自學水彩 - 進階篇(2)

今個月個人比較懶, 加上病病地, 所以只係完成咗3幅畫作!

粉紅鬱金香

呢幅畫主要係用嚟練習wet-on-wet的技巧, 我個人覺得幾滿意, 不過, 仍然有好多要改進的空間, 例如花中心部份深色的地方好唔自然, 做唔到凹陷的立體感覺。

可愛小松鼠

基本上可以話冇難度, 因為網上有outline可以download, 又有video教人上色, 冇乜技巧, 只係最基本的wet-on-dry方法, 只要你俾心機慢慢一層一層咁上色, 就一定畫得到! 只係調色方面有D考功夫, 因為成隻松鼠都係Golden Brown + Black, 但我盒Rembrandt 48色冇Golden Brown, 研究咗好耐先至溝到隻色。

花束

呢幅畫係我係公司用Van Gogh水彩畫的! 用過Artist Grade, 用返Student Grade感覺的確係冇咁得心應手, 顏色化開得冇咁自然(一撻撻), 而且好易留有水痕。我用A5畫紙畫, 因為構圖簡單, 只有3朵玫瑰, 後面的背景都係濛濛瀧瀧, 其實主要係練習點樣畫後面個背景, 亂嚟之中又好似故意營造抽象感覺, 我係先點上比較濃的顏色, 然後用清水筆推開, 注意唔可以推開得太均暈, 要保留鮮明的深淺對比。

孖寶兄弟語錄(2019)

孖寶兄弟講嘢越嚟越好笑, 由於太多笑話, 實在節錄唔晒!

細佬: 媽媽, 我諗到第二時大個做乜?
媽媽: 係? 咁你諗到做乜?
細佬: 係森林入面, 睇住D樹嗰D!
媽媽: err... 你係唔係想講「林木護理員」呀?  你點解想做呀?
細佬: 唔知呀!
媽媽: 香港冇呢個職業架喎! 要去外國做! (心諗: 咁都俾你諗到, 你幾時見過呢個職業呀? 雖然阿媽都唔係要你做律師, 醫生, 但都唔好做D咁冷門o既職業丫!)


細佬: 媽媽, 我今日同嫲嫲講, 佢個肚腩有三截, 好似米芝蓮咁!
媽媽: 唔准咁話嫲嫲架! 冇禮貌! (但已經笑到收唔到聲!)


話說我們家的性教育由孖寶兩歲已經開始, 因為爸爸覺得性教育係唔需要避忌, 越早知道越好, 就係今年去日本旅行食晚飯期間, 爸爸幫孖寶上咗一堂性教育課!

爸爸: 你哋知唔知呢D橙色一粒粒係咩嚟?
孖寶: Err...
爸爸: 係魚子, 即係魚的卵子!
孖寶: 吓? 即係有魚仔係入面?
爸爸: 未有, 因為係未授精!
孖寶: 即係點呀?
爸爸: 魚媽媽生D卵出嚟, 然後爸爸就係D卵上面射精, D精同D卵結合, 就會有魚仔係入面! 不過人就唔同!
孖寶: 咁人呢?
(媽媽已經忍唔住笑, 爸爸, 我睇你今次點解釋!)
爸爸: 人D卵係媽媽身體入面, 爸爸射D精入去!
孖寶: 吓? 點入去呀?
爸爸: 爸爸擺條JJ入媽媽下面個loan度囉!
(OMG! 好在呢度唔係香港, 冇人識聽啫!)
孖寶: EEEEEEEEEE...... 咁核突! 真唔真架?
爸爸: (自己都笑到出唔到聲!)


有一晚, 準備食飯的時候, 孖寶講起佢地班入面, 有2個正班長同2個副班長, 仍然係小學雞的爸爸就......

爸爸: 如果陳XX同學係副班長, 你地會點叫佢呀?
孖寶: 陳副班長!
爸爸: 咁如果佢姓徐呢? (陰陰咀笑)
孖寶: 徐副班長!
爸爸: hoho......
(孖寶有D疑惑, 點解爸爸會覺得咁笑?!)
爸爸: 徐副班長喎!
(孖寶開始明白, 然後, 突然, 哥哥除咗自己條褲, 我地一家大笑到收唔到聲, 哥哥, 我地知你明喇! 但都唔駛做埋個動作出嚟! 哥哥果然係狂人一名呀!)