不過, 孖寶今年要報小學, 所以爸媽都唔敢離開香港, 今年的慶祝活動只能留係香港食飯&切蛋糕!
老公係我生日&結婚12周年前夕, 突然送咗扎花俾我, 我感動到喊! (你睇我幾易滿足, 老公, 你娶到我, 你執到喇!)
姑媽都係十月之星, 佢遲我1日生日,
所以我買咗個雪糕蛋糕, 我地3個十月之星一齊慶祝
2017年10月30日 星期一
2017年10月9日 星期一
小一選校大抽奬 (上)
話說今年4月, 爸爸幫孖寶報咗一間直資, 一間私校, 想用每人$150報名費搏個小一學位, 由於孖寶係12月細B, 當大家interview的時候已經5歲幾, 孖寶只係剛剛4歲半, 加上係男仔, 對答緊係冇女仔咁叻啦! 加上爸媽都唔係怪獸家長, 由細到大都冇谷過孖寶學咩咩咩興趣班, 係冇証書, 冇背景, 冇準備的情況下去interview...... 結果, 緊係冇學校收啦!
七月知道冇學校收孖寶, 爸媽已經叠埋心水參加教育局的大抽奬, 所謂大抽奬, 其實係小一選校的第二階段, 第一階段係自行選校, 你可以係全港任何一區選一間(只限一間)心儀的小學, 填好表格, 帶齊文件, 係今年9月25至29日親身去到你心儀的學校交表, 由於孖寶冇兄姊, 父母又唔係讀咩名校出生, 所以冇世襲, 只能靠計分, 所謂的計分, 即係適齡學童有10分, (呢10分係大部份人都有), 另外首名子女有5分 (問咗心儀學校, 孖寶兩兄弟都可以當首名子女, 所以每人都有5分), 最後就係宗教分 (要出示父/母的受浸証明就加多5分, 老公唔見咗, 要問返教會拎返)。所以孖寶兄弟每人都有20分, 但20分其實好難同人鬥, 得15分果D可以行埋一邊!
我地冇諗過揀區外的學校, 因為父母又唔係舊生, 而且大抽奬都係要揀返本區的學校, 如果自行選校時揀咗區外學校, 將來叩門就冇咗1-1-1的優先接見條件, 所以都係叠埋心水揀將軍澳區的小學, 其實軍澳區冇乜出名的小學(我同老公都唔係將軍澳土生土長, 根本就唔知邊間好邊間唔好, 只係道聽途說)。加上我地都想揀返基督教小學, 所以選擇更加少。其實揀得落手的, 只有2間 -- 宣道會或者循道衞理, 我一向心儀宣道會, 因為孖寶讀緊的幼稚園都係宣道會, 報返宣道會的小學, 希望有多少同情分啦(叩門的時候)。
暑假的時候去咗宣小的家長講座+開放日, 家長係禮堂聽講座, 孖寶就被安排去課室參加課堂體驗。講座由校長同一位主任老師主講, 教學理念, 學校活動, 學生發展etc. 都講解得好清楚, 我同老公都覺得呢間學校唔錯, 起碼老師有愛心, 有教育熱誠, 對學生因材施教, 有教無類。不過, 校舍就比較細&殘, D課室又暗又有up味, 老公話讀得好咪得囉! 理得佢間學校點樣! 咁又係, 我以前讀沙官, 都係30年舊校舍, 又殘又舊, 但仍然係大把人爭住入去讀!
不過, 由於宣小係區內都係數一數二熱門的學校, 恐怕計分都唔夠分入到, 大抽奬又未必咁幸運, 所以要物識一吓區內其他冇咁熱門, 但又要係基督教的小學, 所以9月的時候又參觀咗信義會同聖公會, 感覺兩間差不多, 前者係活動教學, 校舍又靚, 孖寶應該幾like; 後者的校長今年剛剛上場, 但言談間好有理想, 老師都好有愛心, 小朋友應該可以愉快學習, (不過, 通常派唔到其他學校先至會被派到呢間, 所以媽媽個心又有D銀住銀住)! 其實都有去過循道衞理, 但行到入操場, 已經超多人, 打晒蛇餅, 我以為自己去咗廸廸尼排隊玩機動遊戲, 我同老公都不約而同, 感覺麻麻, 好商業化, 加上, 目測當時已經超過1000人, 就算自選階段報循道, 都只係等同「自殺」! 所以冇參觀就走咗!
由於第一階段的計分制同第二部份的大抽奬都係「聽天由命」, 媽媽個心好慌 (媽媽係一個Planner, 樣樣野都要有晒計劃, 實在頂唔順冇計劃, 冇得話事, 聽天由命的選校遊戲(No! 其實跟本冇得選, 最後只係由得個電腦派位), 所以媽媽又提意, 不如報多一間直資, 就係隔離村, 行過去返學就得, 連校車都唔駛搭! 不過, 交表格果日, 入到間學校, 唔係好殘, 係超級殘, 好似冇錢裝修, 要借用人地的臨時校舍咁, 簡直同媽媽30年前讀果間小學的格局一樣, 睇見都唔開胃! 仲要唔係基督教, 真係收咗孖寶, 都唔知讀唔讀好!
第一階段自行選校會係11月27日有結果, 可以上學校的網頁睇, 唉! 媽媽都唔敢有咩期望, 今次真係冇眼睇喇!
惟有希望大抽奬可以有D運氣抽到啦! 再唔係, 希望叩門的時候, 孖寶5歲半, 對答會好D啦!
再退一步, 老公話萬一派得唔好, 都讀住先啦! 下年再報直資/私小, 到時面試, 孖寶已經6歲, 又讀咗幾個月小一, 應該會有D優勢咁囉!
後記@2017.10.10
就係寫完呢個post果晚, 媽媽發咗個惡夢, 孖寶真係被派到唔係心儀的小學, 媽媽傷心到爆喊, 喊醒咗! 第二朝講返俾爸爸聽, 佢話: 駛唔駛咁誇張呀? 而家又唔係冇書讀!
後記@2017.11.27
係神蹟呀! 孖寶竟然獲宣小取錄! 媽媽激動到喊咗出黎! 係主的預備, 感謝主! 榮耀歸神!
七月知道冇學校收孖寶, 爸媽已經叠埋心水參加教育局的大抽奬, 所謂大抽奬, 其實係小一選校的第二階段, 第一階段係自行選校, 你可以係全港任何一區選一間(只限一間)心儀的小學, 填好表格, 帶齊文件, 係今年9月25至29日親身去到你心儀的學校交表, 由於孖寶冇兄姊, 父母又唔係讀咩名校出生, 所以冇世襲, 只能靠計分, 所謂的計分, 即係適齡學童有10分, (呢10分係大部份人都有), 另外首名子女有5分 (問咗心儀學校, 孖寶兩兄弟都可以當首名子女, 所以每人都有5分), 最後就係宗教分 (要出示父/母的受浸証明就加多5分, 老公唔見咗, 要問返教會拎返)。所以孖寶兄弟每人都有20分, 但20分其實好難同人鬥, 得15分果D可以行埋一邊!
我地冇諗過揀區外的學校, 因為父母又唔係舊生, 而且大抽奬都係要揀返本區的學校, 如果自行選校時揀咗區外學校, 將來叩門就冇咗1-1-1的優先接見條件, 所以都係叠埋心水揀將軍澳區的小學, 其實軍澳區冇乜出名的小學(我同老公都唔係將軍澳土生土長, 根本就唔知邊間好邊間唔好, 只係道聽途說)。加上我地都想揀返基督教小學, 所以選擇更加少。其實揀得落手的, 只有2間 -- 宣道會或者循道衞理, 我一向心儀宣道會, 因為孖寶讀緊的幼稚園都係宣道會, 報返宣道會的小學, 希望有多少同情分啦(叩門的時候)。
暑假的時候去咗宣小的家長講座+開放日, 家長係禮堂聽講座, 孖寶就被安排去課室參加課堂體驗。講座由校長同一位主任老師主講, 教學理念, 學校活動, 學生發展etc. 都講解得好清楚, 我同老公都覺得呢間學校唔錯, 起碼老師有愛心, 有教育熱誠, 對學生因材施教, 有教無類。不過, 校舍就比較細&殘, D課室又暗又有up味, 老公話讀得好咪得囉! 理得佢間學校點樣! 咁又係, 我以前讀沙官, 都係30年舊校舍, 又殘又舊, 但仍然係大把人爭住入去讀!
不過, 由於宣小係區內都係數一數二熱門的學校, 恐怕計分都唔夠分入到, 大抽奬又未必咁幸運, 所以要物識一吓區內其他冇咁熱門, 但又要係基督教的小學, 所以9月的時候又參觀咗信義會同聖公會, 感覺兩間差不多, 前者係活動教學, 校舍又靚, 孖寶應該幾like; 後者的校長今年剛剛上場, 但言談間好有理想, 老師都好有愛心, 小朋友應該可以愉快學習, (不過, 通常派唔到其他學校先至會被派到呢間, 所以媽媽個心又有D銀住銀住)! 其實都有去過循道衞理, 但行到入操場, 已經超多人, 打晒蛇餅, 我以為自己去咗廸廸尼排隊玩機動遊戲, 我同老公都不約而同, 感覺麻麻, 好商業化, 加上, 目測當時已經超過1000人, 就算自選階段報循道, 都只係等同「自殺」! 所以冇參觀就走咗!
信義會開放日, 有攤位遊戲玩
信義會的校舍好靚, 媽媽好Like
聖公會有爆谷食, 孖寶好Like
由於第一階段的計分制同第二部份的大抽奬都係「聽天由命」, 媽媽個心好慌 (媽媽係一個Planner, 樣樣野都要有晒計劃, 實在頂唔順冇計劃, 冇得話事, 聽天由命的選校遊戲(No! 其實跟本冇得選, 最後只係由得個電腦派位), 所以媽媽又提意, 不如報多一間直資, 就係隔離村, 行過去返學就得, 連校車都唔駛搭! 不過, 交表格果日, 入到間學校, 唔係好殘, 係超級殘, 好似冇錢裝修, 要借用人地的臨時校舍咁, 簡直同媽媽30年前讀果間小學的格局一樣, 睇見都唔開胃! 仲要唔係基督教, 真係收咗孖寶, 都唔知讀唔讀好!
第一階段自行選校會係11月27日有結果, 可以上學校的網頁睇, 唉! 媽媽都唔敢有咩期望, 今次真係冇眼睇喇!
惟有希望大抽奬可以有D運氣抽到啦! 再唔係, 希望叩門的時候, 孖寶5歲半, 對答會好D啦!
再退一步, 老公話萬一派得唔好, 都讀住先啦! 下年再報直資/私小, 到時面試, 孖寶已經6歲, 又讀咗幾個月小一, 應該會有D優勢咁囉!
後記@2017.10.10
就係寫完呢個post果晚, 媽媽發咗個惡夢, 孖寶真係被派到唔係心儀的小學, 媽媽傷心到爆喊, 喊醒咗! 第二朝講返俾爸爸聽, 佢話: 駛唔駛咁誇張呀? 而家又唔係冇書讀!
後記@2017.11.27
係神蹟呀! 孖寶竟然獲宣小取錄! 媽媽激動到喊咗出黎! 係主的預備, 感謝主! 榮耀歸神!
訂閱：
文章 (Atom)