媽媽: um...
細佬: 係車, 唔係車車, 車車係BB話黎
哥哥: 媽媽, 你係BB
媽媽: 一時口快講錯咗啫!
食飯的時候...
爸爸: 細佬, 你要唔要肉肉?
細佬: 你又講BB話! 肉肉係BB話黎
爸爸: hoho...
原來孖寶已經長大了, 爸媽要快D與時並進喇!
泊咗車係停車場, 落車, 一家四口行去樓梯...
媽媽: 小心車車呀!
細佬: 媽媽, 你做乜講車車呀?
媽媽: um...
細佬: 係車, 唔係車車, 車車係BB話黎
哥哥: 媽媽, 你係BB
媽媽: 一時口快講錯咗啫!
食飯的時候...
爸爸: 細佬, 你要唔要肉肉?
細佬: 你又講BB話! 肉肉係BB話黎
爸爸: hoho...
原來孖寶已經長大了, 爸媽要快D與時並進喇!
2017年6月26日 星期一
帶住孖寶去旅行@2017 (下) (行程規劃篇)
由於上年冇諗過暑假帶孖寶去旅行(因為認定暑假機票就係好貴!), 搞到臨時臨急旅行癮起, 去咗兩日一夜澳門, 第一晚係酒店已經同自己講, 以後都唔會去呢個鬼地方!!!
為咗今年唔會重蹈覆轍, 老公係去年年尾已經留意定今年8月的機票, 見到8月24號去名古屋都係$3000幾一個人, 好啦! 就係今年1月中買咗機票, 一家四口盛惠$13,XXX (已連稅+附加費), 暑假喎, 咁既價錢, 去邊度搵呀?
um... 不過, 名古屋有咩玩架? ............
決定買名古屋機票的原因:
1. 去名古屋的機程都係4個鐘以內, 孖寶應該唔會係機上發癲 (主要原因)
2. 因為已經去過沖繩、福岡、大阪, 已經冇咩選擇 (跪求高人提意4個鐘機程以內的日本城市, 仲要適合親子遊喎!)
3. 暑假期間, 坐CX (唔係廉航喎!), 每人都係$3000幾, 是但啦! 我冇要求!
4. 名古屋都唔算咩大城市 (媽媽最驚去大城市, 人多車多, 同去旺角冇分別, 做乜事要用$13,XXX買機票去旺角?! 所以, 就算去大城市, 只會安排第一晚留係大城市, 第二日早上即租車走, 有咁遠去咁遠, 盡量縮短留係大城市的時間)
5. 我同老公都未去過名古屋, 今次可以同孖寶一齊explore, 好刺激啊! (求期講多個原因啫!)
同朋友講開, 暑假會帶孖寶去名古屋玩, 朋友問, 吓? 名古屋有咩玩架? 好似唔啱小朋友去喎 ... um...
不過, 今年4月1日, 名古屋Legoland開幕之後, 突然多咗好多香港人話要去名古屋, 仲要暑假帶小朋友去, 大鑊, 本來去名古屋就係唔想咁多人, 而家 ......
Anyway, 去Legoland只係1日啫 (原來個樂園好細 (但入場費超貴), 冇咩玩, 啱孖寶玩的設施更加少, 玩半日都可能玩完!), 仲有6日的行程要諗, 所以媽媽就上網睇名古屋究竟有咩玩, 仲要係啱孖寶玩的兒童遊樂設施。
結果, 原來都有唔少地方啱孖寶去喎!
不過, 7日6夜的行程, 好似全部都係為孖寶而設, 爸媽只係負責安排, 俾錢, 執頭執尾, 同陪玩......
經過爸媽一星期多的努力, 行程規劃大致如下:
Day 1 - 香港 --> 中部國際機場 --> 租車 --> 小牧市
Day 2 - 滑草 --> 航空宇宙科學博物館 --> 阿智村 (日本環境省認定「日本第一星空」) --> 睇星星
Day 3 - 阿智村 --> 愛地球博公園 --> 新舞子マリンパーク花火大會
Day 4 - 刈谷岩ケ池公園 --> 愛知牧場 (雪糕製作体驗)
Day 5 - Legoland
Day 6 - 日光川公園 (水上樂園) --> 大高綠地 (恐龍滑梯)
Day 7 - Toyota Plant Tour --> 中部國際機場 --> 香港
為咗今年唔會重蹈覆轍, 老公係去年年尾已經留意定今年8月的機票, 見到8月24號去名古屋都係$3000幾一個人, 好啦! 就係今年1月中買咗機票, 一家四口盛惠$13,XXX (已連稅+附加費), 暑假喎, 咁既價錢, 去邊度搵呀?
um... 不過, 名古屋有咩玩架? ............
決定買名古屋機票的原因:
1. 去名古屋的機程都係4個鐘以內, 孖寶應該唔會係機上發癲 (主要原因)
2. 因為已經去過沖繩、福岡、大阪, 已經冇咩選擇 (跪求高人提意4個鐘機程以內的日本城市, 仲要適合親子遊喎!)
3. 暑假期間, 坐CX (唔係廉航喎!), 每人都係$3000幾, 是但啦! 我冇要求!
4. 名古屋都唔算咩大城市 (媽媽最驚去大城市, 人多車多, 同去旺角冇分別, 做乜事要用$13,XXX買機票去旺角?! 所以, 就算去大城市, 只會安排第一晚留係大城市, 第二日早上即租車走, 有咁遠去咁遠, 盡量縮短留係大城市的時間)
5. 我同老公都未去過名古屋, 今次可以同孖寶一齊explore, 好刺激啊! (求期講多個原因啫!)
同朋友講開, 暑假會帶孖寶去名古屋玩, 朋友問, 吓? 名古屋有咩玩架? 好似唔啱小朋友去喎 ... um...
不過, 今年4月1日, 名古屋Legoland開幕之後, 突然多咗好多香港人話要去名古屋, 仲要暑假帶小朋友去, 大鑊, 本來去名古屋就係唔想咁多人, 而家 ......
Anyway, 去Legoland只係1日啫 (原來個樂園好細 (但入場費超貴), 冇咩玩, 啱孖寶玩的設施更加少, 玩半日都可能玩完!), 仲有6日的行程要諗, 所以媽媽就上網睇名古屋究竟有咩玩, 仲要係啱孖寶玩的兒童遊樂設施。
結果, 原來都有唔少地方啱孖寶去喎!
不過, 7日6夜的行程, 好似全部都係為孖寶而設, 爸媽只係負責安排, 俾錢, 執頭執尾, 同陪玩......
經過爸媽一星期多的努力, 行程規劃大致如下:
Day 1 - 香港 --> 中部國際機場 --> 租車 --> 小牧市
Day 2 - 滑草 --> 航空宇宙科學博物館 --> 阿智村 (日本環境省認定「日本第一星空」) --> 睇星星
Day 3 - 阿智村 --> 愛地球博公園 --> 新舞子マリンパーク花火大會
Day 4 - 刈谷岩ケ池公園 --> 愛知牧場 (雪糕製作体驗)
Day 5 - Legoland
Day 6 - 日光川公園 (水上樂園) --> 大高綠地 (恐龍滑梯)
Day 7 - Toyota Plant Tour --> 中部國際機場 --> 香港
2017年6月25日 星期日
小一面試大作戰
話說一年半前仲係超大B幼稚園面試大作戰, 一年半後, 又要面對小一面試大作戰, 生於現今呢個年代的小朋友, 好慘!
作為一個唔想做怪獸家長的媽媽, 只希望孖寶能夠有一個快樂的童年, 但又唔想孖寶小學畢業連26個英文字母都未識, 要係中間取得平衡, 其實真係唔易, 有時都唔知自己做得啱唔啱, 或者自己的選擇係唔係真係適合孖寶。
其實, 媽媽一直都冇諗過要考咩私校、直資, 其實當初決定放棄做大B讀民生, 繼續留係屋村的學券幼稚園, 就係諗住最緊要愉快學習, 將來入返一間唔好太差的津校就可以了, 所以冇學樂器, 冇學國語, 冇學劍穚英語, 冇學唱歌、跳舞、朗誦、台拳道、游水, 更加冇參加咩咩咩名師面試班...... 不過, 老公突然話都想俾佢地試吓考私校 / 直資, 橫掂只係俾報名費$150, 當去見識吓 / 玩吓 / 買個機會, etc.
為咗唔好俾孖寶有壓力 (媽媽都唔想有壓力), 我同老公係唔催谷、冇預備的情況吓, 就幫孖寶報咗一間私校, 一間直資, 到面試當日都冇同佢地講係去面試, 只係去小學參觀吓, 同埋扮上堂, 同老師玩遊戲, etc. 哥哥好單純, 以為好似去上畫畫班咁, 至於細佬, 可能佢俾較醒目, 去咗一次, 佢已經話唔想再去, 都冇野玩既, 唔鍾意, etc. 爸爸媽媽惟有同佢講, 咁你想唔想做大哥哥升讀小學先? 咁要去睇吓你鍾唔鍾意間小學嘛!
無論係私校 / 直資, 面試當日都係超多人, 其實咁多人, 學校點揀人呀? 相信都係大抽奬, 只要你小朋友表現唔係太差, 又或者除非你有心谷, 讀咗咩咩名師面試班, 表現好凸出, 令老師印象好深刻, 我相信孖寶兩者都唔係, 平平無奇, 所以都係睇彩數, 或者合唔合眼緣!
由於真係太多人 (幾千人先至揀得個100幾個), 所以爸媽完全冇期望, 下一步就係參加教育局的第一階段自行派位同第二階段的大抽奬, 聽咗學校舉行的小一選校簡介會, 對個遊戲的玩法明多咗少少, 總之有心儀小學就要1-1-1, 到時真係派唔到, 都有機會可以叩門面試, 多個機會咁囉!
不過, 媽媽都係果句啦! 如果係叻既, 讀咩學校都叻, 媽媽細個讀果間小學都係九流小學之嘛, 咪一樣年年考第一, 升到全沙田Number 1中學, 會考有25分(1A5B), 仲要係文科喎! (通常理科先至容易攞A), 之後讀埋大學(中大)同兩個碩士(港大), 所以根本唔關讀邊間學校事!
讀名校唔會令你個仔變叻D, 因為通常名校只會收叻人, 你唔叻, 夾硬讀名校, 一係出去補習, 谷到佢變叻D (所以變叻咗唔係因為讀咗名校), 一係就等俾人踢出校啦!
後記:
5月in咗一間直資, 6月in咗一間私校, 7月中知到結果, 兩間都唔收! 老公話因為佢地係細B, 學校有得揀又點會揀細B呢? 佢兩個表現又唔係特別出眾! 老公話算喇! 唔玩呢個咁唔公平的遊戲喇! 嘥晒D錢(報名費每位$150), 而家叠埋心水參加大抽奬!
作為一個唔想做怪獸家長的媽媽, 只希望孖寶能夠有一個快樂的童年, 但又唔想孖寶小學畢業連26個英文字母都未識, 要係中間取得平衡, 其實真係唔易, 有時都唔知自己做得啱唔啱, 或者自己的選擇係唔係真係適合孖寶。
其實, 媽媽一直都冇諗過要考咩私校、直資, 其實當初決定放棄做大B讀民生, 繼續留係屋村的學券幼稚園, 就係諗住最緊要愉快學習, 將來入返一間唔好太差的津校就可以了, 所以冇學樂器, 冇學國語, 冇學劍穚英語, 冇學唱歌、跳舞、朗誦、台拳道、游水, 更加冇參加咩咩咩名師面試班...... 不過, 老公突然話都想俾佢地試吓考私校 / 直資, 橫掂只係俾報名費$150, 當去見識吓 / 玩吓 / 買個機會, etc.
為咗唔好俾孖寶有壓力 (媽媽都唔想有壓力), 我同老公係唔催谷、冇預備的情況吓, 就幫孖寶報咗一間私校, 一間直資, 到面試當日都冇同佢地講係去面試, 只係去小學參觀吓, 同埋扮上堂, 同老師玩遊戲, etc. 哥哥好單純, 以為好似去上畫畫班咁, 至於細佬, 可能佢俾較醒目, 去咗一次, 佢已經話唔想再去, 都冇野玩既, 唔鍾意, etc. 爸爸媽媽惟有同佢講, 咁你想唔想做大哥哥升讀小學先? 咁要去睇吓你鍾唔鍾意間小學嘛!
無論係私校 / 直資, 面試當日都係超多人, 其實咁多人, 學校點揀人呀? 相信都係大抽奬, 只要你小朋友表現唔係太差, 又或者除非你有心谷, 讀咗咩咩名師面試班, 表現好凸出, 令老師印象好深刻, 我相信孖寶兩者都唔係, 平平無奇, 所以都係睇彩數, 或者合唔合眼緣!
由於真係太多人 (幾千人先至揀得個100幾個), 所以爸媽完全冇期望, 下一步就係參加教育局的第一階段自行派位同第二階段的大抽奬, 聽咗學校舉行的小一選校簡介會, 對個遊戲的玩法明多咗少少, 總之有心儀小學就要1-1-1, 到時真係派唔到, 都有機會可以叩門面試, 多個機會咁囉!
不過, 媽媽都係果句啦! 如果係叻既, 讀咩學校都叻, 媽媽細個讀果間小學都係九流小學之嘛, 咪一樣年年考第一, 升到全沙田Number 1中學, 會考有25分(1A5B), 仲要係文科喎! (通常理科先至容易攞A), 之後讀埋大學(中大)同兩個碩士(港大), 所以根本唔關讀邊間學校事!
讀名校唔會令你個仔變叻D, 因為通常名校只會收叻人, 你唔叻, 夾硬讀名校, 一係出去補習, 谷到佢變叻D (所以變叻咗唔係因為讀咗名校), 一係就等俾人踢出校啦!
後記:
5月in咗一間直資, 6月in咗一間私校, 7月中知到結果, 兩間都唔收! 老公話因為佢地係細B, 學校有得揀又點會揀細B呢? 佢兩個表現又唔係特別出眾! 老公話算喇! 唔玩呢個咁唔公平的遊戲喇! 嘥晒D錢(報名費每位$150), 而家叠埋心水參加大抽奬!
2017年6月10日 星期六
孖寶感染不明病毒
4.6.2017（星期日）
10:30 帶孖寶去兒童遊戲室玩，兩個玩到癲晒，流晒大汗
11:15 一節完，細佬話想排隊再玩多一節，哥哥話好攰，唔想玩，想去行IKEA
13:00 去停車場攞車，拖住哥哥隻手仔，感覺好熱，同老公講哥哥好似發燒，老公話佢都覺得係 (唔怪之得佢連遊戲室都唔想玩啦! 太反常喇!)
13:45 返到屋企，額探超過37.5，係發燒，但哥哥精神唔算太差
19:00 哥哥個人好攰，連佢平時最like的冷麵都冇胃口食
5.6.2017（星期一）
05:00 爸爸餵哥哥食咗一次退燒藥
10:30 哥哥同嫲嫲講，好唔舒服，想去睇醫生
11:00 睇醫生，診所耳探38.5，奄奄一息，醫生開咗退燒同收鼻水藥，似乎係流感，但診所冇流感快速測試
14:00 哥哥個人都尚算精神
16:30 媽媽帶哥哥去另一診所做流感快測，耳探39.6，哥哥係診所嘔水，又變返奄奄一息，測試結果negative，醫生話唔係流感，可能係病毒感染，醫生話佢而家咁高燒，幫佢用肛塞退燒，姑娘話再燒到咁高最好去醫院
18:00 額探36點幾，退燒退得好快，哥哥個人都精神返少少
23:30 哥哥又嘔，額探39，食退燒藥，佢話嘔完有野卡住係喉嚨，好辛苦，大叫，我同老公決定帶佢睇急症
00:00 去到急症室，耳探38.5，分流屬緊急，等咗半個鐘就見醫生，但個醫生好求其，只係話佢感冒，叫佢驗小便，然後又係開普通退燒同收鼻水藥
6.6.2017（星期二）
仍然係發燒，食咗退燒藥，退咗一陣又燒返，經常都係38.5左右，半夜都要叫醒佢食退燒藥
7.6.2017（星期三）
繼續發燒
16:30 又發到39度，同老公決定再帶哥哥睇另一個醫生
17:00 診所耳探39.4，醫生話咁高燒，已經燒咗幾日，試吓食抗生素，另外開咗隻退高燒藥
18:00 仍然超過39，試吓用肛塞（上次好快退燒），但已經冇咩效，仍然係38點幾
8.6.2017（星期四）
08:40 食第一次抗生素，仍然係38.5，但有時個人都精神
14:40 食第二次抗生素
20:40 食第三次抗生素，仍然係未退燒
9.6.2017（星期五）
第二日食抗生素
18:45 仍然係38.5，媽媽餵哥哥食咗普通同高燒藥（姑娘話係兩種一齊食）
21:00 開始退燒，個人都活潑返
23:00 耳探35.8，好驚，係唔係d藥太勁，個體溫繼續跌落去，會唔會死架？
10.6.2017（星期六）
08:00 耳探36點幾，仍然係冇燒，已經有12個鐘冇食過退燒藥，似乎病情已經受到控制，不過雙眼仍然紅紅地，多眼水，仲變咗大細眼
09:15 繼續第三日的抗生素治療
14:00 天氣酷熱，去完小一入學面試返屋企，仍然冇燒，由於佢兩個好鍾意玩爸爸新買的耳探，所以順便探埋細佬，37.3，冇燒，但感覺佢個身比平時熱，媽媽進入戒備狀態
17:00 細佬瞓醒晏覺，耳探37.4，唔算發燒，媽媽再探吓自己，都37.2，應該係天氣熱啫，唔好嚇自己
19:00 幫孖寶沖完涼，哥哥耳探仍然係36點幾，退燒已經差不多24小時，媽媽正式宣布：哥哥好返喇！輪到細佬，耳探37.7，微燒，大鑊，細佬似乎都中招！
20:00 細佬耳探37.9，體溫一直上升，已經好肯定細佬將會同哥哥早幾日的病情一樣，媽媽問佢有冇唔舒服，佢話冇，仲好精神，跳跳扎扎，但媽媽同佢講：細佬呀！你今晚可能會嘔！你唔舒服要同爸爸媽媽講
21:00 細佬耳探38.2，成個人呆晒，冇晒精神，話個胃好頂，又話最衰爸爸迫佢飲咗好多水，話口未完，已經嘔到噴泉咁，成塊面紅晒，標冷汗，佢話好頭痛
21:30 媽媽一直坐係細佬床邊，幫佢按摩頭頭，額頭敷毛巾，耳探38.4，但爸爸話要俾佢燒吓，等佢個身體自己製造抗體，對抗d病毒
23:30 耳探仍然係38.4，未有再上升，唔似得哥哥咁越燒越高
11.6.2017（星期日）
05:00 耳探37.9，工人姐姐話細佬嘔，但只係嘔咗少少，佢尋晚嘔到噴泉咁，應該都嘔晒
細佬成朝早都維持係38點幾度, 所以都冇俾退燒藥佢食, 但下午開始燒到上39度, 所以都係要食退燒藥, 食咗就退燒, 但4-5個鐘後又燒過39度
12.6.2017（星期一）[三號風球幼稚園停課]
今日爸爸媽媽都要返工, 惟有靠嫲嫲睇住細佬, 佢話細佬都精神
07:00 耳探超過39度, 要食退燒藥
13:00 都係超過39度, 再食退燒藥
18:45 都係高燒, 今次食退高燒藥 (只係高燒藥, 冇同普通退燒藥一齊食, 驚好似哥哥咁, 變咗失溫), 希望可以捱耐D
細佬雖然發緊高燒, 但都算有胃口食野, 媽媽都冇咁擔心!
13.6.2017（星期二）[三號風球幼稚園停課]
02:00 爸媽校咗鬧鐘起身睇細佬, 又係燒到過咗39度, 爸爸的佢起身食藥
10:00 由於細佬都燒咗幾日, 爸爸媽媽決定都係要帶細佬去睇醫生, 食抗生素
10:50 燒到39.6度, 就算一陣去睇醫生, 都食咗退燒藥先啦! 咁燒法, 我驚燒死細佬呀!
11:10 去TKOP睇兒科專科, 簡值要俾10個讚呢個女醫生, 好專業, 好細心, 講解得好詳細, 佢話細佬咁高燒, 又冇咩明顯病徵, 都似係病毒, 唔係細菌, 但佢覺得都係要開抗生素, 因為通常燒咗幾日(佢形容為打仗), 小朋友身體已經虛耗咗好多, 呢個時候, 身體裏面潛在的細菌可能乘機出動攻擊個小朋友, 所以食抗生素, 係抑制住呢D細菌, 等佢個身體可以集中火力打呢場病毒仗, 我覺得佢講得好有道理!
13:30 細佬食第一次抗生素, 大喊, 好飽, 食唔到, 好難食, 好辛苦, 情願打針都唔想食, etc. 爸爸媽媽氹咗佢好耐, 最後要用針筒唧入去佢個口, 佢先至食到
18:30 又燒到39.4度, 都係要食退高燒藥, 醫生開呢隻, 好味道, 細佬好like
19:00 已經退到38.9度
21:45 細佬臨瞓要再食多次抗生素, 又係聲淚俱下, 其實工人姐姐都話呢隻抗生素, 佢係中東見過, 中東的小朋友都係極力反抗唔肯食, 所以估計呢隻野應該都幾難食
14.6.2017（星期三）
02:00 爸媽又係校咗鬧鐘睇細佬, 耳探37.8, ok喎! 唔駛食退燒藥, GOOD!
07:30 耳探仍然係37.8, 太好喇! 細佬似乎已經退咗燒!
08:35 細佬留係屋企休息, 媽媽帶哥哥返學, 哥哥經過今次大病一場之後, 成個人瘦咗一個碼, 身體變成一張紙咁薄, 個頭就變咗超級倒三角螳螂頭, 真係慘不忍睹!
細佬全日都冇燒!
15.6.2017（星期四）
細佬仍然冇燒, 所以今天可返學 (因為要照學生相)
細佬燒咗4日, 比起哥哥燒咗6日, 細佬的抵抗力應該好D, 同埋細佬患病期間都有胃口食野, 所以都唔係瘦咗好多, 不過, 兩個隻眼都有D紅(哥哥左眼, 細佬右眼, 哥哥仲變咗大細眼添), 似乎個不知名病毒仲未被消滅晒!
後記@17.6.2017
哥哥仍然係大細眼(左眼有事), 早上睇兒科, 原來係細菌感染, 眼肚同眼皮內都有細菌form咗D membrane, 兒科醫生叫我地去睇眼科, 因為要特效藥, 下午去睇眼科, 醫生幫佢清咗D membrane, 哥哥喊到拆天, 要滴7日抗生素同類固醇, 臨瞓仲要揤眼膏。
後記@18.6.2017
細佬7am走過黎我地房, 話: 媽媽! 我想嘔! 然後果朝嘔咗4次, 又肚痛到要攤係Sofa, 慘慘豬!
之後果幾日, 哥哥同細佬都輪流肚屙......
今次病毒感染, 足足搞咗3星期, 唉!
8月尾去旅行, 到時要健健康康呀!
10:30 帶孖寶去兒童遊戲室玩，兩個玩到癲晒，流晒大汗
11:15 一節完，細佬話想排隊再玩多一節，哥哥話好攰，唔想玩，想去行IKEA
13:00 去停車場攞車，拖住哥哥隻手仔，感覺好熱，同老公講哥哥好似發燒，老公話佢都覺得係 (唔怪之得佢連遊戲室都唔想玩啦! 太反常喇!)
13:45 返到屋企，額探超過37.5，係發燒，但哥哥精神唔算太差
19:00 哥哥個人好攰，連佢平時最like的冷麵都冇胃口食
5.6.2017（星期一）
05:00 爸爸餵哥哥食咗一次退燒藥
10:30 哥哥同嫲嫲講，好唔舒服，想去睇醫生
11:00 睇醫生，診所耳探38.5，奄奄一息，醫生開咗退燒同收鼻水藥，似乎係流感，但診所冇流感快速測試
14:00 哥哥個人都尚算精神
16:30 媽媽帶哥哥去另一診所做流感快測，耳探39.6，哥哥係診所嘔水，又變返奄奄一息，測試結果negative，醫生話唔係流感，可能係病毒感染，醫生話佢而家咁高燒，幫佢用肛塞退燒，姑娘話再燒到咁高最好去醫院
18:00 額探36點幾，退燒退得好快，哥哥個人都精神返少少
23:30 哥哥又嘔，額探39，食退燒藥，佢話嘔完有野卡住係喉嚨，好辛苦，大叫，我同老公決定帶佢睇急症
00:00 去到急症室，耳探38.5，分流屬緊急，等咗半個鐘就見醫生，但個醫生好求其，只係話佢感冒，叫佢驗小便，然後又係開普通退燒同收鼻水藥
6.6.2017（星期二）
仍然係發燒，食咗退燒藥，退咗一陣又燒返，經常都係38.5左右，半夜都要叫醒佢食退燒藥
7.6.2017（星期三）
繼續發燒
16:30 又發到39度，同老公決定再帶哥哥睇另一個醫生
17:00 診所耳探39.4，醫生話咁高燒，已經燒咗幾日，試吓食抗生素，另外開咗隻退高燒藥
18:00 仍然超過39，試吓用肛塞（上次好快退燒），但已經冇咩效，仍然係38點幾
8.6.2017（星期四）
08:40 食第一次抗生素，仍然係38.5，但有時個人都精神
14:40 食第二次抗生素
20:40 食第三次抗生素，仍然係未退燒
9.6.2017（星期五）
第二日食抗生素
18:45 仍然係38.5，媽媽餵哥哥食咗普通同高燒藥（姑娘話係兩種一齊食）
21:00 開始退燒，個人都活潑返
23:00 耳探35.8，好驚，係唔係d藥太勁，個體溫繼續跌落去，會唔會死架？
10.6.2017（星期六）
08:00 耳探36點幾，仍然係冇燒，已經有12個鐘冇食過退燒藥，似乎病情已經受到控制，不過雙眼仍然紅紅地，多眼水，仲變咗大細眼
09:15 繼續第三日的抗生素治療
14:00 天氣酷熱，去完小一入學面試返屋企，仍然冇燒，由於佢兩個好鍾意玩爸爸新買的耳探，所以順便探埋細佬，37.3，冇燒，但感覺佢個身比平時熱，媽媽進入戒備狀態
17:00 細佬瞓醒晏覺，耳探37.4，唔算發燒，媽媽再探吓自己，都37.2，應該係天氣熱啫，唔好嚇自己
19:00 幫孖寶沖完涼，哥哥耳探仍然係36點幾，退燒已經差不多24小時，媽媽正式宣布：哥哥好返喇！輪到細佬，耳探37.7，微燒，大鑊，細佬似乎都中招！
20:00 細佬耳探37.9，體溫一直上升，已經好肯定細佬將會同哥哥早幾日的病情一樣，媽媽問佢有冇唔舒服，佢話冇，仲好精神，跳跳扎扎，但媽媽同佢講：細佬呀！你今晚可能會嘔！你唔舒服要同爸爸媽媽講
21:00 細佬耳探38.2，成個人呆晒，冇晒精神，話個胃好頂，又話最衰爸爸迫佢飲咗好多水，話口未完，已經嘔到噴泉咁，成塊面紅晒，標冷汗，佢話好頭痛
21:30 媽媽一直坐係細佬床邊，幫佢按摩頭頭，額頭敷毛巾，耳探38.4，但爸爸話要俾佢燒吓，等佢個身體自己製造抗體，對抗d病毒
23:30 耳探仍然係38.4，未有再上升，唔似得哥哥咁越燒越高
11.6.2017（星期日）
05:00 耳探37.9，工人姐姐話細佬嘔，但只係嘔咗少少，佢尋晚嘔到噴泉咁，應該都嘔晒
細佬成朝早都維持係38點幾度, 所以都冇俾退燒藥佢食, 但下午開始燒到上39度, 所以都係要食退燒藥, 食咗就退燒, 但4-5個鐘後又燒過39度
12.6.2017（星期一）[三號風球幼稚園停課]
今日爸爸媽媽都要返工, 惟有靠嫲嫲睇住細佬, 佢話細佬都精神
07:00 耳探超過39度, 要食退燒藥
13:00 都係超過39度, 再食退燒藥
18:45 都係高燒, 今次食退高燒藥 (只係高燒藥, 冇同普通退燒藥一齊食, 驚好似哥哥咁, 變咗失溫), 希望可以捱耐D
細佬雖然發緊高燒, 但都算有胃口食野, 媽媽都冇咁擔心!
13.6.2017（星期二）[三號風球幼稚園停課]
02:00 爸媽校咗鬧鐘起身睇細佬, 又係燒到過咗39度, 爸爸的佢起身食藥
10:00 由於細佬都燒咗幾日, 爸爸媽媽決定都係要帶細佬去睇醫生, 食抗生素
10:50 燒到39.6度, 就算一陣去睇醫生, 都食咗退燒藥先啦! 咁燒法, 我驚燒死細佬呀!
11:10 去TKOP睇兒科專科, 簡值要俾10個讚呢個女醫生, 好專業, 好細心, 講解得好詳細, 佢話細佬咁高燒, 又冇咩明顯病徵, 都似係病毒, 唔係細菌, 但佢覺得都係要開抗生素, 因為通常燒咗幾日(佢形容為打仗), 小朋友身體已經虛耗咗好多, 呢個時候, 身體裏面潛在的細菌可能乘機出動攻擊個小朋友, 所以食抗生素, 係抑制住呢D細菌, 等佢個身體可以集中火力打呢場病毒仗, 我覺得佢講得好有道理!
13:30 細佬食第一次抗生素, 大喊, 好飽, 食唔到, 好難食, 好辛苦, 情願打針都唔想食, etc. 爸爸媽媽氹咗佢好耐, 最後要用針筒唧入去佢個口, 佢先至食到
18:30 又燒到39.4度, 都係要食退高燒藥, 醫生開呢隻, 好味道, 細佬好like
19:00 已經退到38.9度
21:45 細佬臨瞓要再食多次抗生素, 又係聲淚俱下, 其實工人姐姐都話呢隻抗生素, 佢係中東見過, 中東的小朋友都係極力反抗唔肯食, 所以估計呢隻野應該都幾難食
14.6.2017（星期三）
02:00 爸媽又係校咗鬧鐘睇細佬, 耳探37.8, ok喎! 唔駛食退燒藥, GOOD!
07:30 耳探仍然係37.8, 太好喇! 細佬似乎已經退咗燒!
08:35 細佬留係屋企休息, 媽媽帶哥哥返學, 哥哥經過今次大病一場之後, 成個人瘦咗一個碼, 身體變成一張紙咁薄, 個頭就變咗超級倒三角螳螂頭, 真係慘不忍睹!
細佬全日都冇燒!
15.6.2017（星期四）
細佬仍然冇燒, 所以今天可返學 (因為要照學生相)
細佬燒咗4日, 比起哥哥燒咗6日, 細佬的抵抗力應該好D, 同埋細佬患病期間都有胃口食野, 所以都唔係瘦咗好多, 不過, 兩個隻眼都有D紅(哥哥左眼, 細佬右眼, 哥哥仲變咗大細眼添), 似乎個不知名病毒仲未被消滅晒!
後記@17.6.2017
哥哥仍然係大細眼(左眼有事), 早上睇兒科, 原來係細菌感染, 眼肚同眼皮內都有細菌form咗D membrane, 兒科醫生叫我地去睇眼科, 因為要特效藥, 下午去睇眼科, 醫生幫佢清咗D membrane, 哥哥喊到拆天, 要滴7日抗生素同類固醇, 臨瞓仲要揤眼膏。
後記@18.6.2017
細佬7am走過黎我地房, 話: 媽媽! 我想嘔! 然後果朝嘔咗4次, 又肚痛到要攤係Sofa, 慘慘豬!
之後果幾日, 哥哥同細佬都輪流肚屙......
今次病毒感染, 足足搞咗3星期, 唉!
8月尾去旅行, 到時要健健康康呀!
2017年6月1日 星期四
孖寶兄弟語錄(12)
話說細佬尋晚半夜3:30扎醒咗, 佢今朝同媽媽講返:
細佬: 媽媽, 我尋晚醒咗, 黑蚊蚊, 仲係夜晚
媽媽: 啊! 咁黑, 咁你有冇好驚呀?
細佬: 我去搵咗姐姐!
媽媽: 其實你都可以搵爸爸媽媽...
細佬: 我知道你同爸爸聽日要返工, 你地唔夠瞓聽朝就返唔到工架喇!
媽媽: 嘩! 細佬你好乖喎! 好生性! 識得為爸爸媽媽設想, 欣賞你呀!
又話說前晚食飯的時候...
細佬: 爸爸, 點解你之前話8月去完旅行就以後冇得去呀? (把聲吊高8度 + 嬲嬲豬表情)
爸爸: 唔係以後冇得去, 我係話8月去完, 就要等到下年先至再去喇!
細佬: 吓? (超大聲), 點解呀? 我唔要等到下年! 我唔想咁耐都冇得去旅行呀!
媽媽: 噢! 細佬! 你講咗媽媽的心聲呀!
細佬: 我要每個月都去!
媽媽: (心諗: 細佬! 估唔到你得4歲人仔, 但你就講出咗每一個打工仔的心聲!)
爸爸: (繼續好認真咁解釋點解唔可以每個月去旅行)
媽媽已經笑到收唔到聲...
細佬: 媽媽, 我尋晚醒咗, 黑蚊蚊, 仲係夜晚
媽媽: 啊! 咁黑, 咁你有冇好驚呀?
細佬: 我去搵咗姐姐!
媽媽: 其實你都可以搵爸爸媽媽...
細佬: 我知道你同爸爸聽日要返工, 你地唔夠瞓聽朝就返唔到工架喇!
媽媽: 嘩! 細佬你好乖喎! 好生性! 識得為爸爸媽媽設想, 欣賞你呀!
又話說前晚食飯的時候...
細佬: 爸爸, 點解你之前話8月去完旅行就以後冇得去呀? (把聲吊高8度 + 嬲嬲豬表情)
爸爸: 唔係以後冇得去, 我係話8月去完, 就要等到下年先至再去喇!
細佬: 吓? (超大聲), 點解呀? 我唔要等到下年! 我唔想咁耐都冇得去旅行呀!
媽媽: 噢! 細佬! 你講咗媽媽的心聲呀!
細佬: 我要每個月都去!
媽媽: (心諗: 細佬! 估唔到你得4歲人仔, 但你就講出咗每一個打工仔的心聲!)
爸爸: (繼續好認真咁解釋點解唔可以每個月去旅行)
媽媽已經笑到收唔到聲...
2017年5月16日 星期二
情緒班
話說哥哥的情緒比較唔穏定, 經常爆喊, 瞓係地吓典, 歇斯底里, 撞傷眼角, 撞淤塊面, 爸爸媽媽好多時都頂唔順鬧爆佢, 或者車巴佢...... (哥哥, 對唔住, 爸媽見到你咁, 都控制唔到我地自己)
為咗解決呢個情況(應該冇得解決, 只係希望每次可以處理得好D), 爸媽帶咗然然去做評估(結果: 正常! 睇唔到有咩行為問題喎!), 真係啤一聲!
但都拎住封轉介信去排咗政府兒童發展中心, 又去問吓私人機構有冇D咩課程可以俾爸媽或者然然上吓。問咗兩間(都係學校老師介紹), 姑娘聽我描述個情況, 都話然然適合遊戲治療, 即係同個治療師係間房入面, 一對一, 用遊戲去瞭解然然的內心世界, 問題所在, 再針對個問題睇吓有咩方法解決。不過, 兩間都要排隊, 唔知排幾耐(似乎香港都好多小朋友有行為問題)
其中一間係觀塘(近屋企), 有情緒社交小組, 大概六個小朋友一組, 一個單元有六堂, 每堂一個鐘, 由社工姑娘會教小朋友咩係情緒同埋點樣正確表達自己的情緒。於是就幫然然報咗, 每個星期六1:30-2:30去上情緒班。
六堂的情緒班好快就上完, 然然的情緒冇乜太大改善, 不過, 有一至兩次, 然然好唔開心, 正想爆喊的時候, 爸媽見到佢嘗試去忍住唔喊, 雖然仍然係一邊落淚, 一邊話自己好唔開心, 但對比平時喊到瞓地, 撞到塊面淤咗, 已經好大進步! 爸媽都好欣賞, 當然要即場讚佢同安慰佢啦!
希望然然可以繼續努力, 用正確的方法去表達情緒!
不過, 最近一兩個月, 爸媽發覺細佬易喊咗, 似乎係學咗哥哥, 因為佢見到哥哥每次喊, 媽媽都會同哥哥講: 啊! 媽媽見到你好唔開心喎! 啊! 哥哥好唔開心! 啊! 知道! 哥哥因為咁咁咁, 所以好嬲! 啊! 哥哥想咁咁咁, etc. (某某兒童行為治療專家教的) 結果, 細佬就將媽媽呢D說話同反應, 睇成係媽媽認同哥哥的扭計行為, 於是, 佢又有樣學樣, 一有少少唔如意就大喊大叫, 唉! 我應該點做? 我仲可以點做? 爸爸惟有同細佬解釋, 乜你見唔到哥哥喊果時, 我車巴佢咩? 你以為扭計喊我會錫佢咩? 喊係冇用架! 爸爸媽媽唔會鍾意, etc. (希望細佬明白啦!)
不過, 我自己有時都會回想返, 哥哥喊, 同細佬喊, 我的反應有冇分別?! 答案係: 有! 原來哥哥喊, 可能因為我一早預咗, 有心理準備, 所以我會好有耐性咁, 同佢講以上專家教的對白。至於細佬, 可能因為我一向都認為細佬好明白事理, 當佢突然蠻不講理咁爆喊扭計, 我就會怒火中燒, 鬧爆佢, 唔會好似對哥哥咁樣咁有耐性。(細佬仔, 對唔住啊! 媽媽真係要認真檢討一下!)
為咗解決呢個情況(應該冇得解決, 只係希望每次可以處理得好D), 爸媽帶咗然然去做評估(結果: 正常! 睇唔到有咩行為問題喎!), 真係啤一聲!
但都拎住封轉介信去排咗政府兒童發展中心, 又去問吓私人機構有冇D咩課程可以俾爸媽或者然然上吓。問咗兩間(都係學校老師介紹), 姑娘聽我描述個情況, 都話然然適合遊戲治療, 即係同個治療師係間房入面, 一對一, 用遊戲去瞭解然然的內心世界, 問題所在, 再針對個問題睇吓有咩方法解決。不過, 兩間都要排隊, 唔知排幾耐(似乎香港都好多小朋友有行為問題)
其中一間係觀塘(近屋企), 有情緒社交小組, 大概六個小朋友一組, 一個單元有六堂, 每堂一個鐘, 由社工姑娘會教小朋友咩係情緒同埋點樣正確表達自己的情緒。於是就幫然然報咗, 每個星期六1:30-2:30去上情緒班。
六堂的情緒班好快就上完, 然然的情緒冇乜太大改善, 不過, 有一至兩次, 然然好唔開心, 正想爆喊的時候, 爸媽見到佢嘗試去忍住唔喊, 雖然仍然係一邊落淚, 一邊話自己好唔開心, 但對比平時喊到瞓地, 撞到塊面淤咗, 已經好大進步! 爸媽都好欣賞, 當然要即場讚佢同安慰佢啦!
希望然然可以繼續努力, 用正確的方法去表達情緒!
不過, 最近一兩個月, 爸媽發覺細佬易喊咗, 似乎係學咗哥哥, 因為佢見到哥哥每次喊, 媽媽都會同哥哥講: 啊! 媽媽見到你好唔開心喎! 啊! 哥哥好唔開心! 啊! 知道! 哥哥因為咁咁咁, 所以好嬲! 啊! 哥哥想咁咁咁, etc. (某某兒童行為治療專家教的) 結果, 細佬就將媽媽呢D說話同反應, 睇成係媽媽認同哥哥的扭計行為, 於是, 佢又有樣學樣, 一有少少唔如意就大喊大叫, 唉! 我應該點做? 我仲可以點做? 爸爸惟有同細佬解釋, 乜你見唔到哥哥喊果時, 我車巴佢咩? 你以為扭計喊我會錫佢咩? 喊係冇用架! 爸爸媽媽唔會鍾意, etc. (希望細佬明白啦!)
不過, 我自己有時都會回想返, 哥哥喊, 同細佬喊, 我的反應有冇分別?! 答案係: 有! 原來哥哥喊, 可能因為我一早預咗, 有心理準備, 所以我會好有耐性咁, 同佢講以上專家教的對白。至於細佬, 可能因為我一向都認為細佬好明白事理, 當佢突然蠻不講理咁爆喊扭計, 我就會怒火中燒, 鬧爆佢, 唔會好似對哥哥咁樣咁有耐性。(細佬仔, 對唔住啊! 媽媽真係要認真檢討一下!)
訂閱：
文章 (Atom)